«Қазақстан Республикасы Инвестициялар және даму министрі, Қазақстан Республикасы Инвестициялар және даму министрлігінің жауапты хатшысы, бірінші вице-министрі және вице-министрлері арасындағы міндеттерді бөлуді бекіту туралы» Қазақстан Республикасы Инвестициялар және даму министрінің 2014 жылғы 8 қазандағы № 56 бұйрығы (2015.25.05. берілген өзгерістер мен толықтырулармен)

Қазақстан Республикасы Инвестициялар және даму министрі, Қазақстан Республикасы Инвестициялар және даму министрлігінің жауапты хатшысы, бірінші вице-министрі және вице-министрлері арасындағы міндеттерді бөлуді бекіту туралы
Қазақстан Республикасы Инвестициялар және даму министрінің 2014 жылғы 8 қазандағы № 56 бұйрығы

(2015.25.05. берілген өзгерістер мен толықтырулармен)

«Қазақстан Республикасы Инвестициялар және даму министрлігінің кейбір мәселелері» Қазақстан Республикасы Үкіметінің 2014 жылғы 19 қыркүйектегі № 995 қаулысына сәйкес БҰЙЫРАМЫН:

1. Қоса берілген Қазақстан Республикасы Инвестициялар және даму министрі, Қазақстан Республикасы Инвестициялар және даму министрлігінің жауапты хатшысы, инвестициялар және даму бірінші вице-министрі және вице-министрлері арасындағы міндеттерді бөлу бекітілсін.

2. Осы бұйрық қол қойылған күнінен бастап қолданысқа енеді.

Қазақстан Республикасы

Инвестициялар және даму

министрінің

2014 жылғы 8 қазандағы

№ 56 бұйрығымен бекітілген

Қазақстан Республикасы Инвестициялар және даму министрі,
Қазақстан Республикасы Инвестициялар және даму
министрлігінің жауапты хатшысы,
Қазақстан Республикасы Инвестициялар және даму
бірінші вице-министрі және вице-министрлері арасындағы

міндеттерді бөлу

Қазақстан Республикасының Инвестициялар және даму министрі
Ә.Ө. Исекешев

(Қазақстан Республикасы Президентінің 2014 жылғы 6 тамыздағы № 876 Жарлығы)

1. Қазақстан Республикасы Инвестициялар және даму министрлігінің (бұдан әрі - Министрлік) қызметін үйлестіру және жалпы басқару.

2. Министрлік жүргізетін салаларда мемлекеттік саясатты қалыптастыру және салааралық үйлестіру мәселелері.

3. Министрлік қарамағындағы салаларда халықаралық ынтымақтастық мәселелері.

4. Инвестицияларды тарту және инвестициялық ахуалды жетілдіру мәселелері.

5. Қазақстан Республикасының Президентімен, Парламентпен, Бас прокуратурамен және басқа да органдармен, сондай-ақ шетел мемлекеттерімен, халықаралық және өзге ұйымдармен қатынастарда Министрлікті білдіру.

6. Қазақстан Республикасы заңнамасына сәйкес өкілеттіктер шегінде Министрліктің кадр мәселелері.