«Электрондық салық төлеуші ретінде тіркеу есебі» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 5 наурыздағы № 200 қаулысымен бекітілген) (күші жойылды)

ҚР Үкіметінің 2015 жылғы 28 тамыздағы № 685 Қаулысымен күші жойылды

Қазақстан Республикасы

Үкіметінің

2014 жылғы 5 наурыздағы

№ 200 қаулысымен

бекітілген

«Электрондық салық төлеуші ретінде тіркеу есебі»
мемлекеттік көрсетілетін қызмет стандарты

«Электрондық салық төлеуші ретінде тіркеу есебі» мемлекеттік көрсетілетін қызмет регламентін қараңыз

1. Жалпы ережелер

1. «Электрондық салық төлеуші ретінде тіркеу есебі» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі - Министрлік) әзірледі.

3. Мемлекеттік қызметті аудандар, қалалар және қалалардағы аудандар бойынша, арнайы экономикалық аймақтар аумақтарындағы Салық басқармалары (бұдан әрі - көрсетілетін қызметті беруші) көрсетеді.

Өтініштерді қабылдауды және мемлекеттік қызмет көрсету нәтижесін беруді көрсетілетін қызметті беруші ақпаратты қабылдау және өңдеу орталықтары арқылы жүзеге асырады.

2. Мемлекеттік қызметті көрсету тәртібі

4. Мемлекеттік қызметті көрсету мерзімдері:

1) электрондық салық төлеуші ретінде тіркеу есебіне қою кезінде - осы мемлекеттік көрсетілетін қызмет стандартының 9-тармағында көрсетілген электрондық салық төлеушінің тіркеу есебі туралы салықтық өтініш (бұдан әрі - салықтық өтініш) қабылданған күннен бастап үш жұмыс күні ішінде;

сәйкестендіру нөмірі көрсетілмеген электрондық құжат алмасу кезінде электрондық цифрлық қолтаңбаны пайдалану және тану туралы келісімді (бұдан әрі - келісім) қайта ресімдеу - көрсетілетін қызметті беруші осы мемлекеттік көрсетілетін қызмет стандартының 9-тармағында көрсетілген салықтық өтінішті және құжаттарды алған күннен бастап үш жұмыс күні ішінде;

электрондық цифрлық қолтаңбаны (бұдан әрі - ЭЦҚ) жою немесе ауыстыру - көрсетілетін қызметті алушы осы мемлекеттік көрсетілетін қызмет стандартының 9-тармағында көрсетілген салықтық өтінішті табыс еткен күннен бастап бір жұмыс күнінен кешіктірмей;