«Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналасатын жерін бекіту туралы шешім беру» мемлекеттік көрсетілетін қызмет регламенті (Астана қаласы әкімдігінің 2016 жылғы 15 тамыздағы № 390-1465 қаулысына 2-қосымша) (күші жойылды)

Астана қаласы әкімдігінің

2016 жылғы 15 тамыздағы

№ 390-1465 қаулысына

2-қосымша

Нұр-Сұлтан қаласы әкімдігінің 2021 жылғы 11 ақпандағы № 512-436 Қаулысымен күші жойылды

«Діни әдебиетті және діни мазмұндағы өзге де ақпараттық материалдарды,

 діни мақсаттағы заттарды тарату үшін арнайы тұрақты үй-жайлардың орналасатын жерін бекіту туралы шешім беру»

мемлекеттік көрсетілетін қызмет регламенті


1. Жалпы ережелер

1. Осы «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналасатын жерін бекіту туралы шешім беру» мемлекеттік көрсетілетін қызмет регламенті (бұдан әрі - Регламент) «Діни қызмет саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Мәдениет және спорт министрінің 2015 жылғы 23 сәуірдегі № 147 бұйрығымен (Нормативтік құқықтық актілерді мемлекеттік тіркеу тізілімінде № 11183 болып тіркелген) бекітілген «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналасатын жерін бекіту туралы шешім беру» мемлекеттік көрсетілетін қызмет стандартының (бұдан әрі - Стандарт) негізінде әзірленген.

«Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналасатын жерін бекіту туралы шешім беру» мемлекеттік көрсетілетін қызметті (бұдан әрі - мемлекеттік көрсетілетін қызмет) «Астана қаласының Дін істері жөніндегі басқармасы» мемлекеттік мекемесі (бұдан әрі - көрсетілетін қызмет беруші) көрсетеді, байланыс телефоны: 8 (7172) 55-74-53, 55-69-65.

Құжаттарды қабылдау және мемлекеттік қызметті көрсету нәтижесін беруді мемлекеттік көрсетілетін қызметті берушінің кеңсесі Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден жұмаға дейінгі аралықта сағат 13.00-ден 14.30-ға дейін түскі үзіліспен сағат 08.30-ден 18.00-ге дейін жүзеге асырады.