«Өскемен қаласының кәсіпкерлік бөлімі мемлекеттік мекемесі туралы Ережені бекіту туралы» Шығыс Қазақстан облысы Өскемен қаласы әкімдігінің 2014 жылғы 27 тамыздағы № 6714 Қаулысы (2015.26.05. берілген өзгерістер мен толықтырулармен) (күші жойылды)

Өскемен қаласының кәсіпкерлік бөлімі мемлекеттік мекемесі туралы Ережені бекіту туралы
Шығыс Қазақстан облысы Өскемен қаласы әкімдігінің 2014 жылғы 27 тамыздағы № 6714 Қаулысы

(2015.26.05. берілген өзгерістер мен толықтырулармен)

Шығыс Қазақстан облысы Өскемен қаласы әкімдігінің 2016 жылғы 24 мамырдағы № 369 Қаулысымен күші жойылды

Қазақстан Республикасының 2001 жылғы 3 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 39-бабының 2-тармағына, Қазақстан Республикасы Президентінің 2012 жылғы 29 қазандағы № 410 «Қазақстан Республикасы мемлекеттік органының үлгі ережесін бекіту туралы» Жарлығына сәйкес Өскемен қаласының әкімдігі ҚАУЛЫ ЕТЕДІ:

1. Қоса беріліп отырған «Өскемен қаласының кәсіпкерлік бөлімі» мемлекеттік мекемесі туралы Ереже бекітілсін.

2. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Өскемен қаласы әкімдігінің

2014 жылғы 27 тамыздағы

№ 6714 қаулысымен бекітілген

«Өскемен қаласының кәсіпкерлік бөлімі» мемлекеттік мекемесі туралы
Ереже

1. Жалпы ережелер

1. «Өскемен қаласының кәсіпкерлік бөлімі» мемлекеттік мекемесі кәсіпкерлік, индустрия, экология, сауда және туризм саласындағы әлеуметтік-экономикалық саясат саласындағы басшылықты жүзеге асыратын Қазақстан Республикасының органы болып табылады.

2. «Өскемен қаласының кәсіпкерлік бөлімі» мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.