(БҰРЫНҒЫ РЕДАКЦИЯ) «БОЛАШАҚ» ХАЛЫҚАРАЛЫҚ СТИПЕНДИЯСЫ БОЙЫНША ШЫҒЫС НОРМ...

«Болашақ» халықаралық стипендиясы бойынша шығыс нормаларын, оқуға және тағылымдамадан өтуге арналған үлгілік шарттарды бекіту туралы
Қазақстан Республикасы Білім және ғылым министрінің 2012 жылғы 13 сәуірдегі № 163 бұйрығы

(2023.01.04. берілген өзгерістер мен толықтырулармен)

Осы редакция 2023 ж. 31 тамызда енгізілген өзгерістеріне дейін қолданылды

ҚР Білім және ғылым министрінің 2016.04.03. № 192 бұйрығымен тақырыбы жаңа редакцияда (бұр.ред.қара)

ҚР Білім және ғылым министрінің 2017.14.09. № 462 бұйрығымен кіріспе жаңа редакцияда (бұр.ред.қара)

«Білім туралы» 2007 жылғы 27 шілдедегі Қазақстан Республикасы Заңының 5-бабының 44-4) тармақшасына сәйкес, Қазақстан Республикасы Үкіметінің 2008 жылғы 11 маусымдағы № 573 қаулысымен бекітілген «Болашақ» халықаралық стипендиясын тағайындау үшін үміткерлерді іріктеу қағидаларын іске асыру мақсатында БҰЙЫРАМЫН:

ҚР Білім және ғылым министрінің 2016.09.12. № 696 бұйрығымен 1-тармақ жаңа редакцияда (бұр.ред.қара)

1. Осы бұйрыққа 1-қосымшаға сәйкес, елдер бөлімінде «Болашақ» халықаралық стипендиясының көлемін анықтау үшін шығыстар нормалары бекітілсін.

ҚР Білім және ғылым министрінің 2014.25.02. № 56 бұйрығымен 2-тармақ жаңа редакцияда (бұр.ред.қара); ҚР Білім және ғылым министрінің 2016.04.03. № 192 бұйрығымен (бұр.ред.қара); 2017.02.06. № 257 бұйрығымен (бұр.ред.қара); 2020.07.04. № 132 бұйрығымен (бұр.ред.қара) 2-тармақ өзгертілді; ҚР Білім және ғылым министрінің 2020.28.07. № 321 бұйрығымен 2-тармақ жаңа редакцияда (бұр.ред.қара)

2. Мына:

1) осы бұйрыққа 2-қосымшаға сәйкес магистр дәрежесін алу үшін оқуды ұйымдастыруға;

2) осы бұйрыққа 3-қосымшаға сәйкес магистр дәрежесін алу үшін оқуды ұйымдастыруға (ауылдық елдімекеннен шыққан үміткерлер санаты бойынша конкурсқа қатысқан адамдар үшін);

3) осы бұйрыққа 4-қосымшаға сәйкес тағылымдамадан өтуге;

4) осы бұйрыққа 5-қосымшаға сәйкес, резидентурада оқуды ұйымдастыруға;