«Білім туралы құжаттардың телнұсқаларын беру» мемлекеттік қызмет регламенті (Алматы қаласы әкімдігінің 2012 жылғы 28 желтоқсандағы № 4/1097 Қаулысымен бекітілген) (2013.24.09. берілген өзгерістермен) (күші жойылды)

Алматы қаласы әкімдігінің 2014 жылғы 14 шілдедегі № 3/587 Қаулысымен күші жойылды

Алматы қаласы әкімдігінің

2012 жылғы 28 желтоқсандағы

№ 4/1097 қаулысымен бекітілді

«Білім туралы құжаттардың телнұсқаларын беру»

мемлекеттік қызмет регламенті

(2013.24.09. берілген өзгерістермен)

1. Жалпы ережелер

Алматы қаласы әкімдігінің 2013.24.09. № 3/830 Қаулысымен 1-тармақ өзгертілді (бұр.ред.қара)

1. Осы мемлекеттік қызмет Регламенті «Мемлекеттік көрсетілетін қызметтер туралы» Заңының 16 бабының 1 және 3 тармақтарына және Қазақстан Республикасы Үкіметінің 2012 жылғы 31 тамыздағы № 1119 қаулысымен бекітілген «Білім туралы құжаттардың телнұсқаларын беру» мемлекеттік қызмет Стандартына (бұдан әрі - Стандарт) сәйкес әзірленді.

2. Мемлекеттік қызмет мекенжайлары осы Регламенттің 1 және 2 қосымшаларында көрсетілген Алматы қаласының білім беру ұйымдарымен көрсетіледі.

3. Мемлекеттік қызмет көрсету нысаны: автоматтандырылмаған.

4. Мемлекеттік қызмет Қазақстан Республикасының 2007 жылғы 27 шілдедегі № 319-III «Білім туралы» Заңының 4-бабының 9) тармақшасына сәйкес көрсетіледі.

5. Мемлекеттік қызмет Қазақстан Республикасының азаматтарына, Қазақстан Республикасында тұрақты тұратын азаматтығы жоқ тұлғаларға және Қазақстан Республикасының азаматы болып табылмайтын ұлты қазақ тұлғаларға (бұдан әрі - мемлекеттік қызметті алушы) көрсетіледі.

6. Мемлекеттік қызмет көрсетудің нәтижесі білім туралы құжаттың телнұсқасы немесе қызмет көрсетуден бас тарту туралы дәлелді жауап болып табылады.

7. Мемлекеттік қызмет тегін көрсетіледі.

2. Мемлекеттік қызметті көрсету тәртібіне қойылатын талаптар

8. Мемлекеттік қызмет көрсету мәселелері бойынша ақпаратты мекенжайлары осы Регламенттің 1 және 2 қосымшаларында көрсетілген білім беру ұйымдарынан және Алматы қаласы Білім басқармасының ресми сайтынан www.dep.edu.almaty.kz алуға болады.

9. Мемлекеттік қызмет демалыс және мереке күндерін қоспағанда, сағат 13.00-ден 14.30-ға дейін түскі үзіліспен сағат 9.00-ден бастап 18.30-ға дейін көрсетіледі.