«Оралман мәртебесін беру» мемлекеттік көрсетілетін қызмет регламентін бекіту туралы» Алматы қаласы әкімдігінің 2014 жылғы 11 мамырдағы № 2/342 Қаулысы (2014.13.10. берілген толықтырулармен) (күші жойылды)

«Оралман мәртебесін беру» мемлекеттік көрсетілетін қызмет регламентін бекіту туралы
Алматы қаласы әкімдігінің 2014 жылғы 11 мамырдағы № 2/342 Қаулысы

(2014.13.10. берілген толықтырулармен)

Алматы қаласы әкімдігінің 2015 жылғы 23 шілдедегі № 3/461 Қулысымен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2011 жылғы 22 шілдедегі «Халықтың көші-қоны туралы» және 2013 жылғы 15 сәуірдегі «Мемлекеттік көрсетілетін қызметтер туралы» Заңдарына сәйкес, Қазақстан Республикасы Үкіметінің 2014 жылғы 11 наурыздағы № 217 «Халықты әлеуметтік қорғау саласындағы мемлекеттік көрсетілетін қызметтер стандарттарын бекіту туралы» қаулысын басшылыққа ала отырып, Алматы қаласының әкімдігі ҚАУЛЫ ЕТЕДІ:

1. Қоса беріліп отырған «Оралман мәртебесін беру туралы» мемлекеттік көрсетілетін қызмет регламенті бекітілсін.

2. Алматы қаласы Мемлекеттік еңбек инспекциясы және көші-қон басқармасы осы қаулыны Алматы қаласы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау Алматы қаласы әкімінің орынбасары Ю. Ильинге жүктелсін.

4. Осы қаулы әділет органдарында мемлекеттік тіркелген күннен бастап күшіне енеді және ол алғаш ресми жарияланғаннан кейін күнтізбелік он күн өткен соң қолданысқа енгізіледі.

Алматы қаласы әкімдігінің

2014 жылғы 11 мамырдағы № 2/342

қаулысымен бекітілген

«Оралман мәртебесін беру»

мемлекеттік көрсетілетін қызмет регламенті

1. Жалпы ережелер

1. «Оралман мәртебесін беру» осы мемлекеттік көрсетілетін қызмет регламенті (бұдан әрі - мемлекеттік көрсетілетін қызмет) Қазақстан Республикасы Үкіметінің 2014 жылғы 11 наурыздағы № 217 қаулысымен бекітілген «Оралман мәртебесін беру» мемлекеттік көрсетілетін қызмет стандартының негізінде әзірленген.