|
|
|
Табыс пен капиталға қосарланған салық салуды болдырмау және салық төлеуден жалтаруға жол бермеу туралы
1997 жылғы 24 ақпандағы № 70-I ҚР Заңымен ратификацияланды
Қазақстан Республикасының Үкіметі мен Нидерланды Корольдігінің Үкіметі табыс пен капиталға қосарланған салық салуды болдырмау және салық төлеуден жалтаруға жол бермеу туралы екі Мемлекеттің арасында Конвенция жасауға ниет білдіре отырып, мына мәселелер жайында уағдаласты:
Конвенцияның қолданылу саласы
1-бап Конвенция қолданылатын тұлғалар
Осы Конвенция Уағдаласушы Мемлекеттердің бірінің немесе екеуінің де резиденттері болып табылатын тұлғаларға қолданылады.
Конвенция қолданылатын салықтар
1. Осы Конвенция табыс пен капиталға салынатын салықтарды алу тәсілдеріне қарамастан Уағдаласушы Мемлекет немесе оның саяси-әкімшілік бөлімшелері не жергілікті өкімет орындары алатын осы салықтарға қолданылады. 2. Табыстың жалпы сомасынан, капиталдың жалпы сомасынан, немесе табыстың яки капиталдың жекелеген элементтерінен алынатын барлық салықтар, соның ішінде жылжитын немесе жылжымайтын мүлікті шеттетуден түсетін табыстардан алынатын салықтар, кәсіпорындар төлейтін ризықақының немесе жалақының жалпы сомасынан алынатын салықтар, сондай-ақ капитал құнының артуынан алынатын салықтар табыс пен капиталға салынатын салықтар болып есептеледі. 3. Конвенция қолданылатын алынып жүрген салықтар, атап айтқанда, мыналар болып табылады: а) Қазақстанда: - заңды және жеке тұлғалардың табысына салынатын салық; - заңды және жеке тұлғалардың мүлкіне салынатын салық; (бұдан әрі «Қазақстан салықтары» ретінде аталатындар). б) Нидерландыда: - табыс салығы, - жалақыға салынатын салық, - компанияның пайдасына, соның ішінде 1967 жылы шығарылған концессияларға қатысты Мі jnwet 1810 заңына (1810 жылғы Тау-кен заңына) сәйкес немесе 1965 жылғы Континенталдық Жоспарға сәйкес (Нидерландының Континенталдық Шельфі туралы 1965 жылғы Тау-кен заңы) салық салынатын табиғи ресурстарды өндіруден алынған таза пайдадағы Үкіметтің үлесіне салынатын салық, - дивидендтерге салынатын салық, - капиталға салынатын салық, (бұдан әрі «Нидерланды салықтары» ретінде аталатындар); 4. Конвенция сондай-ақ оған қол қойылған күннен кейін қолданылып жүрген салықтарға қосымша немесе солардың орнына алынатын кез-келген бірдей немесе іс жүзінде соларға ұқсас салықтарға қолданылады. Уағдаласушы Мемлекеттердің құзырлы органдары өздерінің қолданылып жүрген салық заңдарына енгізілетін кез-келген елеулі өзгерістер жайында бір-бірін хабардар етіп отырады.
Айқындамалар
3-бап Жалпы айқындамалар
1. Егер контекстен басқалай мағына тумаса, осы Конвенцияның мақсаттары үшін: а) «Уағдаласушы Мемлекет» және «басқа Уағдаласушы Мемлекет» терминдері контекске қарай Қазақстан Республикасын (Қазақстанды) немесе Нидерланды Корольдігін (Нидерландыны) білдіреді; «Уағдаласушы Мемлекеттер» термині Қазақстан Республикасын (Қазақстанды) және Нидерланды Корольдігін (Нидерландыны) білдіреді; б) «Қазақстан» термині Қазақстан Республикасын білдіреді. Жағырапиялық мағынасында қолданғанда «Қазақстан» термині халықаралық құқыққа сәйкес Қазақстан белгілі бір мақсаттар үшін егемен құқықтары мен юридикциясын жүзеге асыра алатын және Қазақстанның заңдары қолданылатын аумақтық суларды, сондай-ақ тек қана экономикалық аймақ пен континенталдық шельефті қамтиды; в) «Нидерланды» термині Нидерланды Корольдігінің Еуропада орналасқан бөлігін, соның ішінде оның аумақтық теңізін және халықаралық құқыққа сәйкес теңіз түбі, оның қойнауы және оның астындағы су мен олардың табиғи ресурстарын жөніндегі Нидерланды юрисдикциясын немесе егемен құқықтарын жүзеге асыратын аумақтық теңіз төңірегіндегі кез-келген алаңды білдіреді; г) «тұлға» термині жеке адамды, компанияны және тұлғалардың кез-келген басқа бірлестігін қамтиды; д) «компания» термині салық салу мақсаттары үшін корпоративтік құрылым ретінде қарастырылатын кез-келген корпоративтік құрылымды немесе кез-келген экономикалық бірлікті білдіреді; е) «Уағдаласушы Мемлекеттің кәсіпорны» және «басқа Уағдаласушы Мемлекеттің кәсіпорны» терминдері тиісінше Уағдаласушы Мемлекеттің резиденті айналысатын кәсіпкерлік қызметті және басқа Уағдаласушы Мемлекеттің резиденті айналысатын кәсіпкерлік қызметті білдіреді; ж) «халықаралық тасымал» термині теңіз немесе әуе кемесі тек қана басқа Уағдаласушы Мемлекеттегі пункттер арасында пайдаланылатын жағдайлардан басқа кезде Уағдаласушы Мемлекеттің кәсіпорны пайдаланатын теңіз немесе әуе кемесімен жасалатын кез-келген тасымалды білдіреді; з) «ұлттық тұлға» термині: 1. Уағдаласушы Мемлекеттің азаматтығын алған кез-келген жеке адамды; 2. өздерінің мәртебесін Уағдаласушы Мемлекеттің қолданылып жүрген заңдарының негізінде алған кез-келген заңды тұлғаны, серіктестікті немесе кез-келген басқа ассоциацияны білдіреді; и) «құзырлы орган» термині: 1. Қазақстанда: Қаржы министрлігін немесе оның өкілетті өкілін білдіреді. 2. Нидерландыда: Қаржы Министрін немесе оның өкілетті өкілін; 2. Уағдаласушы Мемлекет Конвенцияны қолданғанда онда айқындалмаған кез-келген термин, егер контекстен басқа мағына тумаса, салықтарына Конвенция қолданылатын осы Мемлекеттің заңдарына сәйкес қандай мағынаға ие болса, дәл сондай мағынаға ие болады.
Резидент
1. Осы Конвенцияның мақсаттары үшін «Уағдаласушы Мемлекеттің резиденті» термині осы Мемлекеттің заңдары бойынша онда өзінің тұратын жеріне, резиденттігіне, басқару орнына, құрылған орнына немесе осыған ұқсас сипаттағы кез-келген басқа өлшемге байланысты салық салынатын кез-келген тұлғаны білдіреді. Алайда бұл термин осы Мемлекеттегі көздерден немесе сонда орналасқан капиталдан алынатын табысқа ғана қатысты осы Мемлекетте салық салынуға тиіс қандай да бір тұлғаны қамтымайды. Уағдаласушы Мемлекет, оның саяси-әкімшілік бөлімшесі немесе жергілікті өкімет органы Уағдаласушы Мемлекетте осындай болып танылған және табысы әдетте осы Мемлекетте салық салудан босатылған зейнетақы қоры немесе қайырымдылық ұйымы секілді осы Мемлекеттің ұйымын, саяси-әкімшілік бөлімшесін немесе өкімет органын осы Мемлекеттің резиденттері ретінде қарастырады. Осы Мемлекеттің заңдастырылған ережелеріне сәйкес танылған және бақыланытын кез-келген зейнетақы қоры Уағдаласушы Мемлекеттің танылған зейнетақы қоры болып есептеледі. 2. 1-тармақтың ережелеріне сәйкес жеке тұлға Уағдаласушы Мемлекеттердің екеуінің де резиденті болған жағдайда оның мәртебесі былай айқындалады: а) ол өзінің қарамағына жататын тұрақты баспанасы бар Мемлекеттің ғана резиденті болып есептеледі; егер оның Мемлекеттердің екеуінде де өзінің қарамағына жататын тұрақты баспанасы болса, ол неғұрлым тығыз жеке және экономикалық байланыстары бар (өмірлік мүдделер орталығы) Мемлекеттің ғана резиденті болып есептеледі; б) егер оның өмірлік мүдделер орталығы бар Мемлекетті айқындау мүмкін болмаса немесе оның Мемлекеттердің біреуінде де өзінің қарамағына жататын тұрақты баспанасы болмаса, ол өзі әдетте тұрып жатқан Мемлекеттің ғана резиденті болып есептеледі; в) егер ол әдетте Мемлекеттердің екеуінде де тұратын болса немесе олардың біреуінде де тұрмаса, ол өзі азаматы болып табылатын Мемлекеттің ғана резиденті болып есептеледі; г) егер ол Мемлекеттердің екеуінің де азаматы болса немесе олардың біреуінің де азаматы болмаса, Уағдаласушы Мемлекеттердің құзырлы органдары мәселені өзара келісе отырып шешеді. 3. Егер 1-тармақтың ережелеріне байланысты жеке тұлғадан басқа біреу Уағдаласушы Мемлекеттердің екеуінің де резиденті болып табылса, онда мұндай тұлға өзінің тиімді басқару орны орналасқан Мемлекеттің ғана резиденті болып есептеледі.
Тұрақты мекеме
1. Осы Конвенцияның мақсаттары үшін «тұрақты мекеме» термині кәсіпорынның кәсіпкерлік қызметі толық немесе ішінара жүзеге асырылатын тұрақты қызмет орынын білдіреді. 2. «Тұрақты мекеме» термині, атап айтқанда, мыналарды қамтиды: а) басқару орыны, б) бөлімше, в) кеңсе, г) фабрика, д) шеберхана, е) шахта, мұнай немесе газ скважинасы, кеніш немесе табиғи ресурстар өндірілетін кез-келген басқа орын. 3. а.) Құрылыс алаңы немесе құрылыс не монтаждау не құрастыру обьектісі яки осы жұмыстардың орындалуын қадағалауға байланысты қызметтер осы Уағдаласушы Мемлекетте тұрақты мекемені құрайды, егер тек мұндай қызметтер 12 айдан астам уақыт бойы созылса; б) Уағдаласушы Мемлекетте табиғи ресурстарды барлау үшін пайдаланылатын қондырғы немесе құрылыс яки осы жұмыстардың орындалуын қадағалауға байланысты қызметтер, немесе табиғи ресурстарды, барлау үшін пайдаланылатын бұрғылау қондырғысы яки кеме осы Уағдаласушы Мемлекетте тұрақты мекемені құрайды, егер тек осылай пайдалану яки мұндай қызметтер 12 айдан астам уақыт бойы созылса; в) Уағдаласушы Мемлекет шеңберінде қызметтер көрсету, оның ішінде осындай мақсаттар үшін басқа Уағдаласушы Мемлекеттің резиденті бірінші аталған Мемлекет шегінде тұратын және өзі жалдап алған қызметшілер немесе басқа да адамдар арқылы көрсететін консультациялық қызметтер осы Уағдаласушы Мемлекетте тұрақты мекемені құрайды, егер тек мұндай қызметтер 12 айдан астам уақыт бойы созылса. 4. Осы баптың осының алдындағы ережелеріне қарамастан «тұрақты мекеме» термині мыналарды қамтымаған болып есептеледі: а) ғимараттарды кәсіпорынға тиесілі тауарларды немесе бұйымдарды сақтау, көрсету немесе жеткізіп беру мақсаттары үшін ғана пайдалану; б) кәсіпорынға тиесілі көрсетілген тауарларды немесе бұйымдарды көрмеден яки жәрмеңкеден соң сату; в.) кәсіпорынға тиесілі тауарлар немесе бұйымдар қорын сақтау, көрсету немесе жеткізіп беру мақсаттары үшін ғана сақтау; г) кәсіпорынға тиесілі тауарлар немесе бұйымдар қорын тек басқа бір кәсіпорынның ұқсату мақсаттары үшін ғана сақтау; д) тұрақты қызмет орынын кәсіпорын үшін тауарлар немесе бұйымдар сатып алу мақсаттары үшін, немесе ақпарат жинау үшін немесе дайындық не көмек сипатындағы ақпарат тарату яки маркетинг үшін ғана ұстау; е) тұрақты қызмет орынын кәсіпорын үшін дайындық немесе көмек сипатындағы кез-келген басқа бір қызметті жүзеге асыру мақсаттары үшін ғана ұстау; ж) тұрақты қызмет орнының қызмет түрлерінің қандай да болсын амалын жүзеге асыру нәтижесінде пайда болатын жиынтық қызметі дайындық немесе көмек сипатында болған жағдайда тұрақты қызмет орнын а) тармақшасынан ж) тармақшасына дейін көрсетілген қызмет түрлерінің осындай амалын жүзеге асыру үшін ғана ұстау. 5. 1 және 2-тармақтардың ережелеріне қарамастан, егер 6-тармақ қолданылатын тәуелсіз мәртебесі бар агенттен өзге тұлға кәсіпорынның атынан әрекет етсе және басқа Уағдаласушы Мемлекетте кәсіпорынның атынан келісім шарттар жасауға өкілеттігі болса және оны әдетте пайдаланып жүрсе, онда ол осы тұлға кәсіпорын үшін жүзеге асыратын кез-келген қызмет жөнінде осы Мемлекетте тұрақты мекемесі бар кәсіпорын ретінде қарастырылады, бірақ осындай тұлғаның қызметі 4-тармақта көрсетілген, тұрақты қызмет орыны арқылы жүзеге асырылған күннің өзінде осы тұрақты қызмет орынын осы тармақтың ережелеріне сәйкес тұрақты мекемеге айналдылмайтындай қызметпен шектелетін жағдай бұған қосылмайды. 6. Кәсіпорын осы Мемлекетте делдал, комиссионер немесе тәуелсіз мәртебесі бар кез-келген басқа агент арқылы кәсіпкерлік қызметпен айналысқаны үшін ғана, мұндай адамдар өздерінің әдеттегі қызметі шеңберінде әрекет еткен жағдайда, Уағдаласушы Мемлекетте тұрақты мекемесі бар тұлға болып есептелмейді. 7. Уағдаласушы Мемлекеттің резиденті болып табылатын компанияның басқа Уағдаласушы Мемлекеттің резиденті болып табылатын немесе осы басқа Мемлекетте кәсіпкерлік қызметпен айналысатын (яки тұрақты мекеме арқылы не болмаса басқалай жолмен) компанияны бақылауы немесе оның бақылауында болуы фактісінің өзі осы компаниялардың бірін екіншісінің тұрақты мекемесіне айналдыра алмайды.
Табысқа салық салу
6-бап Жылжымайтын мүліктен алынатын табыс
1. Уағдаласушы Мемлекеттің резиденті басқа Уағдаласушы Мемлекетте орналасқан жылжымайтын мүліктен алатын табысқа (соның ішінде ауыл шаруашылығынан немесе орман шаруашылығынан алатын табысқа) осы басқа Мемлекетте салық салынуы мүмкін. 2. «Жылжымайтын мүлік» термині қаралып отырған мүлік орналасқан Уағдаласушы Мемлекеттің заңдары бойынша қандай мағынаға ие болса, сондай мағынаға ие болады. Термин кез-келген жағдайда жылжымайтын мүлікке қатысты қосалқы мүлікті, ауыл шаруашылығында және орман шаруашылығында пайдаланылатын мал мен құрал-жабдықты, жер меншігіне қатысты жалпы құқық ережелері қолданылатын құқықтарды, жылжымайтын мүліктің узуфруктын және минералдық ресурстарды, кен көздерін және басқа да табиғи қазбаларды игергені немесе игеру құқығы үшін өтемақы ретінде төленетін өзгермелі немесе тұрақты төлемдер құқығын қамтиды; теңіз, өзен және әуе кемелері жылжымайтын мүлік болып есептелмейді. 3. 1-тармақтың ережелері жылжымайтын мүлікті тікелей пайдаланудан, жалға беруден немесе оны қандай болсын басқа жолмен пайдаланудан алынған табыстарға қолданылады. 4. 1 және 3-тармақтардың ережелері кәсіпорынның жылжымалы мүлкінен алынатын табысқа және тәуелсіз жеке қызметтер көрсету үшін пайдаланылатын жылжымайтын мүліктен алынатын табысқа қолданылады.
Кәсіпкерлік қызметтен алынатын пайда
1. Егер Уағдаласушы Мемлекеттің кәсіпорны басқа Уағдаласушы Мемлекетте орналасқан тұрақты мекеме арқылы онда кәсіпкерлік қызметпен айналыспайтын болса ғана кәсіпорынның пайдасына осы Мемлекетте ғана салық салынады. Егер кәсіпорын жоғарыда айтылғанындай, кәсіпкерлік қызметпен айналысып жүрсе, онда кәсіпорынның пайдасына, бірақ оның осы тұрақты мекемеге қатысты бөлігіне ғана басқа Мемлекетте салық салынуы мүмкін. 2. 3-тармақтың ережелерін ескере отырып, егер Уағдаласушы Мемлекеттің кәсіпорны басқа Уағдаласушы Мемлекетте кәсіпкерлік қызметпен сонда орналасқан тұрақты мекеме арқылы айналысса, онда ол осындай немесе осыған ұқсас жағдайда нақ осындай немесе осыған ұқсас қызметпен айналысатын дербес және жеке кәсіпорын болғанда және өзі тұрақты мекемесі болып табылатын кәсіпорыннан толық тәуелсіз әрекет еткенде алуы мүмкін пайда әрбір Уағдаласушы Мемлекетте осы тұрақты мекемеге жатады. 3. Тұрақты мекеменің пайдасын айқындау кезінде тұрақты мекеменің кәсіпкерлік қызметінің мақсаттары үшін жұмсалған шығындарды, соның ішінде тұрақты мекеме орналасқан Мемлекетте немесе басқа жерде жұмсалды ма, жоқ па - осыған қарамастан жұмсалған басқару шығындары мен жалпыәкімшілік шығындарды шегеріп тастауға болады. Алайда тұрақты мекеме патенттерді немесе басқа құқықтарды пайдаланғаны үшін қайтарым ретінде роялти, қаламақылар немесе осыған ұқсас басқа төлемдер түрінде немесе көрсеткен нақты қызметтері үшін не менеджменті үшін комиссиялық төлемдер түрінде немесе, банк мекемелері жағдайларын қоспағанда, тұрақты мекемеге берілген қарыз үшін проценттер төлеу түрінде кәсіпорынның бас офисіне немесе оның кез-келген басқа офисіне төлеген сомаларды (нақты шығындарды өтеуге арналған сомадан басқа), егер мұндай сомалар болса, шегеріп тастауға рұқсат етілмейді. Сондай-ақ тұрақты мекеменің пайдасын айқындау кезінде тұрақты мекеменің патенттерді немесе басқа құқықтарды пайдаланғаны үшін қайтарым ретінде роялти, қаламақылар немесе осыған ұқсас басқа төлемдер есептеу түрінде немесе көрсеткен нақты қызметтері үшін не менеджмент үшін комиссиялық төлемдер есептеу түрінде немесе, банк мекемелері жағдайларын қоспағанда, тұрақты мекеменің бас офисіне оның кез-келген басқа офисі қарызға алған ақша қаражаты үшін проценттер есептеу түрінде кәсіпорынның бас офисіне немесе оның кез-келген басқа офисіне есептелген сомалары есепке алынбайды. 4. Пайданың ешқайсысы тұрақты мекеменің кәсіпорын үшін тауарлар немесе бұйымдар сатып алғаны үшін ғана осы тұрақты мекемеге есептелмейді. 5. Алдыңғы тармақтардың мақсаттары үшін тұрақты мекемеге қатысты пайда, егер мұндай тәртіпті өзгерту үшін дәлелді және жеткілікті себептер болмаса, жыл сайын бірдей тәсілмен айқындалады. 6. Пайда осы Конвенцияның басқа баптарында бөлек айтылған табыс түрлерін қамтыған жағдайда осы баптың ережелері бұл баптардың ережелерін қозғамайды.
Теңіз және әуе көлігі
1. Халықаралық тасымалда теңіз және әуе кемелерін пайдаланудан алынған пайдаға кәсіпорын резиденті болып табылатын және кәсіпорынның тиімді басқару орыны орналасқан Уағдаласушы Мемлекетте ғана салық салынады. 2. Осы баптың мақсаттары үшін халықаралық тасымалда теңіз және әуе кемелерін пайдаланудан алынған пайда теңіз және әуе кемелерін халықаралық тасымалдарда пайдаланғанда оларды фрахталау арқылы жалға беруден алынған пайданы қамтиды, мұндай жағдайда жалдама пайда 1-тармақта сипатталған пайдаға қосарлас болуы керек. 3. 1-тармақтың ережелері сондай-ақ пулға, бірлескен кәсіпорынға немесе көлік құралдарын пайдалану жөніндегі халықаралық ұйымға қатысудан алынған пайдаға да қолданылады.
Ассоциацияланған кәсіпорындар
1. Егер а) Уағдаласушы Мемлекеттің кәсіпорны басқа Уағдаласушы Мемлекет кәсіпорнының басқаруына, бақылауына немесе капиталына тікелей яки жанама түрде қатысса; немесе б) белгілі бір тұлғалар Уағдаласушы Мемлекет кәсіпорнының және басқа Уағдаласушы Мемлекет кәсіпорнының басқаруына, бақылауына немесе капиталына тікелей немесе жанама түрде қатысса; және әрбір жағдайда екі кәсіпорынның арасында олардың коммерциялық немесе қаржы қатынастарында екі тәуелсіз кәсіпорынның арасында орын алуы мүмкін қатынастардан өзгеше қатынастар жасалса немесе орнықса, онда олардың біреуіне есептелуі мүмкін, бірақ осы жағдайлардың болмауы себепті оған есептелмеген кез-келген пайда осы кәсіпорынның пайдасына енгізіліп, оған тиісті салық салынуы мүмкін. Солай бола тұрса да ассоциацияланған кәсіпорындардың басшылық, жалпы әкімшілік, техникалық және коммерциялық шығындарды, зерттеу мен дамытуға арналған шығындарды және осыларға ұқсас басқа да шығындарды бөлуге арналған немесе соның негізінде шығындарды бірлесіп өтеу туралы келісім немесе жалпы сервистік келісімдер секілді уағдаластықтар жасау фактісінің өзі осының алдындағы сөйлемде айтылған шарт болып табылмайды деп түсініледі. 2. Егер Уағдаласушы Мемлекет басқа Уағдаласушы Мемлекет кәсіпорнының осы басқа Мемлекетте салық салынатын пайдасын осы Мемлекет кәсіпорнының пайдасына қосса және тиісінше салық салса және осылай қосылған пайда екі кәсіпорын арасында жасалған жағдайлар тәуелсіз кәсіпорындар арасында орналасқан жағдайлардай болғанда, бірінші аталған Мемлекеттің кәсіпорнына есептелетіндей пайда болып табылса, онда осы басқа Мемлекет осы пайдадан алынатын салық сомасына тиісті түзетулер жасайды. Мұндай түзетулерді айқындау кезінде осы Конвенцияның басқа ережелері қаралға тиіс және Уағдаласушы Мемлекеттердің құзырлы органдары қажет болған жағдайда бір-бірімен ақылдасып отырады.
Дивидендтер
1. Уағдаласушы Мемлекеттің резиденті болып табылатын компанияның басқа Уағдаласушы Мемлекеттің резидентіне төлейтін дивидендтеріне осы басқа Мемлекетте салық салынуы мүмкін. 2. Алайда мұндай дивидендтерге сондай-ақ осы Мемлекеттің заңдарына сәйкес дивидендтер төлейтін компания резиденті болып табылатын Уағдаласушы Мемлекетте де салық салынуы мүмкін, бірақ егер дивиденттер алушы оның нақты иесі болса, онда осылай алынатын салық: а) егер дивидендтердің нақты иесі дивидендтер төлейтін компания капиталының кемінде 10 процентін тікелей немесе жанама түрде иеленіп отырған компания болса, дивидендтердің жалпы сомасының 5 процентінен; б) қалған барлық жағдайларда дивидендтердің жалпы сомасының 15 процентінен аспайтын болады. 3. Уағдаласушы Мемлекеттердің құзырлы органдары 2-тармақты қолдануды өзара келісе отырып айқындайды. 4. 2-тармақ ережелерінің дивидендтер төленіп отырған пайдасына қатысты компанияға салық салуға қатысы жоқ. 5. «Дивидендтер» термині осы бапта пайдаланғанда акциялардан, «жуиссанс» акцияларынан немесе «жуиссанс» құқықтарынан, тау-кен акцияларынан, құралтайшылардың акцияларынан, борыш талаптары болып табылмайтын акциялардан немесе құқықтардан, пайдаға қатысудан алынатын табысты, сондай-ақ пайданы бөлетін компания резиденті болып табылатын Мемлекеттің заңдарына сәйкес акциялардан алынатын табыс секілді нақ осындай салық реттеуіне жататын басқа да корпоративтік құқықтардан алынатын табысты білдіреді. 6. Егер Уағдаласушы Мемлекеттің резиденті болып табылатын дивидендтердің нақты иесі дивидендтер төлейтін компания резиденті болып отырған басқа Уағдаласушы Мемлекетте орналасқан тұрақты мекеме арқылы онда кәсіпкерлік қызметпен айналысса немесе осы басқа Мемлекетте сонда орналасқан тұрақты базадан тәуелсіз жеке қызметтер көрсетсе және төленіп жүрген дивиденттерге қатысы бар холдинг шын мәнінде осындай тұрақты мекемемен немесе тұрақты базамен байланысты болса, 1 және 2-тармақтардың ережелері қолданылмайды. Мұндай жағдайда ретіне қарай 7-баптың немесе 14-баптың ережелері қолданылады. 7. Егер Уағдаласушы Мемлекеттің резиденті болып табылатын компания басқа Уағдаласушы Мемлекеттен пайда немесе табыс алып тұрған болса, осы басқа Мемлекет, мұндай дивидендтер осы басқа Мемлекеттің резидентіне төленетін немесе өзіне қатысты дивидендтер төленетін холдинг шын мәнінде осы басқа Мемлекеттегі тұрақты мекемеге немесе тұрақты базаға қатысты болатын жағдайды қоспағанда, компания төлейтін дивидендтерге қандай да болсын салық сала алмайды, сондай-ақ тіпті дивидендтер төленіп тұрған немесе бөлінбеген пайда тұтастай немесе ішінара осы басқа Мемлекетте пайда болған пайдадан немесе табыстан құралған күннің өзінде компанияның бөлінбеген пайдасына бөлінбеген пайдаға салынатын салық салынбайды, 8. Уағдаласушы Мемлекет резидентінің кәсіпорны басқа Уағдаласушы Мемлекетте орналасқан тұрақты мекеме арқылы алған пайдаға 7-баптың ережелеріне сәйкес салық салынып, осы тұрақты мекемеге қайта инвестицияланатын кез-келген сома шегерілгеннен кейін қалған сомаға осы басқа Мемлекетте салық салынуы мүмкін, бірақ осылай алынған қосымша салық осы баптың 2-тармағының (а) тармақшасында көзделген проценттерден аспайтын болады. Алайда егер тиісті салық салынатын жылы тұрақты мекеменің пайдасы 100 000 американ долларынан аспаса, бұл қосымша салық алынбайды.
Проценттер
1. Уағдаласушы Мемлекетте пайда болатын және басқа Уағдаласушы Мемлекеттің резидентіне төленетін проценттерге тек осы басқа Мемлекетте салық салынуы мүмкін. 2. Алайда мұндай проценттерге сондай-ақ олар пайда болатын Уағдаласушы Мемлекетте және осы Мемлекеттің заңдарына сәйкес салық салынуы мүмкін, бірақ егер проценттер алушы оның нақты иесі болса, онда осылай алынатын салық проценттердің жалпы сомасының 10 процентінен аспайтын болады. 3. Уағдаласушы Мемлекеттердің құзырлы органдары 2-тармақты қолдану әдісін өзара келісе отырып айқындайды. 4. «Проценттер» термині осы бапта пайдаланғанда кепілмен қамтамасыз етілген немесе қамтамасыз етілмеген және қарызгердің пайдасына қатысуға құқық беретін немесе құқық бермейтін борыш талаптарының әртүрлі түрінен алынатын табысты және, атап айтқанда, үкіметтің бағалы қағаздарынан алынатын табысты және облигациялардан немесе борыштық міндеттемелерден алынатын табысты, соның ішінде осы бағалы қағаздар, облигациялар немесе борштық міндеттемелер бойынша төленетін сыйлықтар мен ұтыстарды білдіреді. Уақытылы төленбеген төлемдер үшін айыппұлдар осы баптың мақсаттары үшін проценттер ретінде қарастырылмайды. 5. Егер Уағдаласушы Мемлекеттің резиденті болып табылатын проценттердің нақты иесі проценттер пайда болатын басқа Уағдаласушы Мемлекетте сонда орналасқан тұрақты мекеме арқылы кәсіпкерлік қызметпен айналысса немесе осы басқа Мемлекетте сонда орналасқан тұрақты базадан тәуелсіз жеке қызметтер көрсетсе және өзіне қатысты проценттер төленетін борыш талабы шын мәнінде осындай тұрақты мекемеге немесе тұрақты базаға қатысты болса, 1 және 2-тармақтардың ережелері қолданылмайды, Мұндайда жағдайға қарай 7-баптың немесе 14-баптың ережелері қолданылады. 6. Проценттер төлеуші Уағдаласушы Мемлекеттің өзі, оның саяси-әкімшілік бөлімшесі, жергілікті өкімет органы немесе осы Мемлекеттің резиденті болғанда, олар осы Мемлекетте пайда болған деп есептеледі. Алайда, егер проценттер төлейтін тұлғаның ол Уағдаласушы Мемлекеттің резиденті ме, жоқ па - осыған қарамастан Уағдаласушы Мемлекетте тұрақты мекемесі немесе тұрақты базасы болса, проценттер төленетін қарыз соларға байланысты пайда болса және осындай проценттерді осындай тұрақты мекеме немесе тұрақты база төлейтін болса, онда мұндай проценттер осындай тұрақты мекеме немесе тұрақты база орналасқан Мемлекетте пайда болған деп есептеледі. 7. Егер проценттер төлеуші мен олардың нақты иесі арасында немесе сол екеуі мен қандай да болсын басқа бір тұлғаның арасында арнайы қатынастар болуына байланысты борыштық талапқа қатысты және соның негізінде төленетін проценттердің жалпы сомасы осындай қатынастар болмай тұрғанда проценттер төлеуші мен олардың нақты иесі арасында келісіле алатындай сомадан асып кетсе, онда осы баптың ережелері тек соңғы аталған сомаға ғана қолданылады. Бұл жағдайда төлемнің басы артық бөлігіне осы Конвенцияның басқа ережелерін ескере отырып, әрбір Уағдаласушы Мемлекеттің заңдарына сәйкес салық салынуға тиіс.
Доступ к документам и консультации
от ведущих специалистов |