«Геодезиялық пункттерді бұзуға немесе қайта салуға (ауыстыруға) рұқсат беру» мемлекеттік қызметті регламенті (Қазақстан Республикасының Өңірлік даму министрінің 2014 жылғы 26 маусымдағы № 187/НҚ бұйрығына 2-қосымша) (күші жойылды)

ҚР Ұлттық экономика министрінің 2015 жылғы 24 сәуірдегі № 357 бұйрығымен күші жойылды

Қазақстан Республикасы

Өңірлік даму министрінің

2014 жылғы 26 маусымдағы

№ 187/HҚ бұйрығына

2-қосымша

«Геодезиялық пункттерді бұзуға немесе қайта салуға (ауыстыруға) рұқсат беру»

 мемлекеттік қызметті регламенті


1. Жалпы ережелер

1. «Геодезиялық пункттерді бұзуға немесе қайта салуға (ауыстыруға) рұқсат беру» мемлекеттік қызметі (бұдан әрі - мемлекеттік қызмет) Қазақстан Республикасы Өңірлік даму министрлігінің Жер ресурстарын басқару комитетімен (бұдан әрі - көрсетілетін қызметті беруші), Қазақстан Республикасының Үкіметінің 2014 жылғы 16 сәуірдегі № 358 қауылысымен бекітілген «Геодезиялық пункттерді бұзуға немесе қайта салуға (ауыстыруға) рұқсат беру» мемлекеттік қызмет көрсетудің стандартына сәйкес (бұдан әрі - Стандарт), геодезиялық пункттерді бұзуға немесе қайта салуға (ауыстыруға) рұқсатын беру арқылы іске асырылады.

2. Мемлекеттік көрсетілетін қызметтің нәтижесін беру нысаны: электронды (ішінара автоматтандырылған) және (немесе) қағазша.

3. Көрсетілетін мемлекеттік қызметтің нәтижесі геодезиялық пункттерді бұзуға немесе қайта салуға (ауыстыруға) рұқсат беру Стандарттың 1-ші қосымшасына сәйкес болып табылады.

Қызмет көрсетушінің кеңсесі арқылы өтініш білдірген кезде мемлекеттік қызметті көрсетудің нәтижесі электронды форматта ресімделеді, басылып шығарылады, қызмет көрсетушінің өкілетті тұлғасының қолтаңбасымен және мөрмен расталады.

«Электрондық үкіметтің» www.egov.kz веб-порталы (бұдан әрі - ЭУП) және «Е-лицензиялау» веб-порталы www.elicense.kz (бұдан әрі - портал) арқылы өтініш білдірген кезде мемлекеттік қызмет көрсетудің нәтижесі қызмет көрсетушінің өкілетті тұлғасының электрондық цифрлық қолтаңбасы (бұдан әрі - ЭЦҚ) қойылған электронды құжат нысанында көрсетілетін қызмет алушының «жеке кабинетіне» жіберіледі.