«Азаматтық істерді соттың қарауына әзірлеу туралы» Қазақстан Республикасы Жоғарғы Сотының 2001 жылғы 13 желтоқсандағы № 21 нормативтік қаулысына өзгерістер мен толықтырулар енгізу және Қазақстан Республикасы Жоғарғы Сотының кейбір нормативтік қаулыларының, Қазақ КСР және Қазақстан Республикасы Жоғарғы Соты Пленумдары қаулыларының күші жойылды деп тану туралы» Қазақстан Республикасы Жоғарғы Сотының 2016 жылғы 25 қарашадағы № 9 нормативтік қаулысы

«Азаматтық істерді соттың қарауына әзірлеу туралы» Қазақстан Республикасы Жоғарғы Сотының 2001 жылғы 13 желтоқсандағы № 21 нормативтік қаулысына өзгерістер мен толықтырулар енгізу және Қазақстан Республикасы Жоғарғы Сотының кейбір нормативтік қаулыларының, Қазақ КСР және Қазақстан Республикасы Жоғарғы Соты Пленумдары қаулыларының күші жойылды деп тану туралы
Қазақстан Республикасы Жоғарғы Сотының 2016 жылғы 25 қарашадағы № 9 Нормативтік қаулысы

1.«Азаматтық істерді соттың қарауына әзірлеу туралы» Қазақстан Республикасы Жоғарғы Сотының 2001 жылғы 13 желтоқсандағы № 21 нормативтік қаулысына (Қазақстан Республикасы Жоғарғы Сотының 2009 жылғы 12 қаңтардағы № 2, 2011 жылғы 30 желтоқсандағы № 5 және 2012 жылғы 29 желтоқсандағы № 6 қаулыларымен енгізілген өзгерістермен және толықтырулармен бірге) мынадай өзгерістер мен толықтырулар енгізілсін:

1) тақырыбы мынадай редакцияда жазылсын: «Азаматтық істерді сот талқылауына дайындау туралы»;

2) кіріспедегі «қажеттілігіне байланысты» деген сөздер «мақсатында» деген сөзбен ауыстырылсын;

бүкіл мәтін бойынша «АІЖК-нің» деген сөздер «АПК-нің» деген сөздермен ауыстырылсын;

3) 1-тармақта:

«Қазақстан Республикасының Азаматтық іс жүргізу кодексінің (әрі қарай мәтін бойынша АІЖК)» деген сөздер «Қазақстан Республикасы Азаматтық процестік кодексінің (бұдан әрі — АПК)» деген сөздермен ауыстырылсын;

«166-бабының 2-бөлігіне» деген сөздер «163-бабының екінші бөлігіне» деген сөздермен ауыстырылсын;

«150», «151» деген сандар тиісінше «148», «149» деген сандармен ауыстырылсын;

4) 2-тармақта:

бірінші абзацта:

«168-бабына» деген сөздер «163-бабының бірінші бөлігіне» деген сөздермен ауыстырылсын;

«бойынша да» деген сөздерден кейін «, сондай-ақ оңайлатылған (жазбаша) іс жүргізуден істі талап қою ісін жүргізу қағидалары бойынша жалпы тәртіппен қарауға көшу немесе АПК-нің 147-бабының екінші бөлігіне сәйкес оңайлатылған (жазбаша) іс жүргізу тәртібімен шығарылған сот шешімінің күшін жою кезінде» деген сөздермен толықтырылсын;

«нақты» деген сөзден кейін «мерзімдер және» деген сөздермен толықтырылсын;

екінші абзацта: