«Шымкент қаласы «Сансервис «Sunservis» жауапкершілігі шектеулі серіктестігінің жылу энергиясын беру және бөлу қызметтеріне тарифі мен тарифтік сметасын бекіту туралы» Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаментінің 2014 жылғы 15 қаңтардағы № 9-НҚ бұйрығы

Шымкент қаласы «Сансервис «Sunservis» жауапкершілігі шектеулі серіктестігінің жылу энергиясын беру және бөлу қызметтеріне тарифі мен тарифтік сметасын бекіту туралы
Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаментінің 2014 жылғы 15 қаңтардағы № 9-НҚ бұйрығы

«Табиғи монополиялар және реттелетін нарықтар туралы» Қазақстан Республикасы Заңының 15-бабы 1-тармағының 1), 2) тармақшаларына, 15-1, 18-баптарына, Қазақстан Республикасы Үкіметінің 2007 жылғы 30 қарашадағы № 1157 қаулысымен бекітілген «Қуаттылығы аз табиғи монополиялар субъектілерінің қызметін оңайлатылған мемлекеттік реттеу ережесін бекіту туралы» және Қазақстан Республикасы Табиғи монополияларды реттеу агенттігі төрағасының 2013 жылғы 25 сәуірдегі № 130-НҚ бұйрығымен бекітілген «Табиғи монополиялар субъектілерінің реттеліп көрсетілетін қызметтеріне (тауарларына, жұмыстарына) тарифтерді (бағаларды, алымдар мөлшерлемелерін) бекіту кезінде қолданылатын шығындарды қалыптастырудың ерекше тәртібін бекіту туралы» ережелеріне сәйкес БҰЙЫРАМЫН:

1. Шымкент қаласы «Сансервис «Sunservis» жауапкершілігі шектеулі серіктестігінің жылу энергиясын беру және бөлу қызметтеріне тарифі 508,18 теңге/Гкал (ҚҚС-сыз) көлемінде бекітілсін.

2. Шымкент қаласы «Сансервис «Sunservis» жауапкершілігі шектеулі серіктестігінің жылу энергиясын беру және бөлу қызметтеріне:

- осы бұйрықтың 1-қосымшасына сәйкес тариф прейскуранты;

- осы бұйрықтың 2-қосымшасына сәйкес тарифтік сметасы бекітілсін.

3. Осы бұйрық қолданысқа енгізілген уақыттан бастап Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаментінің 2011 жылғы 21 қарашадағы № 350-НҚ «Шымкент қаласы Сансервис «Sunservis» жауапкершілігі шектеулі серіктестігінің жылу энергиясын беру және тарату қызметтеріне тарифін (бағасын, алым ставкасын) және тарифтік сметасын бекіту туралы» бұйрығының күші жойылсын.