|
Жол шаруашылығын құқықтық қамтамасыз етуді жетілдіру туралы (2011.02.07. берілген өзгерістер мен толықтыруларымен)
Осы редакция 2012 жылғы 16 қазанда енгізілген өзгерістеріне дейін қолданылды
ҚР Үкіметінің 16.01.03 ж. № 30 қаулысымен кiрiспе өзгертілді (бұр. ред. қара); ҚР Үкіметінің 2011.02.07. № 761 Қаулысымен кіріспе жаңа редакцияда (бұр.ред.қара) Қазақстан Республикасының 2003 жылғы 20 маусымдағы Жер кодексіне, Қазақстан Республикасының «Қазақстан Республикасындағы көлік туралы» 1994 жылғы 21 қыркүйектегі, «Жол қозғалысының қауіпсіздігі туралы» 1996 жылғы 15 шілдедегі, «Автомобиль жолдары туралы» 2001 жылғы 17 шілдедегі Заңдарына сәйкес Қазақстан Республикасының Үкіметі ҚАУЛЫ ЕТЕДІ: ҚР Үкіметінің 01.07.02 ж. № 711 16.01.03 ж. № 30 (бұр. ред. қара) ҚР Үкіметінің 30.01.2007 ж. № 71 (бұр. ред. қара); ҚР Үкіметінің 2008.31.12 № 1312 (2009 жылғы 1 қаңтарда қолданысқа енгізілді) (бұр. ред. қара) қаулыларымен 1-тармақ өзгертілді; ҚР Үкіметінің 2011.02.07. № 761 Қаулысымен 1-тармақ жаңа редакцияда (бұр.ред.қара) 1. Қоса беріліп отырған: 1) Қазақстан Республикасының аумағында автомобиль жолдарын пайдаланудың тәртібі; 2) Жалпы пайдаланымдағы автомобиль жолдарының жолақ бөлігінде сыртқы (көрнекі) жарнаманы орналастыру тәртібі бекітілсін. 2. «Қазақстан Республикасының аумағында автомобиль жолдарын, жол ғимараттарын пайдалану Ережесін және оларды қорғау тәртібін бекіту туралы» Қазақстан Республикасы Министрлер Кабинетінің 1993 жылғы 20 сәуірдегі № 316 қаулысының (Қазақстан Республикасының ПҮАЖ-ы, 1993 ж., № 13, 160-құжат) күші жойылған деп танылсын.
Қазақстан Республикасы Үкіметінің 1998 жылғы 5 қыркүйектегі № 845 қаулысымен бекітілген
ҚР Үкіметінің 16.01.03 ж. № 30 қаулысымен тақырыбы өзгертілді (бұр. ред. қара) Қазақстан Республикасының аумағында автомобиль жолдарын пайдаланудың ТӘРТІБІ 1. Жалпы ережелер ҚР Үкіметінің 16.01.03 ж. № 30 қаулысымен 1-тармақ алынып тасталды (бұр. ред. қара) ҚР Үкіметінің 16.01.03 ж. № 30 қаулысымен (бұр. ред. қара); 2011.02.07. № 761 Қаулысымен (бұр.ред.қара) 2-тармақ өзгертілді 2. Осы Тәртіп жол қозғалысының қауіпсіздігін, жол мен құрылыстардың, сондай-ақ қоршаған ортаның сақталуын қамтамасыз ету мақсатында жалпы пайдаланылатын автомобиль жолдары мен жол құрылыстарын пайдаланудың тәртібін белгілейді. ҚР Үкіметінің 16.01.03 ж. № 30 қаулысымен 3-тармақ өзгертілді (бұр. ред. қара) 3. ҚР Үкіметінің 2011.02.07. № 761 Қаулысымен алып тасталды (бұр.ред.қара) 4. Қазақстан Республикасының жалпы пайдаланылатын автомобиль жолдарымен жүру - қолданылып жүрген заңдар, Жол қозғалысының ережесі және осы тәртіп сақтала отырып жүзеге асырылуы тиіс. 2. Автомобиль жолдарын пайдаланушылардың құқықтары мен міндеттері ҚР Үкіметінің 2011.02.07. № 761 Қаулысымен 5-тармақ жаңа редакцияда (бұр.ред.қара) 5. Жол қозғалысына қатысушылардың: 1) Қазақстан Республикасының қолданыстағы заңнамасына және осы Тәртіпке сәйкес жалпы пайдаланымдағы автомобиль жолдары бойынша еркін, кедергісіз жүруге; 2) жол органдары мен жол полициясы бөлімшелерінің лауазымды адамдарынан жолдар бойынша қозғалыстың тоқтатылуының немесе шектелуінің себептері туралы түсіндірме алуға; 3) жүру шарттары, көрсетілетін қызметтер туралы, жол органдарының жол қозғалысы қауіпсіздігін қамтамасыз етудегі құқықтары мен міндеттері және жауапкершілігі туралы толық және дұрыс ақпарат алуға; 4) жол-көлік оқиғасы болған жағдайда оқиға болған жерде де, медициналық мекемеге бара жатқан жолда да тегін медициналық көмектің кепілдік берілген көлемін, сондай-ақ жол-көлік оқиғасы кезінде жол органдарынан, жол полициясы бөлімшелерінен және қызметі жол қозғалысының қауіпсіздігін қамтамасыз етуге байланысты лауазымды адамдардан басқа да қажетті дәрігерге дейінгі көмек алуға; 5) жол-көлік оқиғасының нәтижесінде көлік құралы және (немесе) жүк зақымданған жағдайларда заңнамада белгіленген тәртіппен залалдың өтелуіне; 6) жол органдары лауазымды адамдарының іс-әрекеттеріне Қазақстан Республикасының заңнамасында белгіленген тәртіппен шағымдануға құқығы бар. 6. Автомобиль жолдарында жол мен құрылыстарының сақталуын және олармен қауіпсіз жүруді қамтамасыз ететін көлік құралдарының жүруіне рұқсат етіледі. 7. Автомобиль жолдарын пайдаланушылардың іс-әрекеттері жол қозғалысының қауіпсіздігін төмендетпеуі, қозғалыста үзілістердің пайда болуына ықпал етпеуі, көлік құралдары жылдамдығының, жол мен жол құрылыстарының сенімділігінің төмендеуіне, олардың бұзылуына әкеп соқтырмауы тиіс. ҚР Үкіметінің 2011.02.07. № 761 Қаулысымен 8-тармақ жаңа редакцияда (бұр.ред.қара) 8. Автомобиль жолдарындағы және жол құрылыстарындағы қозғалыс қауіпсіздігіне қауіп төндіретін ақауларды байқаған көлік құралдарын жүргізушілер мен азаматтар ақауларды өз күштерімен жою жөнінде қолдарынан келетін шаралар қабылдайды немесе ол туралы жол органына немесе жол полициясы бөлімшесіне дереу хабарлайды. ҚР Үкіметінің 2011.02.07. № 761 Қаулысымен 9-тармақ жаңа редакцияда (бұр.ред.қара) 9. Көлік құралдарының төсемі жетілдірілген жолға шығар жерде оны пайдалануға жауапты лауазымды немесе басқа тұлғалар, меншік нысандарына қарамастан жер және құрылыс жұмыстарын жүргізіп жатқан ұйымдар, көлік құралдарының балшықтан тазартылуын қамтамасыз етеді және оның жолдың жүру бөлігіне түсуіне жол бермейді. ҚР Үкіметінің 16.01.03 ж. № 30 қаулысымен 10-тармақ өзгертілді (бұр. ред. қара) 10. ҚР Үкіметінің 2011.02.07. № 761 Қаулысымен алып тасталды (бұр.ред.қара) ҚР Үкіметінің 2011.02.07. № 761 Қаулысымен 10-1-тармақпен толықтырылды 10-1. Концессияға берілген автомобиль жолдарын немесе олардың учаскелерін қоса алғанда, жалпы пайдаланымдағы автомобиль жолдарының мұқтажы үшін жерді техникалық жоба негізінде жерді жол органына тұрақты пайдалануға беру, жолды салу, қайта жаңарту және жөндеу кезінде қызметтерді жеткізушілерге уақытша пайдалануға беру туралы шешім қабылдаған орган бөледі. Тұрақты жер пайдалануға жерлер автомобиль жолдарына, автомобиль көлігінің объектілеріне және жол шаруашылығы, жер үсті және жер асты ғимараттарды, құрылыстарды, құрылғыларды жөндеу, дамыту объектілеріне, сондай-ақ автомобиль жолдарының жолақ бөліктерін белгілеу үшін беріледі. Қысқа мерзімді (5 жылға дейін) және ұзақ мерзімді (5 жылдан 49 жылға дейін) уақытша жер пайдалануға жер құрылыс материалдары карьерлерін, резервтерді, құрылыс жасақтарының базаларын игеруге, айналма жолдарға, жол-құрылыс материалдарын жинауға арналған орындарға беріледі. Уақытша жер пайдалану мерзімі автомобиль жолдары жөніндегі уәкілетті мемлекеттік орган бекіткен техникалық жобада көзделген мерзімді ескере отырып анықталады. ҚР Үкіметінің 2011.02.07. № 761 Қаулысымен 10-2-тармақпен толықтырылды 10-2. Автомобиль жолдарының бойында сәндік және қардан қорғайтын екпе ағаштарды (шарбақтар) орналастырған кезде жер төсемі жиегінен жолдың барлық санаттары үшін қашықтық қар түсу көлеміне байланысты қабылданады.
ҚР Үкіметінің 16.01.03 ж. № 30 қаулысымен 11-тармақ өзгертілді (бұр. ред. қара) 11. Жолдарда жұмыс жүргізуге автомобиль жолдарын басқарушы берген және жол полициясының органдарымен келісілген жұмыс жүргізу құқығына рұқсат (ордері) болған кезде ғана жол беріледі. 3. Автомобиль жолдарын пайдаланушыларға арналған міндетті келісулер ҚР Үкіметінің 16.01.03 ж. № 30 қаулысымен (бұр. ред. қара); 2011.02.07. № 761 Қаулысымен (бұр.ред.қара) 12-тармақ өзгертілді 12. Автомобиль жолдарын пайдаланушылар: 1) жол органдарымен және жол полициясы бөлімшелерімен: ірі габаритті және (немесе) ауыр салмақты көлік құралдарының жүруіне; жарылғыш, радиоактивті және күшті әсер ететін улы заттарды тасымалдауға; автомобиль жолдарын арналардың, байланыс және электр беру желілерінің, мұнай құбырларының, газ құбырларының, су құбырларының, темір жолдардың және басқа да инженерлік желілер мен коммуникациялардың кесіп өтуіне; автомобиль жолдарымен бір деңгейде қиылысатын кезде темір жолдардың көтерілуіне және төмендетілуіне немесе қосымша жол төсеуге; темір жолдарды қиып өтетін жерлерді жайластыруға, қайта жаңартуға, жөндеуге және жоюға; автомобиль жолдарының жол бойындағы бөлігінде қонақ үйлерді, мотельдерді, кемпингтерді, автомобильдерге жанармай құю станцияларын, техникалық қызмет көрсету станцияларын, тамақтану және сауда пункттерін орналастыруға; автомобиль жолдарының жолақ бөлігінде сыртқы (көрнекі) жарнаманы орнатуға; автомобиль жолдарының жолақ бөлігінде және жол бойындағы бөлігінде сыртқы жарық түсіру тіреулерін орнатуға; жолдарда бұқаралық және спорттық іс-шаралар жүргізуге; жалпы пайдаланымдағы жолаушы көлік құралдары қозғалысының маршруттарын ашуға және аялдама пункттерін орналастыруға; жүктерді тиеу және түсіру үшін жолдан түсу орындары мен алаңдар жасауға; автомобиль жолдарында көлік құралдары мен жүргіншілердің жүруіне кедергі жасайтын кез келген жұмыстарды жүргізуге. 2) жол органдарымен: мелиорациялық және басқа да мақсаттар үшін көпірден жоғары немесе төмен жерде 2,5 километрден кем қашықтықта өзендер мен суағарлардың арнасын тереңдетуге; жолмен қосарланған немесе жер кеңістігіне қарай жолдан жоғары орналасқан шлюздерді, бөгеттерді және басқа да мелиорациялық және гидротехникалық құрылыстарды орнатуға, қайта жаңартуға және жөндеуге; жолдардың жол бойындағы жолағы шегінде ескерткіштер қоюға, шарбақтарды, сәндік ағаштарды отырғызуға, карьерлер қазуға; автомобиль жолдарының жолақ бөлігінде ағаштарды кесуге және отырғызуға; жолдар мен жол құрылыстарының өлшемдерін алуды және суретке түсіруді жүргізуге келісім жасайды. ҚР Үкіметінің 2011.02.07. № 761 Қаулысымен 12-1-тармақпен толықтырылды 12-1) Жол органдары және жол полициясының бөлімшелері келісуді жеті жұмыс күнінен кешіктірмей жүргізеді. ҚР Үкіметінің 16.01.03 ж. № 30 қаулысымен 13-тармақ өзгертілді (бұр. ред. қара) 13. Қазақстан Республикасы мен шетел мемлекеттерінің ірі көлемді және (немесе) ауыр салмақты көлік құралдарының жалпы пайдаланылатын автомобиль жолдары бойынша жүруі көлiк саласындағы уәкілеттi орган беретін арнайы рұқсат бойынша (шетел мемлекеттері үшін кіру және шығу рұқсатынан басқа) ғана жүзеге асырылады. Жолмен жүру осы көлік құралдарының жүруі арқылы жолдарға және жол құрылыстарына тигізетін залал үшін толық өтем төленген соң жүзеге асырылады. Осы өтем кіруіне, шығуына және транзитпен өтуіне халықаралық рұқсаттар үшін алынатын төлем есепке алынбастан төленеді. ҚР Үкіметінің 16.01.03 ж. № 30 қаулысымен 14-тармақ жаңа редакцияда (бұр. ред. қара); ҚР Үкіметінің 2008.31.12 № 1312 қаулысымен (2009 жылғы 1 қаңтарда қолданысқа енгізілді) (бұр. ред. қара) 14-тармақ өзгертілді 14. Автокөлiк құралдарының рұқсат етiлген көлемдерiн, сондай-ақ автокөлiк құралдарының салмақтарын және автокөлiк құралдарының білікке түсетiн жүктемелерiн, автокөлiк құралдарының жүріп өту ережесін және рұқсат құжаттарын беру тәртібін Қазақстан Республикасының Үкіметі белгiлейді. 15. Жол органдарының жұмыс жобасын бұзып жүзеге асырылатын объектілердің құрылысын тоқтатуға құқығы бар. ҚР Үкіметінің 2011.02.07. № 761 Қаулысымен 16-тармақ жаңа редакцияда (бұр.ред.қара) 16. Жалпы пайдаланымдағы автомобиль жолдарының жолақ бөлігінің жерлері жол органдарының немесе концессионердің иелігінде және пайдалануында болады әрі автомобиль жолдарын дамытуға, абаттандыруға ғана арналған. Жалпы пайдаланымдағы автомобиль жолдары жолақ бөлігінің жол органдары немесе концессионер пайдаланбайтын жер учаскелерін: 1) жалпы пайдаланымдағы халықаралық және республикалық маңызы бар автомобиль жолдарының жолақ бөлігінде - автомобиль жолдары жөніндегі уәкілетті мемлекеттік орган; 2) жалпы пайдаланымдағы облыстық немесе аудандық маңызы бар автомобиль жолдарының жолақ бөлігінде - облыстың немесе ауданның жергілікті атқарушы органы жолдың көліктік-пайдаланылу сапасының төмендеуіне жол бермеу, көлік құралдары жүрісінің қауіпсіздігі мен қоршаған органы қорғау талаптарын сақтауы шартымен сыртқы (көрнекі) жарнаманы орналастыру үшін жеке және заңды тұлғаларға қысқа мерзімді уақытша жер пайдалануға берілуі мүмкін. ҚР Үкіметінің 16.01.03 ж. № 30 қаулысымен 17-тармақ өзгертілді (бұр. ред. қара) 17. ҚР Үкіметінің 2011.02.07. № 761 Қаулысымен алып тасталды (бұр.ред.қара) ҚР Үкіметінің 16.01.03 ж. № 30 қаулысымен 18-тармақ жаңа редакцияда (бұр. ред. қара) 18. ҚР Үкіметінің 2011.02.07. № 761 Қаулысымен алып тасталды (бұр.ред.қара) ҚР Үкіметінің 2011.02.07. № 761 Қаулысымен 19-тармақ жаңа редакцияда (бұр.ред.қара) 19. Жол органдарымен келісілгеннен кейін жолдардың барлық санаттары үшін қонақ үйлер, мотельдер, кемпингтер, техникалық қызмет көрсету станциялары, тамақтану және сауда пункттері жер төсемінің жиегінен 50 м-ден жақын емес қашықтықта жобаланады және орналастырылады. Жол органдарымен келісілгеннен кейін таяу жердегі автомобильге жанармай құю станциялары барлық санаттар үшін жер төсемінің жиегінен 25 м-ден жақын емес қашықтықта жобаланады және орналастырылады. Автомобильге жанармай құю станцияларының аумағына кіру және одан шығу, сондай-ақ тамақтану және сауда пункттеріне және басқаларына кіреберіс жолдары көлік пен жүргіншілер қозғалысы қауіпсіздігінің талаптарына жауап беруі тиіс. 20. Ескерткіштерді I-III санатты автомобиль жолдары топырақ төсемінің жиегінен кемінде 100 метр қашықтыққа, ал IV-V санатты автомобиль жолдары топырақ төсемінің жиегінен кемінде 50 метр қашықтыққа орналастыруға рұқсат етіледі. 21. Жаңадан құрылатын бағбандар серіктестіктерін I-III санатты автомобиль жолдары топырақ төсемінің жиегінен кем дегенде 50 м және IV-V санаттағылар үшін - кемінде 25 м қашықтыққа орналастыруға рұқсат етіледі. ҚР Үкіметінің 16.01.03 ж. № 30 қаулысымен 22-тармақ өзгертілді (бұр. ред. қара) 22. Автомобиль жолдарының бойына инженерлік коммуникациялар төсеу елді мекендерде автомобиль жолдары топырақ төсемінің жиегінен кемінде 25 метр жерде және олардың шегінен тыс жерлерде кемінде 50 метр жерде жүргізілуі тиіс. Коммуникацияларды төсеу кезінде жолдар мен жол құрылыстарын қалпына келтіру жұмыстары жұмысты орындаушы ұйымның қаражаты мен материалдарының есебінен жүргізіледі. Оларды не жол органдары, не инженерлік коммуникацияларды төсеу жөніндегі жұмыстарды жүзеге асырушы ұйым жүзеге асырады. Автомобиль жолдарын қайта жаңарту кезінде жол бойындағы жолақта орналасқан және орын ауыстыруға жататын коммуникациялар қайта жаңарту жөніндегі жұмыстарды орындаушы ұйымның қаражаты есебінен жайластырылады. ҚР Үкіметінің 2011.02.07. № 761 Қаулысымен 23-тармақ жаңа редакцияда (бұр.ред.қара) 23. Жол органдарынан инженерлік коммуникацияларды төсеуге рұқсат алу үшін осы жұмыстарды жүргізетін ұйым: 1) белгіленген тәртіппен әзірленген және бекітілген жобалау құжаттамасын; 2) тапсырыс берушінің жұмыстарды қаржыландыруды қамтамасыз ететіндігі туралы кепілдемелік хатын, сондай-ақ жол мен жол құрылыстарын қалпына келтіру жобасын; 3) жол полициясы бөлімшелерімен келісілген жол белгілері мен қоршауларды орналастырудың және жұмыс жүргізілетін орындардың схемасын; 4) жұмыстар жүргізудің күнтізбелік кестесін; 5) жолдың зақымдалған элементтерін қалпына келтіретіндігі туралы міндеттемені немесе егер қалпына келтіру жұмыстарын жол органы орындайтын болса, жолдың зақымдалған учаскесін қалпына келтіру кезінде жүзеге асырылатын жұмыстарды қаржыландыратыны туралы кепілдемелік хатты ұсынады. Ол үшін жол органы мен тапсырыс беруші ұйымның өкілі зақымдалған учаскелерді қалпына келтіру мерзімін көрсете отырып, жол жабынының, топырақ төсемінің, айналма жол мен жол құрылыстарының іс жүзіндегі жай-күйі туралы, алда тұрған жұмыстардың сипаты мен көлемі туралы екіжақты акт ресімдейді. Жұмыстарды елді мекендердің шекарасында жүргізу болжанған жағдайларда жергілікті атқарушы органдарының рұқсаты да қажет. ҚР Үкіметінің 2011.02.07. № 761 Қаулысымен 24-тармақ жаңа редакцияда (бұр.ред.қара) 24. Жалпы пайдаланымдағы жолдарда жол жұмыстарын және басқа да жұмыстарды жүргізу жол полициясы бөлімшелерімен келісіледі. ҚР Үкіметінің 16.01.03 ж. № 30 қаулысымен (бұр. ред. қара); 2011.02.07. № 761 Қаулысымен (бұр.ред.қара) 25-тармақ өзгертілді 25. Шұғыл авариялық-қалпына келтіру жұмыстары жол органы өкілінің және автомобиль жолдарын басқарушы өкілінің қатысуымен, кейіннен осы Тәртіптің 13-тармағында белгіленген тәртіппен рұқсаттар ресімделе отырып орындалады. Жол органы өкілінің жол қозғалысы қауіпсіздігін қамтамасыз ету бөлігіндегі нұсқаулары міндетті болып табылады. 26. Жолдардағы орындалған қалпына келтіру жұмыстарын қабылдап алуды мердігер ұйымның қатысуымен, жол органы жүзеге асырады және екі жақты актімен ресімделеді. ҚР Үкіметінің 16.01.03 ж. № 30 қаулысымен 4-бөлімнің тақырыбы жаңа редакцияда (бұр. ред. қара) 4. Жол органдары мен автомобиль жолдарын басқарушылардың автомобиль жолдарын пайдаланушыларға қатысты құқықтары мен міндеттерi 27. Автомобиль жолдарын, көпірлерді, жол өтпелерін, қозғалысты ұйымдастыратын техникалық құралдарды және басқа құрылыстарды басқаруға, ұстауға және жөндеуге жауапты жол органдары автомобиль жолдарында көлік құралдары қозғалысының қауіпсіздігін қамтамасыз ету мақсатында: жолдар мен автомобиль жолдарындағы құрылыстардың жай-күйі туралы дұрыс ақпаратты ұйымдастыруға; жолдарды қыста ұстаудың жоспарына сәйкес қысқы кезеңде жолдарды және жол құрылыстарын қардан тазартуға және төсемнің тайғақтығына қарсы шаралар қолдануға; қозғалысқа қатысушыларды қауіпті метеорологиялық құбылыстар (тайғақ мұз, тұман, күшті жел, бұрқасын, қар көшкіні), табиғи (жер сілкінуі, сел тасқыны, су басу, көшкін, дауыл және т.б.), сондай-ақ техногендік (көлік авариялары, апат жарылыстар, өрт, улы заттар тараған авариялар және т.б.) сипаттағы төтенше жағдайлар туралы хабардар етуге; қауіпті метеорологиялық құбылыстар, табиғи немесе техногендік сипаттағы төтенше жағдайлар пайда болған, автомобиль жолдарының немесе олардағы құрылыстардың көтеру қабілеті жоғалған кезде, жол-жөндеу жұмыстарын, бұқаралық және спорттық шараларды жүргізу кезінде қозғалысты шектеуге немесе тоқтатуға; қауіпті метеорологиялық құбылыстар мен табиғи және техногендік сипаттағы төтенше жағдайлардың зардаптарын жоюға; жол полициясы органдарымен өзара іс-қимылда оларды жою жөніндегі шараларды әзірлеу мақсатында жол-көлік оқиғаларының есебін жүргізуге, олардың пайда болуына әсер еткен себептер мен жағдайларға талдау жасауға; байланыс желісі мен жол бойындағы автосервис пункттері жүйесінің дамуына ықпал етуге; авариялар, автомобиль апаты, табиғи зілзалалар жағдайларында мүмкін болатын дәрігерге дейінгі медициналық жәрдемді қамтамасыз етуге және қозғалысқа қатысушыларды құтқару жөніндегі шараларды жүзеге асыруға; жол полициясы бөлімшелеріне жол-көлік оқиғаларын тексеруге көмек көрсетуге, сондай-ақ жол-көлік оқиғасы оған себепші болған жол жағдайы бойынша болса, оған қызметтік тексеру жүргізуге; көлік ағымы құрамының, жүйелілігінің және жүк тасу қауырттылығының есебін жүргізуге міндетті. 28. Теміржол өткелдерін, сондай-ақ шлагбаумдардың барлық түрлерінің күтімін автомобиль жолдарымен бір деңгейде ұстауды, және өтпелерді күзетуді теміржол дистанциялары немесе тиісті теміржол иелері, ал жалпы пайдаланылатын автомобиль жолдарының теміржол арқылы өтуін ұстауды - жол органдары жүзеге асырады. ҚР Үкіметінің 2011.02.07. № 761 Қаулысымен 29-тармақ жаңа редакцияда (бұр.ред.қара) 29. Жабын түрлері жетілдірілген негізгі жолдардың жүру бөлігінің ластануын болдырмау үшін олардан түсу және шығу жолдарының барлығы құмайт және құм топырақты жерлерде ұзақтығы кемінде 50 м және басқа топырақты жерлерде кемінде 100 м, ал қиыршықтас төселген жолдарда кемінде 25 м қатты жабын төсеу қажет. Жалпы пайдаланымдағы жолдарды кесіп өтетін және олармен түйісетін, түсу және шығу жолдарында қатты жабын төсеуді олар қарамағына берілген кәсіпорындар, ұйымдар, шаруашылықтар өз қаражаты есебінен, жол органдарының техникалық бақылауымен жүзеге асырады. ҚР Үкіметінің 2011.02.07. № 761 Қаулысымен 30-тармақ жаңа редакцияда (бұр.ред.қара) 30. Жолдарды салуды немесе қайта жаңартуды жүргізетін жол органдары жолда орналасқан жер учаскелерін мақсатты арналуына сәйкес одан әрі пайдалануға жарамды күйге келтіреді. ҚР Үкіметінің 16.01.03 ж. № 30 қаулысымен 31-тармақ жаңа редакцияда (бұр. ред. қара) 31. Жол органдарының қызметкерлерi заңнамада белгiленген тәртiппен жол элементтерiн бүлдiретiн немесе ластайтын не жүрiп өтуге арнайы рұқсаты жоқ iрi көлемдi және (немесе) ауыр салмақты көлiк құралдарын автомобиль жолының көлiк құралдары жүретiн бөлiгiнен тысқары әкетудi талап етуге құқылы. 5. Автомобиль жолдарын пайдалануға тыйым салу ҚР Үкіметінің 16.01.03 ж. № 30 қаулысымен 32-тармақ өзгертілді (бұр. ред. қара) 32. Автомобиль жолдарында: көлемдік өлшемдері, массасы немесе жүк тиелген немесе жүксіз біліктегі салмағы рұқсат етілетіндерден артық немесе жол белгілерінде көрсетілгендерден асып түсетін көлік құралдарының, сондай-ақ қауіпті жүк тасымалдаушы көлік құралдарының арнайы рұқсатсыз жүруіне; жол органдары мен автомобиль жолдарын басқарушылардың, жол полициясы бөлімшелерінің келісімінсіз жөндеу және басқа жұмыстар жүргізуге; жолдарды, жол құрылыстарын, жол қозғалысын ұйымдастырудың техникалық құралдарын, жасыл желекті және басқа да жол жайластыруларын зақымдауға; көлік құралдарының, ауылшаруашылығы және басқа да техниканың белгіленбеген және ол үшін жабдықталмаған жерлерде жолға кіруіне, шығуына және олар арқылы өтуіне; көліктің барлық түрінің бөлгіш жолаққа шығуына және онда тоқтап тұруына; оқыту мақсатымен рұқсат етілмеген жолда жүруге; шынжыр табанды көліктің, дөңгелектерінің шашағы, бұдыры, шынжыры және тағы басқалары бар машиналар мен механизмдердің жүруіне; жанар-жағармайдың төгілуі мүмкін болатын жұмыстарды орындауға, көлік құралдарын жөндеуге және майлауға, көлікті тазалауға және жууға (қажет болған жағдайда бұл жұмыстар арнайы жабдықталған орындарда, ал ерекше жағдайларда жол жағасында орындалады; қалған қоқыстарды материалдарды және басқа да заттарды жүргізушілер немесе көлік құралдарының иелері дереу тазалауы тиіс); жолдың жүру бөлігін, шетін, көпірлерді, құбырларды, арықтарды, кәріздік және суағар қондырғыларды және жолдың жолақ бөлігін құрылыс материалдарымен, ауылшаруашылығы өнімдерімен және басқа да заттармен ластауға және бөгеуге, сондай-ақ, жолды және оның жолақ бөлігін ластайтын жүкті тиісті буып-түюсіз тасымалдауға, жүкті жолдың жүру бөлігінде тиеуге және түсіруге; малды жол арқылы арнайы бөлінген жерден тыс, сондай-ақ тәуліктің қараңғы кезінде және жеткіліксіз көрінетін жағдайда айдап өтуге, малды төсемі жетілдірілген жолмен айдауға және оларды жолдың жолақ бөлігінде жаюға; жолдың жолақ бөлігінің шегінде белгіленбеген жерде лагерь, шатырлы және басқа да демалыс қалашықтарын тұрғызуға, сауда жасауға; автомобиль жолдарының, көпірлердің жүру бөлігінде серуендеуге, 50 метрден жақын қашықтықта шомылуға, кір жууға, көпірде, көпірдің тіреулері мен мұз кескіштері қасында тұрып балық аулауға; көпірдің астына қайық стансаларын орнатуға, қайық пен салды көпір тіреулеріне байлауға; ағаш көпірлерде және ағаш төселген көпірлерде шылым тартуға, жолдың жолақ бөлігінде және ағаш көпірлерге 100 метрден жақын жерде от жағуға; жолдың жолақ бөлігінде өрт қауіпсіздігі ережелерін сақтаусыз тез тұтанғыш және жанғыш материалдарды (жалпы зат сақтауға рұқсат болғанның өзінде) сақтауға; жолақ бөлікте құрғақ шөпті өртеуге; сымдардың үзілуі жағдайында қауіпсіздікті қамтамасыз ететін сақтандырғыш қондырғыларсыз автомобиль жолдарының жоғары вольтты электр желісімен қиылысуына; қандай да болсын коммуникацияларды (мұнай өнімдері құбыры, су құбыры, газ құбыры, канализация және басқалар) топырақ төсеміне, сондай-ақ көпірдің және жол өткелінің астына салуға; автомобиль жолдарын су басуына және жолдың жолақ бөлігінің батпақтануына әкеп соқтыратын сортаң топырақты жерлерді шаюға, жол жырасын арық ретінде, ауылшаруашылық дақылдарын суаруға пайдалануға; |