«Күдіктілерді, айыпталушыларды, сотталғандарды және қылмыстық-атқару жүйесі мекемелерінің балалар үйлеріндегі балаларды тамақтандырудың және материалдық-тұрмыстық қамтамасыз етудің заттай нормаларын және сотталғандардың киім нысанының үлгілерін бекіту туралы» Қазақстан Республикасы Үкіметінің 2014 жылғы 28 қарашадағы № 1255 Қаулысы (2022.31.08. берілген өзгерістер мен толықтырулармен) (күші жойылды)

Күдіктілерді, айыпталушыларды, сотталғандарды және қылмыстық-атқару жүйесі мекемелерінің балалар үйлеріндегі балаларды тамақтандырудың және материалдық-тұрмыстық қамтамасыз етудің заттай нормаларын және сотталғандардың киім нысанының үлгілерін бекіту туралы
Қазақстан Республикасы Үкіметінің 2014 жылғы 28 қарашадағы № 1255 Қаулысы

(2022.31.08. берілген өзгерістер мен толықтырулармен)

ҚР Үкіметінің 2023 жылғы 1 қыркүйектегі № 758 Қаулысымен күші жойылды

ҚР Үкіметінің 2022.24.03. № 149 Қаулысымен тақырыбы жаңа редакцияда (бұр.ред.қара)

ҚР Үкіметінің 2022.24.03. № 149 Қаулысымен кіріспе жаңа редакцияда (бұр.ред.қара)

2014 жылғы 5 шілдедегі Қазақстан Республикасы Қылмыстық-атқару кодексінің 15-бабы бірінші бөлігінің 4) тармақшасына, 104-бабы екінші бөлігінің 2) тармақшасына, 115 және 116-баптарына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) күдіктілерді, айыпталушыларды, сотталғандарды және қылмыстық-атқару жүйесі мекемелеріндегі балалар үйлеріндегі балаларды тамақтандырудың және материалдық-тұрмыстық қамтамасыз етудің заттай нормалары;

2) сотталғандардың киім нысандарының үлгілері;

3) ҚР Үкіметінің 2022.24.03. № 149 Қаулысымен күші жойылды (бұр.ред.қара)

2. Мыналардың:

1) «Күдіктілерді, айыпталушыларды және сотталғандарды тамақтандырудың және материалдық-тұрмыстық қамтамасыз етудің заттай нормаларын, сондай-ақ Жазасын өтеуден босатылатын сотталғандарға көмек көрсету ережесін бекіту туралы» Қазақстан Республикасы Үкіметінің 2003 жылғы 2 қыркүйектегі № 889 қаулысының;

2) «Қазақстан Республикасы Үкіметінің 2003 жылғы 2 қыркүйектегі № 889 қаулысына өзгерістер енгізу туралы» Қазақстан Республикасы Үкіметінің 2011 жылғы 7 ақпандағы № 82 қаулысының;