Қазақстан Республикасы Ішкі істер министрлігінің Төтенше жағдайлар комитеті Түркістан облысының Төтенше жағдайлар департаменті Арыс ауданының төтенше жағдайлар бөлімі туралы ереже (Қазақстан Республикасы Ішкі істер министрлігі Төтенше жағдайлар комитеті Төрағасының 2014 жылғы 15 қарашадағы № 38 бұйрығына 190-қосымша) (2019.25.09. берілген өзгерістермен)

 Қазақстан Республикасы

Ішкі істер министрлігі Төтенше

жағдайлар комитеті Төрағасының

2014 жылғы 15 қарашадағы

№ 38 бұйрығына

190-қосымша

ҚР Ішкі істер министрлігінің Төтенше жағдайлар комитеті төрағасының 2018.17.10. № 198 бұйрығымен тақырыбы жаңа редакцияда (бұр.ред.қара)

Қазақстан Республикасы Ішкі істер министрлігінің Төтенше жағдайлар комитеті

Түркістан облысының Төтенше жағдайлар департаменті Арыс ауданының төтенше жағдайлар бөлімі туралы

ереже

(2019.25.09. берілген өзгерістермен)

1. Жалпы ережелер

ҚР Ішкі істер министрлігінің Төтенше жағдайлар комитеті төрағасының 2018.17.10. № 198 бұйрығымен 1-тармақ жаңа редакцияда (бұр.ред.қара)

1. Қазақстан Республикасы Ішкі істер министрлігінің Төтенше жағдайлар комитеті Түркістан облысының Төтенше жағдайлар департаменті Арыс ауданының төтенше жағдайлар бөлімі (бұдан әрі - Бөлім) Қазақстан Республикасы Ішкі істер министрлігінің Төтенше жағдайлар комитеті Түркістан облысының Төтенше жағдайлар департаментіне (бұдан әрі - Департамент) тікелей бағынатын Қазақстан Республикасы Ішкі істер министрлігі Төтенше жағдайлар комитетінің (бұдан әрі - Комитет) аумақтық бөлімшесі болып табылады.

2. Бөлім өз қызметін Қазақстан Республикасының Конституциясына және заңдарына, Қазақстан Республикасы Президентінің және Үкіметінің актілеріне, Қазақстан Республикасы Ішкі істер министрінің, Комитет төрағасының және Департамент бастығының бұйрықтарына, өзге де нормативтік құқықтық актілерге, сондай-ақ осы Ережеге сәйкес жүзеге асырады.

3. Бөлім мемлекеттік мекеменің ұйымдық-құқықтық нысанындағы заңды тұлға болып табылады, өзінің атауы мемлекеттік тілде жазылған мөрлері мен мөртабандары, белгіленген үлгідегі бланкілері болады.

4. Бөлім азаматтық-құқықтық қатынастарға өз атынан түседі.

5. Егер Бөлімге заңнамаға сәйкес уәкілеттік берілген болса, оның мемлекеттің атынан азаматтық-құқықтық қатынастардың тарапы болуға құқығы бар.