(БҰРЫНҒЫ РЕДАКЦИЯ) «АВИАЦИЯЛЫҚ ПЕРСОНАЛҒА КУӘЛІКТЕР БЕРУ» МЕМЛЕКЕТТІК К...

Осы редакция 2018 жылғы 29 маусымда енгізілген өзгерістеріне дейін қолданылды

ҚР Инвестициялар және даму министрінің м.а. 2016.25.02. № 225 бұйрығымен мемлекеттік көрсетілетін қызмет регламенті жаңа редакцияда (бұр.ред.қара)

Қазақстан Республикасы

Инвестициялар және даму министрінің

міндетін атқарушының

2015 жылғы 28 мамырдағы

№ 623 бұйрығына

1-қосымша

«Авиациялық персоналға куәліктер беру»

мемлекеттік көрсетілетін қызмет регламенті
(2016.25.02. берілген өзгерістермен)

1. Жалпы ережелер

1. «Авиация персоналына куәліктер беру» мемлекеттік көрсетілетін қызметті (бұдан әрі - мемлекеттік көрсетілетін қызмет) Қазақстан Республикасы Инвестициялар және даму министрлігінің Азаматтық авиация комитеті (бұдан әрі - көрсетілетін қызметті беруші) көрсетеді.

Мемлекеттік қызметті көрсету үшін құжаттарды қабылдау және мемлекеттік қызметті көрсету нәтижелерін беру көрсетілетін қызметті берушінің кеңсесі арқылы не www.egov.kz «электрондық үкіметтің» веб-порталы арқылы (бұдан әрі - портал) жүзеге асырылады.

2. Мемлекеттік қызметті көрсету нысаны: қағаз түрінде және (немесе) электрондық (ішінара автоматтандырылған).

3. Мемлекеттік қызметті көрсету нәтижесі: авиация персоналына куәліктер (бұдан әрі - Куәлік) беру болып табылады.

2. Мемлекеттік қызметті көрсету процесінде көрсетілетін қызметті берушінің құрылымдық

бөлімшелерінің (қызметкерлерінің) іс-қимылдарының тәртібін сипаттау

4. Мемлекеттік қызметті көрсету бойынша рәсімдерді (іс-қимылдарды) бастау үшін негіз Қазақстан Республикасы Инвестициялар және даму министрінің 2015 жылғы 28 сәуірдегі № 518 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11401 болып тіркелген) «Авиация персоналына куәліктер беру» мемлекеттік көрсетілетін қызмет стандартының (бұдан әрі - Стандарт) 9-тармағына сәйкес көрсетілетін қызметті алушының өтініші немесе электрондық сұрау салуының болуы болып табылады.

5. Мемелекеттік қызметті көрсету процесінің құрамына кіретін әрбір рәсімнің (іс-қимылдың) мазмұны, оны орындау ұзақтығы: