(БҰРЫНҒЫ РЕДАКЦИЯ) ҚР АУЫЛ ШАРУАШЫЛЫҒЫ МИНИСТРЛІГІ 2007 Ж. 26 ҚАРАШАДАҒЫ

Қазақстан Республикасы Ауыл шаруашылығы министрлігі Орман және аңшылық шаруашылығы комитетінің ережесі мен құрылымын бекіту туралы
Қазақстан Республикасы Ауыл шаруашылығы министрлігі 2007 жылғы 28 қарашадағы № 725 бұйрығы

(2010.01.06. берілген өзгерістер мен толықтыруларымен)

Осы редакция 2012 жылғы 25 қазанда енгізілген өзгерістеріне дейін қолданылды

«Қазақстан Республикасы Үкіметінің 2005 жылғы 6 сәуірдегі № 310 және 2007 жылғы 2 наурыздағы № 164 қаулыларына өзгерістер енгізу туралы» Қазақстан Республикасы Үкіметінің 2007 жылғы 28 қазандағы № 995 қаулысы 3-тармағының 1) тармақшасын іске асыру мақсатында БҰЙЫРАМЫН:

1. Қоса беріліп отырған:

Қазақстан Республикасы Ауыл шаруашылығы министрлігінің Орман және аңшылық шаруашылығы комитеті туралы ереже;

Қазақстан Республикасы Ауыл шаруашылығы министрлігі Орман және аңшылық шаруашылығы комитетінің құрылымы бекітілсін.

2. Осы қаулы қол қойылған күнінен бастап қолданысқа енгізіледі.

Қазақстан Республикасы Ауыл шаруашылығы

министрлігінiң Орман және аңшылық шаруашылығы

комитетi туралы ереже

1. Жалпы ережелер

1. Қазақстан Республикасы Ауыл шаруашылығы министрлігінiң Орман және аңшылық шаруашылығы комитетi (бұдан әрi - Комитет) өзіне Қазақстан Республикасының Конституциясы, заңдары, өзге де нормативтiк құқықтық кесiмдерi және осы Ереже жүктеген орман шаруашылығы, жануарлар дүниесiн (балықтан және өзге су жануарларынан басқа) қорғау, өсiмiн молайту және пайдалану, ерекше қорғалатын табиғи аумақтар саласындағы атқарушылық және бақылау функцияларын жүзеге асыратын Қазақстан Республикасы Ауыл шаруашылығы министрлігінiң (бұдан әрі - Министрлік) құзыретi шегінде ведомство және уәкілетті орган болып табылады.