(БҰРЫНҒЫ РЕДАКЦИЯ) АҚТАУ ҚАЛАСЫ ӘКІМДІГІНІҢ 2012.11.05 № 263 ҚАУЛЫСЫ

Ақтау қаласының аумағында арнайы бөлінген орындарда жеміс - көкөніс және бақша өнімдерін сататын уақытша сауда алаңдарын белгілеу туралы
Ақтау қаласы әкімдігінің 2012 жылғы 11 мамырдағы № 263 Қаулысы

Осы редакция 2012 жылғы 7 қыркүйекте енгізілген өзгерістеріне дейін қолданылды

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қантардағы № 148 Заңының 31 бабының 2 тармағына, «Сауда қызметін реттеу туралы» Қазақстан Республикасының 2004 жылғы 12 сәуірдегі № 544 Заңының 8 бабының 2) және 3) тармақшаларына, 27 бабына, «Ішкі сауда Ережесін бекіту туралы» Қазақстан Республикасы Үкіметінің 2005 жылғы 21 сәуірдегі № 371 қаулысымен бекітілген ішкі сауда Ережесінің 119 және 120 тармақтарына және «Қазақстан Республикасының ішкі нарығын жеміс-көкөніс өнімінен молықтыру жөніндегі шаралар туралы» Қазақстан Республикасы Үкіметінің 2007 жылғы 10 шілдедегі № 592 қаулысына сәйкес, Ақтау қаласының әкімдігі ҚАУЛЫ ЕТЕДІ:

1. Ақтау қаласының аумағында арнайы бөлінген орындарда жеміс-көкөніс және бақша өнімдерін сататын уақытша сауда алаңдары қосымшаға сәйкес белгіленсін.

2. «Ақтау қалалық кәсіпкерлік бөлімі» мемлекеттік мекемесіне (А.Ш. Ержанов) маусымдық сипаттағы жеміс-көкөніс және бақша өнімдерін сату үшін тиісті шаралар қолданып, кәсіпкерлердің арасында жеміс-көкөніс және бақша өнімдерін жергілікті базарлар мен уақытша сауда алаңдарына жеткізуді ұлғайтуға және қол жетімділікті кеңейтуге ықпал ететін қажетті түсіндіру жұмыстарын ұйымдастырсын.

3. «Ақтау қаласының аумағында арнайы бөлінген орындарда жеміс-көкөніс және бақша өнімдерін сататын уақытша сауда нүктелерін белгілеу туралы» Ақтау қаласы әкімдігінің 2011 жылдың 1 маусымындағы № 605 (нормативтік құқықтық актілерді мемлекеттік тіркеу Тізілімінде № 11-1-157 болып тіркелген, 2011 жылғы 14 шілдедегі № 33 «Ақтау ақпарат» газетінде жарияланған) қаулысының күші жойылды деп танылсын.