«Кәмелетке толмаған балаға тиесілі тұрғын үй кепілдігімен несие ресімдеу үшін банктерге рұқсаттар беру» мемлекеттік қызмет көрсету регламенті (Қызылорда облысы әкімдігінің 2011 жылғы 28 желтоқсандағы № 254 қаулысымен бекітілген) (күші жойылды)

Қызылорда облысы әкімдігінің

2011 жылғы 28 желтоқсандағы

№ 254 қаулысымен бекітілген

«Кәмелетке толмаған балаға тиесілі тұрғын үй кепілдігімен несие ресімдеу үшін банктерге рұқсаттар беру»

мемлекеттік қызмет көрсету регламенті

Қызылорда облысы әкімдігінің 2012 жылғы 18 шілдедегі № 504 Қаулысымен алып тасталды

1. Негізгі ұғымдар

1. Осы «Кәмелетке толмаған балаға тиесілі тұрғын үй кепілдігімен несие ресімдеу үшін банктерге рұқсаттар беру» мемлекеттік қызмет көрсету регламентінде (бұдан әрі - Регламент) келесі түсініктер пайдаланылады:

1) Орталық - «Қызылорда облысының халыққа қызмет көрсету орталығы» Республикалық мемлекеттік мекемесі, оның филиалдары және өкілдіктері;

2) уәкілетті орган - аудандардың, облыстық маңызы бар қалалардың білім бөлімі;

3) тұтынушы - жеке тұлға;

4) орындаушы - міндеттеріне кәмелетке толмаған балаға тиесілі тұрғын үй кепілдігімен несие ресімдеу үшін банктерге рұқсаттарды дайындау кіретін аудандардың, облыстық маңызы бар қалалардың білім бөлімінің маманы.

2. Жалпы ережелер

2. Осы Регламент «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1 бабына және «Қазақстан Республикасы Білім және ғылым министрлігінің мемлекеттік қызмет стандарттарын бекіту және Қазақстан Республикасы Үкіметінің 2007 жылғы 30 маусымдағы № 561 қаулысына өзгеріс енгізу туралы» Қазақстан Республикасы Үкіметінің 2010 жылғы 26 ақпандағы № 140 қаулысына сәйкес әзірленді.

3. Мемлекеттік қызмет мекен-жайлары осы Регламенттің 1 және 2- қосымшаларында көрсетілген уәкілетті органмен және Орталықпен көрсетіледі.

4. Көрсетілетін мемлекеттік қызмет нысаны: автоматтандырылмаған.