Қазақстан Республикасы Ішкі істер министрлігі Кадр жұмысы департаменті туралы ереже (Қазақстан Республикасы Ішкі істер министрінің 2014 жылғы 29 шілдедегі № 477 бұйрығына 2-қосымша) (2016.05.11. берілген өзгерістермен)

ҚР Ішкі істер министрінің 2016.05.11. № 1033 бұйрығымен ереже жаңа редакцияда (бұр.ред.қара)

Қазақстан Республикасы

Ішкі істер министрінің

2014 жылғы 29 шілдедегі

№ 477 бұйрығына

№ 2-қосымша

Қазақстан Республикасы Ішкі істер министрлігі Кадр жұмысы департаменті туралы

ереже
(2016.05.11. берілген өзгерістермен)

1. Жалпы ережелер

1. Кадр жұмысы департаменті (бұдан әрі - Департамент) Қазақстан Республикасының ішкі істер органдары жүйесінде мемлекеттік кадр саясатын іске асыратын, осы Ережеде белгіленген міндеттер мен функцияларды орындайтын Қазақстан Республикасы Ішкі істер министрлігі орталық аппаратының (бұдан әрі - ІІМ) дербес құрылымдық бөлінісі болып табылады.

2. Департамент өз қызметінде Қазақстан Республикасының Конституциясын, Қазақстан Республикасы Президентінің және Үкіметінің заңдарын, актілерін, өзге де құқықтық актілерді, сондай-ақ осы Ережені басшылыққа алады.

3. Департаменттің құрылымын, штаттық санын Қазақстан Республикасының заңнамасында белгіленген тәртіппен Министр бекітеді.

4. Департамент:

1) Басшылықтан;

2) Ұйымдастырушылық-аналитикалық бөлімнен;

3) Ұйымдастырушылық-штаттық жұмыс басқармасынан;

4) Қызмет өткеруді ұйымдастыру басқармасынан;

5) Ведомстволық білім беруді ұйымдастыру басқармасынан;

6) Тәрбие жұмысын және кәсіби даярлықты ұйымдастыру басқармасынан тұрады.

2. Департаменттің негізгі міндеттері, функциялары, құқықтары мен
міндеттері

5. Міндеті: мемлекеттік кадр саясатының құрамдық бөлігі ретінде ішкі істер органдарының жүйесінде бірыңғай кадрлық саясатты жүзеге асырады.

Функциялары:

1) ішкі істер органдарының жүйесінде кадрлық саясат саласындағы Қазақстан Республикасы Президентінің, Үкіметінің шешімдерін іске асырады, төменгі бөліністердің оларды орындауын бақылайды, осы қызметтің жай-күйі мен нәтижелері туралы мүдделі мемлекеттік органдарға хабарлайды, кадр жұмысы мәселелері бойынша ұйымдастырушылық-әдістемелік және практикалық басшылықты жүзеге асырады;