«Дәрігерді үйге шақырту» мемлекеттік қызметтің электрондық түрінің үлгілік регламенті (Қазақстан Республикасы Денсаулық сақтау министрінің 2012 жылғы 11 желтоқсандағы № 858 бұйрығына 1-қосымша) (күші жойылды)

ҚР Денсаулық сақтау министрінің 2018.10.12. № 696 бұйрығымен күші жойылды

Қазақстан Республикасы

Денсаулық сақтау министрінің

2012 жылғы 11 желтоқсандағы

№ 858 бұйрығына

1-қосымша

«Дәрігерді үйге шақырту» мемлекеттік қызметтің электрондық түрінің
үлгілік регламенті

1. Жалпы ережелер

1. Осы «Дәрігерді үйге шақыру» электрондық мемлекеттік қызметінің регламенті (бұдан әрі - мемлекеттік қызмет) Қазақстан Республикасының денсаулық сақтаудың бірыңғай ақпараттық жүйесі шеңберінде медициналық-санитариялық алғашқы көмек көрсететін ұйымдардың (бұдан әрі - уәкілетті ұйым) электрондық форматтағы www.egov.kz «электрондық үкімет» веб-порталы (бұдан әрі - портал) арқылы дәрігерді (учаскелік терапевт/учаскелік педиатр/жалпы практикалық дәрігер) үйге шақыру қызметін ұсынады.

2. Электрондық мемлекеттік қызмет Қазақстан Республикасы Үкіметінің 2012 жылғы 12 қазандағы № 1294 қаулысымен бекітілген «Дәрігерді үйге шақырту» мемлекеттік қызмет стандартының негізінде көрсетіледі.

3. Электрондық мемлекеттік қызметтің автоматтандырылған дәрежесі: автоматтандырылған.

4. Электрондық мемлекеттік қызметті көрсету түрі: транзакциялық.

5. Осы регламентте пайдаланылатын ұғымдар және қысқартулар:

1) веб-сайт - бір мекенжайында (домен атауы немесе ІР-мекенжайы) компьютерлік желіде біріктірілген жеке тұлғаның немесе ұйымның жиынтықталған құжаттары;

2) «Жеке тұлғалар» мемлекеттік дерекқоры - ақпаратты автоматты түрде жинастыруға, сақтауға және өңдеуге, Қазақстан Республикасында жеке тұлғалардың бірыңғай сәйкестендіруді енгізу және мемлекеттік басқару органдарына және басқа субъектілерге өкілеттілігінің шеңберінде және Қазақстан Республикасының заңнамасына сәйкес олар туралы өзекті және нақты мәлімет ұсыну мақсатында Жеке сәйкестендіру нөмірлерінің ұлттық тізілімін құрастыру үшін арналған ақпараттық жүйе (бұдан әрі - ЖТ МДҚ);