«Азиялык Өнүктүрүү Банкынын Туруктуу өкүлчүлүгү жөнүндө Кыргыз Республикасынын Өкмөтү менен Азиялык Өнүктүрүү Банкынын ортосундагы макулдашууну ратификациялоо тууралуу» Кыргыз Республикасынын Мыйзамы Долбоор (1999-жылдын 17-ноябры)

Долбоор

КЫРГЫЗ РЕСПУБЛИКАСЫНЫН
 
МЫЙЗАМЫ

Азиялык Өнүктүрүү Банкынын Туруктуу өкүлчүлүгү жөнүндө Кыргыз Республикасынын Өкмөтү менен Азиялык

Өнүктүрүү Банкынын ортосундагы макулдашууну ратификациялоо тууралуу

(1999-жылдын 17-ноябры)

Мыйзам долбоору КР Өкмөтүнүн 1999.17.11 № 629 токтому менен жактырылган жана КР Жогорку Кеңешинин кароосуна жиберилген

1-статья. «Азиялык Өнүктүрүү Банкынын Туруктуу Өкүлчүлүгү жөнүндө Кыргыз Республикасынын Өкмөтү менен Азиялык Өнүктүрүү Банкынын ортосундагы макулдашуу ратификациялансын.

2-статья. Кыргыз Республикасынын Өкмөтү көрсөтүлгөн Макулдашуу ратификациялангандыгы жөнүндө Азиялык Өнүктүрүү Банкына билдирсин.

Кыргыз Республикасында Банктын туруктуу Өкүлчүлүгүн

ачуу жөнүндө Кыргыз Республикасынын Өкмөтү менен

Азиялык Өнүктүрүү Банкынын ортосундагы макулдашуунун

долбоору боюнча сүйлөшүүлөрдүн

МАКУЛДАШЫЛГАН ПРОТОКОЛУ

1. Кыргыз Республикасында Банктын Туруктуу Өкүлчүлүгүн ачуу жөнүндө Кыргыз Республикасынын Өкмөтү (Өкмөт) менен Азиялык Өнүктүрүү Банкынын (Банк) ортосундагы макулдашуунун (Макулдашуу) долбоору боюнча сүйлөшүүлөр Өкмөт менен Банктын өкүлдөрүнүн ортосунда Бишкекте 1999-жылдын 20-июлунан тартып 23-июлуна чейинки жолугушууларда болуп өттү. Макулдашылган Макулдашуу 1-тиркеме катары сунуш кылынган. Бул протокол Макулдашуу жагынан айрым макулдашылган түшүндүрмөлөрдү камтыйт жана ушул Макулдашуунун ажыралгыс бөлүгү болуп саналат.

Жалпы жоболор

2. Макулдашуу Банктын Кыргыз Республикасындагы Туруктуу Өкүлчүлүгү Банктын максаттарына жана милдеттерине ылайык жүзөгө ашыра турган Өкүлчүлүктүн ишине тиешеси бар экендиги макулдашылды жана Макулдашуу Туруктуу Өкүлчүлүккө, анын ичинде анын Персоналына ар кандай башка эл аралык уюмга же өкүлчүлүккө, анын ичинде алардын Кыргыз Республикасындагы дипломатиялык миссияларына берилгенден кем эмес багымдуу режимди камсыз кылууга багытталган.