(БҰРЫНҒЫ РЕДАКЦИЯ) ҚР ҮКІМЕТІНІҢ 2011.31.10 № 1248 ҚАУЛЫСЫ

Кәсіптік ұйымдарды, сертификаттау жөніндегі ұйымдарды аккредиттеу қағидаларын бекіту туралы
Қазақстан Республикасы Үкіметінің 2011 жылғы 31 қазандағы № 1248 Қаулысы

(2013.23.07. берілген өзгерістермен)

Осы редакция 2014 жылғы 5 тамызда енгізілген өзгерістеріне дейін қолданылды

«Бухгалтерлік есеп пен қаржылық есептілік туралы» Қазақстан Республикасының 2007 жылғы 28 ақпандағы Заңының 20-бабы 1-1-тармағының 3) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Кәсіптік ұйымдарды, сертификаттау жөніндегі ұйымдарды аккредиттеу қағидалары (бұдан әрі - Қағидалар) бекітілсін.

2. Осы қаулы 2012 жылғы 30 қаңтардан бастап қолданысқа енгізілетін Қағидалардың 10-тармағын қоспағанда, алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасы

Үкіметінің

2011 жылғы 31 қазандағы

№ 1248 қаулысымен

бекітілген

Кәсіптік ұйымдарды, сертификаттау жөніндегі ұйымдарды аккредиттеу

қағидалары

1. Жалпы ережелер

1. Осы Кәсіптік ұйымдарды, сертификаттау жөніндегі ұйымдарды аккредиттеу қағидалары (бұдан әрі - Қағидалар) «Бухгалтерлік есеп пен қаржылық есептілік туралы» Қазақстан Республикасының 2007 жылғы 28 ақпандағы Заңына (бұдан әрі - Заң) сәйкес әзірленді және бухгалтерлік есеп пен қаржылық есептілік саласындағы қызметті реттеуді жүзеге асыратын орталық мемлекеттік органның (бұдан әрі - уәкілетті орган) бухгалтерлердің кәсіптік ұйымдарын (бұдан әрі - кәсіптік ұйымдар) және бухгалтерлерді кәсіптік сертификаттау жөніндегі ұйымдарын (бұдан әрі - сертификаттау жөніндегі ұйым) аккредиттеу жүргізу тәртібін белгілейді.

2. Аккредиттеу рәсімін жүргізу тәртібi

ҚР Үкіметінің 2013.05.06. № 574 Қаулысымен 2-тармақ өзгертілді (бұр.ред.қара)

2. Кәсіптік ұйымдарды аккредиттеу жүргізу үшін уәкілетті органға мынадай құжаттарды ұсынады:

1) осы Қағидалардың 1-қосымшасына сәйкес нысан бойынша өтініш;