(БҰРЫНҒЫ РЕДАКЦИЯ) «АСЫЛ ТҰҚЫМДЫҚ КІТАП ЖҮРГІЗУ ҚАҒИДАЛАРЫН БЕКІТУ ТУРА...

Асыл тұқымдық кітап жүргізу қағидаларын бекіту туралы
Қазақстан Республикасы Ауыл шаруашылығы министрінің 2014 жылғы 6 маусымдағы № 3-2/288 бұйрығы

Осы редакция 2017 жылғы 28 шілдеде енгізілген өзгерістеріне дейін қолданылды

«Асыл тұқымды мал шаруашылығы туралы» Қазақстан Республикасының 1998 жылғы 9 шілдедегі Заңының 13-бабы 12) тармақшасына және 28-3-бабы 7) тармақшасына сәйкес, БҰЙЫРАМЫН:

1. Қоса беріліп отырған Асыл тұқымдық кітап жүргізу қағидалары бекітілсін.

2. Қазақстан Республикасы Ауыл шаруашылығы министрлігінің Мал шаруашылығы өнімдерін өндіру және қайта өңдеу департаменті заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және одан әрі бұқаралық ақпарат құралдарында жариялануын қамтамасыз етсін.

3. Осы бұйрықтың орындалуын бақылау Қазақстан Республикасы Ауыл шаруашылығы министрлігінің Жауапты хатшысы А.Қ. Евниевке жүктелсін.

4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы

Ауыл шаруашылығы министрінің

2014 жылғы 6 маусымдағы

№ 3-2/288 бұйрығымен

бекітілген

Асыл тұқымдық кітапты жүргізу

қағидалары

1. Жалпы ережелер

1. Осы Асыл тұқымдық кітап (бұдан әрі - АТК) жүргізу қағидалары (бұдан әрі - Қағидалар) «Асыл тұқымды мал шаруашылығы туралы» Қазақстан Республикасының 1998 жылғы 9 шілдедегі Заңының 13-бабы 12) тармақшасына және 28-3-бабы 7) тармақшасына сәйкес әзірленді және асыл тұқымдық кітапты жүргізу тәртібін анықтайды.

2. АТК осы Қағидаға 1-қосымшаға сәйкес Жануарлардың тұқымдарының тізіміне енгізілген жануарлардың тұқымдары бойынша жүргізіледі.

3. Ірі қара мал тұқымдары бойынша АТК ірі қара мал тұқымы бойынша республикалық палаталар (бұдан әрі - Палаталар) жүргізеді және басып шығарады.

2. АТК енгізуге жататын малдардың деректері

4. АТК асыл тұқымды малдардың карточкаларынан мынадай мәліметтер енгізіледі:

1) ірі қара мал бойынша: