«Мейіргер ісі» мамандығы бойынша орта білімнен кейінгі қолданбалы бакалавриаттың типтік кәсіби оқу бағдарламасы (Қазақстан Республикасы Денсаулық сақтау және әлеуметтік даму министрінің міндетін атқарушының 2015 жылғы 31 шілдедегі № 647 бұйрығына 8-3-қосымша) (күші жойылды)

ҚР Денсаулық сақтау министрінің 2017.29.06. № 471 бұйрығымен 8-3-қосымшамен толықтырылды

Қазақстан Республикасы

Денсаулық сақтау және

әлеуметтік даму министрінің

міндетін атқарушының

2015 жылғы 31 шілдедегі

№ 647 бұйрығына

8-3-қосымша

ҚР Денсаулық сақтау министрінің 2020.21.02. № ҚР ДСМ-12/2020 бұйрығымен күші жойылды

«Мейіргер ісі» мамандығы бойынша орта білімнен кейінгі қолданбалы бакалавриаттың типтік кәсіби оқу

бағдарламасы

1-бөлім. Білім беру бағдарламасының паспорты

1. Осы «Мейіргер ісі» мамандығы бойынша орта білімнен кейінгі қолданбалы бакалавриаттың үлгілік кәсіби оқу бағдарламасы (бұдан әрі - Бағдарлама) «Білім туралы» Қазақстан Республикасының 2007 жылғы 27 шілдедегі заңының 14-бабының 8-тармағына, 2009 жылғы 18 қыркүйектегі «Халық денсаулығы және денсаулық сақтау жүйесі туралы» Қазақстан Республикасы Кодексінің 175-бабының 3-тармағына сәйкес әзірленді.

2. Орта білімнен кейінгі білім беру ұйымдарында мамандарды даярлау медицина саласын білікті кадрлармен қамтамасыз ету мақсатында жүзеге асырылады.

3. Білім беру бағдарламасы:

1) міндетті компоненттің және элективті пәндерді теориялық және практикалық оқытуы;

2) өндірістік (клиникалық) және кәсіби/диплом алды практиканы;

3) аралық және қорытынды аттестациялары қамтиды.

Кәсіби практика және үлгілік оқу бағдарламаларының пәндер циклі бойынша міндетті компоненттер мазмұны осы Бағдарламаның 1 және 2-қосымшаларына сәйкес анықталды.

Білім беру қызметін жоспарлау мен ұйымдастыру, осы Бағдарламаға 3 және 4-қосымшаларға сәйкес үлгілік оқу жоспарлары негізінде жүзеге асырылады.

4. 030205 4 -«Мейіргер ісі» мамандығы бойынша оқу мемлекеттік және орыс тілдерінде жүргізіледі. Үштілді білім беру бағдарламасын енгізу кезінде оқу үш тілде жүргізіледі: мемлекеттік, орыс және ағылшын.

5. Білім алушылардың оқудағы жетістіктерін»Мейіргер ісі» мамандығы бойынша орта білімнен кейінгі білім беру бағдарламасында айқындалатын бағалау әр түрлі формаларда ағымдық бақылау және аттестаттау арқылы жүзеге асырылады.