«Атаулы әлеуметтік көмек алушыларға өтініш берушінің (отбасының) тиесілігін растайтын анықтама беру» мемлекеттік қызмет көрсету регламенті (Алматы облысы әкімдігінің 2012 жылғы 5 қарашадағы № 349 Қаулысымен бекітілді) (күші жойылды)

Алматы облысы әкімдігінің 2014 жылғы 2 маусымдағы № 196 Қаулысымен күші жойылды

Алматы облысы әкімдігінің

2012 жылғы 5 қарашадағы № 349

қаулысымен бекітілген

«Атаулы әлеуметтік көмек алушыларға өтініш берушінің (отбасының) тиесілігін растайтын анықтама беру»

мемлекеттік қызмет көрсету регламенті

1. Негізгі ұғымдар

1. Осы «Атаулы әлеуметтік көмек алушыларға өтініш берушінің (отбасының) тиесілігін растайтын анықтама беру» мемлекеттік қызмет көрсету регламентінде келесі ұғымдар қолданады:

1) уәкілетті орган - аудандық, қалалық жұмыспен қамту және әлеуметтік бағдарламалар бөлімі;

2) уәкілетті органның кеңсе қызметкері (қызметкер) - аудандық, қалалық жұмыспен қамту және әлеуметтік бағдарламалар бөлімінің қызметкері жеке тұлғаның құжаттарын қабылдап, тіркейді;

3) уәкілетті органның басшысы- аудандық, қалалық әлеуметтік бағдарламалар мен жұмыспен қамту бөлімінің бастығы;

4) уәкілетті органның жауапты орындаушысы - лауазымдық қызметтер ережесіне сәйкес міндеттемелері жүктелген уәкілетті органның қызметкері;

5) әкім - кент, ауыл, ауылдық округ әкімі.

2. Жалпы ережелер

2. Осы «Атаулы әлеуметтік көмек алушыларға өтініш берушінің (отбасының) тиесілігін растайтын анықтама беру» мемлекеттік қызметтің регламенті (бұдан соң - Регламент) Қазақстан Республикасының «Әкімшілік процедуралар туралы» Заңының 9-1 бабының 4 тармағына сәйкес құрастырылды

3. Мемлекеттік қызмет осы регламенттің 1,2 қосымшаларында көрсетілген мекен-жайлар бойынша жергілікті атқарушы органдар тарапынан немесе болмаған жағдайда, ауыл, ауылдық округ, кент әкімі тарапынан көрсетіледі.

4.Көрсетілетін мемлекеттік қызметтің түрі: автоматтандырылмаған.

5. Мемлекеттік қызмет тегін көрсетіледі.