(БҰРЫНҒЫ РЕДАКЦИЯ) «БАҚЫЛАУ ФУНКЦИЯЛАРЫН ҚАМТАМАСЫЗ ЕТУ ҮШІН ӘЛЕУМЕТТІК...

Бақылау функцияларын қамтамасыз ету үшін әлеуметтік медициналық сақтандыру қорының қаржылық және өзге де есептілігінің тізбесін, нысандарын, оларды ұсыну мерзімдерін бекіту туралы
Қазақстан Республикасы Денсаулық сақтау министрінің 2017 жылғы 16 тамыздағы № 612 бұйрығы

(2018.11.10. берілген өзгерістер мен толықтырулармен)

Осы редакция 2021 жылғы 12 шілдеде енгізілген өзгерістеріне дейін қолданылды

«Міндетті әлеуметтік медициналық сақтандыру туралы» 2015 жылғы 16 қарашадағы Қазақстан Республикасының Заңы 11-бабының 7) тармақшасына, сондай-ақ «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

ҚР Денсаулық сақтау министрінің 2018.11.10. № ҚР ДСМ-27 бұйрығымен 1-тармақ жаңа редакцияда (бұр.ред.қара)

1. Мыналар:

1) осы бұйрыққа 1-қосымшаға сәйкес бақылау функцияларын қамтамасыз ету үшін әлеуметтік медициналық сақтандыру қорының қаржылық және өзге де есептілігінің тізбесі, оларды ұсыну мерзімдері;

2) осы бұйрыққа 2-қосымшаға сәйкес «Әлеуметтік медициналық сақтандыру қорының активтерін орналастыру туралы есеп» нысаны;

3) осы бұйрыққа 3-қосымшаға сәйкес «Әлеуметтік медициналық сақтандыру қорының активтері мен пассивтері бойынша есеп» нысаны;

4) осы бұйрыққа 4-қосымшаға сәйкес «Әлеуметтік медициналық сақтандыру қоры активтерінің түсімі және олардың шығуы туралы есеп» нысаны;

5) осы бұйрыққа 5-қосымшаға сәйкес «Әлеуметтік медициналық сақтандыру қорының күтпеген шығыстарды жабуға арналған резервін пайдалану туралы есеп» нысаны;

6) осы бұйрыққа 6-қосымшаға сәйкес «Әлеуметтік медициналық сақтандыру қорының тегін медициналық көмектің кепілдік берілген көлемі шеңберінде қызметтерге ақы төлеуге берілетін трансферттерді жоспарлауы және нақты пайдалануы туралы есеп» нысаны;