«Алматы қаласында қызметтің кейбір түрлерін лицензиялау бойынша мемлекеттік көрсетілетін қызметтердің регламенттерін бекіту туралы» Алматы қаласы әкімдігінің 2014 жылғы 11 мамырдағы № 2/338 Қаулысы (2014.17.10. берілген толықтырулармен) (күші жойылды)

Алматы қаласында қызметтің кейбір түрлерін лицензиялау бойынша мемлекеттік көрсетілетін қызметтердің регламенттерін бекіту туралы
Алматы қаласы әкімдігінің 2014 жылғы 11 мамырдағы № 2/338 Қаулысы

(2014.17.10. берілген толықтырулармен)

Алматы қаласы әкімдігінің 2015.05.05. № 2/279 Қаулысымен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2013 жылғы 15 сәуірдегі «Мемлекеттік көрсетілетін қызметтер туралы» және 2007 жылғы 11 қаңтардағы «Лицензиялау туралы» Заңдарына, Қазақстан Республикасы Үкіметінің 2014 жылғы 24 ақпандағы № 141 «Медициналық қызмет саласындағы мемлекеттік көрсетілетін қызмет стандарттарын бекіту туралы», 2014 жылғы 24 ақпандағы № 142 «Фармацевтикалық қызмет саласындағы мемлекеттік көрсетілетін қызмет стандарттарын бекіту туралы», «Қазақстан Республикасы Индустрия және жаңа технологиялар министрлігі өнеркәсіп және экспорттық бақылау саласында көрсететін мемлекеттік қызметтер стандарттарын бекіту, Қазақстан Республикасы Үкіметінің «Өнімнің транзитіне рұқсат беру ережесін бекіту туралы» 2008 жылғы 11 ақпандағы № 130 және «Импорттаушылардың (түпкі пайдаланушылардың) кепілдік міндеттемелерін ресімдеу және олардың орындалуын тексеру ережесін бекіту туралы» 2008 жылғы 12 наурыздағы № 244 қаулыларына өзгерістер енгізу туралы» 2014 жылғы 26 ақпандағы № 155, «Фитосанитариялық қауіпсіздік саласындағы мемлекеттік көрсетілетін қызметтер стандарттарын бекіту және Қазақстан Республикасы Үкіметінің кейбір шешімдеріне өзгерістер енгізу туралы» 2014 жылғы 12 ақпандағы № 78, 2014 жылғы 15 ақпандағы № 94 «Мақта саласындағы мемлекеттік көрсетілетін қызметтер стандарттарын бекіту туралы» қаулыларына сәйкес Алматы қаласының әкімдігі ҚАУЛЫ ЕТЕДІ:

1. Қоса беріліп отырған мемлекеттік көрсетілетін қызметтер регламенттері бекітілсін:

1) «Медициналық қызметке лицензия беру, қайта ресімдеу, лицензияның телнұсқасын беру»;

2) «Фармацевтикалық қызметке лицензия беру, қайта ресімдеу, лицензияның телнұсқаларын беру»;