«Фитосанитариялық, ветеринариялық - санитариялық қауіпсіздік, асыл тұқымды мал шаруашылығы, астық, мақта нарығы және тұқым шаруашылығы салаларындағы тексерулер бойынша ведомстволық статистикалық есептілік нысандарын бекіту туралы» Қазақстан Республикасы Ауыл шаруашылығы министрінің 2010 жылғы 31 наурыздағы № 217, Қазақстан Республикасы Экономикалық даму және сауда министрінің 2010 жылғы 30 сәуірдегі № 24 және Қазақстан Республикасы Бас Прокуратурасы Құқықтық статистика және арнайы есепке алу жөніндегі комитеті төрағасының 2010 жылғы 17 мамырдағы № 83 Н/Қ бірлескен бұйрығы

Фитосанитариялық, ветеринариялық - санитариялық қауіпсіздік, асыл тұқымды мал шаруашылығы, астық, мақта нарығы және тұқым шаруашылығы салаларындағы тексерулер бойынша ведомстволық статистикалық есептілік нысандарын бекіту туралы
Қазақстан Республикасы Ауыл шаруашылығы министрінің 2010 жылғы 31 наурыздағы № 217,
Қазақстан Республикасы Экономикалық даму және сауда министрінің 2010 жылғы 30 сәуірдегі № 24 және
Қазақстан Республикасы Бас Прокуратурасы Құқықтық статистика және арнайы есепке алу жөніндегі комитеті төрағасының
2010 жылғы 17 мамырдағы № 83 Н/Қ бірлескен бұйрығы

«Жеке кәсіпкерлік туралы» Қазақстан Республикасының 2006 жылғы 31 қаңтардағы Заңының 38-бабы 2-тармағына сәйкес, БҰЙЫРАМЫЗ:

1. Қоса беріліп отырған Фитосанитариялық, ветеринариялық-санитариялық қауіпсіздік, асыл тұқымды мал шаруашылығы, астық, мақта нарығы және тұқым шаруашылығы салаларындағы тексерулер бойынша ведомстволық статистикалық есептілік нысандары бекітілсін.

2. Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитеті (С.И. Сүлейменов):

1) осы бұйрықтың ресми жариялануы;

2) осы бұйрықты Қазақстан Республикасы Ауыл шаруашылығы министрлігінің интернет-ресурсына орналастыруды;

3) ай сайын есепті айдан кейінгі айдың 10-ы күні облыстар және Астана мен Алматы қалалары бөлінісінде жүрізілген тексерулер және олардың нәтижесі туралы статистикалық мәліметтерді Қазақстан Республикасы Ауыл шаруашылығы министрлігінің интернет-ресурсына орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Ауыл шаруашылығы министрлігінің Жауапты хатшысы Е.И. Аманға жүктелсін.

4. Осы бұйрық соңғы қол қойылған күнінен бастап қолданысқа енгізіледі және жариялауға жатады.