«2019 жылғы республикалық техникалық және кәсіптік білім беру ұйымдарының педагог қызметкерлері мен оларға теңестірілген тұлғаларды аттестаттау комиссиясының құрамын бекіту туралы» Қазақстан Республикасы Білім және ғылым министрінің 2019 жылғы 23 мамырдағы № 229 бұйрығы

2019 жылғы республикалық техникалық және кәсіптік білім беру ұйымдарының педагог қызметкерлері мен оларға теңестірілген тұлғаларды аттестаттау комиссиясының құрамын бекіту туралы
Қазақстан Республикасы Білім және ғылым министрінің 2019 жылғы 23 мамырдағы № 229 бұйрығы

«Құқықтық актілер туралы» 2016 жылғы 6 сәуірдегі Қазақстан Республикасы Заңының 65-бабының 3-тармағына, Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығымен бекітілген Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын (бұдан әрі - Қағидалар) 2-тармағына сәйкес және республикалық техникалық және кәсіптік білім беру ұйымдарының педагог қызметкерлерінің біліктілік деңгейінің лауазымдардың біліктілік сипаттамаларына сәйкестігін анықтау мақсатында БҰЙЫРАМЫН:

1. Қоса беріліп отырған республикалық техникалық және кәсіптік білім беру ұйымдарының педагог қызметкерлері мен оларға теңестірілген тұлғаларды аттестаттау комиссиясының құрамы бекітілсін.

2. «2018 жылғы республикалық техникалық және кәсіптік білім беру ұйымдарының педагог қызметкерлерін аттестаттау комиссиясының құрамын бекіту туралы» Қазақстан Республикасы Білім және ғылым министрінің 2018 жылғы 16 маусымдағы № 281 бұйрығы жойылды деп танылсын.