«Қазақстан Республикасының Бас прокуратурасы жұмысының Регламентін бекіту туралы» Қазақстан Республикасы Бас Прокурорының 2011 жылғы 18 қазандағы № 95 бұйрығы (2014.24.12. берілген өзгерістер мен толықтырулармен) (күші жойылды)

Қазақстан Республикасының Бас прокуратурасы жұмысының Регламентін бекіту туралы
Қазақстан Республикасының Бас Прокурорының 2011 жылғы 18 қазандағы № 95 бұйрығы

(2014.24.12. берілген өзгерістер мен толықтырулармен)

ҚР Бас прокурорының 2015 жылғы 30 қаңтардағы № 25 бұйрығымен күші жойылды 

Қазақстан Республикасының Бас прокуратурасы аппаратының жұмысын ұйымдастыруды жетілдіру мақсатында, «Прокуратура туралы» Қазақстан Республикасы Заңының 11-бабының 4-тармағын басшылыққа алып, БҰЙЫРАМЫН:

1. Ұсынылып отырған Қазақстан Республикасының Бас прокуратурасы жұмысының Регламенті бекітілсін.

2. Қазақстан Республикасы Бас прокуратурасының дербес құрылымдық бөлімшелерінің басшылары, Бас әскери прокурор, Бас көлік прокуроры, Құқықтық статистика және арнайы есепке алу жөніндегі комитет төрағасы, Қазақстан Республикасы Бас прокуратурасы Институтының директоры, Астана, Алматы қалаларының және облыстардың прокурорлары жетекшілік ететін мәселелер бойынша ұйымдастырушылық-өкімдік актілерді қабылданған Регламентке сәйкестендірісін.

3. Осы бұйрықтың қосымшасына сәйкес Қазақстан Республикасы Бас Прокурорының кейбір бұйрықтарының және бұйрық тармақтарының күші жойылды деп танылсын.

4. Қазақстан Республикасы прокуратурасы органдарының, ведомстволарының және мекемелерінің барлық қызметкерлері осы бұйрықпен таныстырылсын.

5. Осы бұйрықтың орындалуын бақылау Қазақстан Республикасы Бас Прокурорының Аппаратына жүктелсін.

6. Осы бұйрық қол қойылған күннен бастап күшіне енеді.

Қазақстан Республикасы Бас

Прокурорының

2011 жылғы 18 қазандағы

№ 95 бұйрығына қосымша

Қазақстан Республикасы Бас Прокурорының күшін жойған кейбір

бұйрықтары мен бұйрықтарының кейбір тармақтарының

тізбесі

1. Қазақстан Республикасы Бас Прокурорының 2008 жылғы 25 қарашадағы «Қазақстан Республикасының Бас прокуратурасы жұмысының Регламентін бекіту туралы» № 70 бұйрығы;