(БҰРЫНҒЫ РЕДАКЦИЯ) ҚР МӘДЕНИЕТ ЖӘНЕ АҚПАРАТ МИН. 2007.25.05 № 152 БҰЙРЫҒЫ

Кітапхана қорларын қалыптастыру, сақтау және пайдалану жөніндегі ережені бекіту туралы
Қазақстан Республикасының Мәдениет және ақпарат министрлігінің 2007 жылғы 25 мамырдағы № 152 бұйрығы

(2010.26.10. берілген өзгерістер мен толықтырулармен)

Осы редакция 2014 жылғы 26 маусымда енгізілген өзгерістеріне дейін қолданылды

ҚР Мәдениет министрінің м.а. 2010.26.10. № 120 Бұйрығымен тақырыбы өзгертілді (2010 жылғы 3 желтоқсаннан бастап қолданысқа енгізілді) (бұр.ред.қара)

«Мәдениет туралы» Қазақстан Республикасы Заңының 24-бабына сәйкес БҰЙЫРАМЫН:

ҚР Мәдениет министрінің м.а. 2010.26.10. № 120 Бұйрығымен 1-тармақ өзгертілді (2010 жылғы 3 желтоқсаннан бастап қолданысқа енгізілді) (бұр.ред.қара)

1. Қоса беріліп отырған Кітапхана қорларын қалыптастыру, сақтау және пайдалану жөніндегі Ереже бекітілсін.

2. Тарихи-мәдени мұра департаменті белгіленген тәртіппен:

1) осы бұйрықты Қазақстан Республикасының Әділет министрлігіне мемлекеттік тіркеуге жіберсін;

2) осы бұйрық мемлекеттік тіркеуден өткеннен кейін оны ресми жариялауды қамтамасыз етсін.

3. Осы бұйрықтың орындалуын бақылауды өзіме қалдырамын.

4. Осы бұйрық оның ресми жарияланған күнінен бастап қолданысқа енгізіледі.

Министрдің

міндетін атқарушы

Қазақстан Республикасы

Мәдениет және ақпарат министрінің

міндетін атқарушының

2007 жылғы 25 мамырдағы

№ 152 бұйрығымен бекітілген

ҚР Мәдениет министрінің м.а. 2010.26.10. № 120 Бұйрығымен тақырыбы өзгертілді (2010 жылғы 3 желтоқсаннан бастап қолданысқа енгізілді) (бұр.ред.қара)

Кітапхана қорларын қалыптастыру, сақтау және пайдалану жөніндегі

ереже

1. Жалпы ережелер

ҚР Мәдениет министрінің м.а. 2010.26.10. № 120 Бұйрығымен 1-тармақ өзгертілді (2010 жылғы 3 желтоқсаннан бастап қолданысқа енгізілді) (бұр.ред.қара)

1. Осы Ереже 2006 жылғы 15 желтоқсандағы «Мәдениет туралы» Қазақстан Республикасының Заңына сәйкес әзірленген және мемлекеттік кітапханаларда сақталатын құжаттардың қалыптасуы, сақталуы мен тиімді пайдалануын ұйымдастырудың тәртібін анықтайды.