«Қазақстан Республикасының медицина колледжінің 2013 жылғы үздік түлегі» республикалық конкурсын өткізу туралы» Қазақстан Республикасы Денсаулық сақтау министрлігінің жауапты хатшысының 2013 жылғы 26 наурыздағы № 185 Бұйрығы (күші жойылды)

«Қазақстан Республикасының медицина колледжінің 2013 жылғы үздік түлегі» республикалық конкурсын өткізу туралы
Қазақстан Республикасы Денсаулық сақтау министрлігінің жауапты хатшысының 2013 жылғы 26 наурыздағы № 185 Бұйрығы

ҚР Денсаулық сақтау министрлігі Жауапты хатшысының 2014 жылғы 28 наурыздағы № 156 бұйрығымен күші жойылды

Қазақстан Республиқасы Денсаулық сақтау министрінің 2012 жылғы 12 желтоқсандағы № 908 бұйрығымен бекітілген, 2013 жылға арналған Қазақстан Республикасы Денсаулық сақтау министрлігінің негізгі Ұйымдастыру іс-шаралары жоспарының 91-тармағына сәйкес БҰЙЫРАМЫН:

1. Қызылорда қаласында «Қызылорда медицина колледжі» МҚКМ-нің базасында 2013 жылғы 19 сәуірде медицина колледжі түлектерінің арасында «Қазақстан Республикасының медицина колледжінің 2013 жылғы үздік түлегі» атты республикалық конкурс (бұдан әрі - Конкурс) өткізілсін.

2. Мыналар:

1) осы бұйрыққа 1-қосымшаға сәйкес «Қазақстан Республикасының медицина колледжінің 2013 жылғы үздік түлегі» атты республикалық конкурс туралы ереже;

2) осы бұйрыққа 2-қосымшаға сәйкес Конкурс жеңімпаздарын анықтау жөніндегі республикалық комиссияның құрамы бекітілсін.

3. Облыстардың, Астана және Алматы қалаларының денсаулық сақтау басқармаларының басшылары (келісім бойынша):

1) 2013 жылғы 10 сәуірге дейін медицина колледжінің үздік түлегіне арналған конкурстың колледжішілік және өңірлік турлары өткізілсін;

2) конкурстың өңірлік турының жеңімпазы туралы материалдарды ағымдағы жылғы 15 сәуірден кешіктірмей республикалық конкурс комиссиясына ұсынсын;

3) конкурстың өңірлік турының жеңімпазын республикалық конкурсқа қатысуын қамтамасыз етсін;

4. Іссапар шығыстары конкурсқа қатысушылардың оқу орындарына және еріп жүретін тұлғалардың негізгі жұмыс орнына жатқызылсын.

5. Осы бұйрықтың орындалуын бақылау Қазақстан Республикасының денсаулық сақтау вице-министрі Е.Ә. Байжүнісовке жүктелсін.

6. Осы бұйрық қол қойылған күнінен бастап күшіне енеді.