Коронавирустық инфекцияның таралуына байланысты шектеу шаралары кезеңінде мектепке дейінгі ұйымдар мен мектепалды даярлық сыныптарында тәрбиелеу-білім беру процесін іске асыру жөніндегі әдістемелік ұсынымдар (Қазақстан Республикасы Білім және ғылым министрінің 2020 жылғы 13 тамыздағы № 345 бұйрығына 1-қосымша) (күші жойылды)

Қазақстан Республикасы

Білім және ғылым министрінің

2020 жылғы 13 тамыздағы

№ 345 бұйрығына 1-қосымша

ҚР Оқу-ағарту министрінің міндетін атқарушының 2023 жылғы 22 мамырдағы № 138 бұйрығымен күші жойылды

Коронавирустық инфекцияның таралуына байланысты шектеу шаралары кезеңінде мектепке

дейінгі ұйымдар мен мектепалды даярлық сыныптарында тәрбиелеу-білім беру процесін іске асыру жөніндегі

әдістемелік ұсынымдар

1 тарау. Жалпы ережелер

1. Осы әдістемелік ұсынымдар:

- «Білім туралы» Қазақстан Республикасының Заңына;

- Мектепке дейінгі тәрбие мен оқытудың мемлекеттік жалпыға міндетті стандартының талаптарына;

- «Қашықтықтан білім беру технологиялары бойынша оқу процесін ұйымдастыру қағидаларын бекіту туралы» Қазақстан Республикасы Білім және ғылым министрінің 2015 жылғы 20 наурыздағы № 137 бұйрығына;

- «Адамға әсер ететін физикалық факторлар (компьютерлер мен бейнетерминалдар) көздерімен жұмыс істеу жағдайларына қойылатын санитариялық-эпидемиологиялық талаптар» санитариялық қағидаларын бекіту туралы Қазақстан Республикасы Ұлттық экономика министрінің 2015 жылғы 21 қаңтардағы № 38 бұйрығына;

- 2020-2021 оқу жылында коронавирустық инфекцияның (COVID-19) таралуы жағдайында білім беру ұйымдарының тәртібіне, мазмұнына және жұмысын қамтамасыз етуге қойылатын санитариялық-эпидемиологиялық талаптарға сәйкес әзірленді.

2. Мектепке дейінгі ұйымдарда тәрбиелеу - білім беру процесін ұйымдастыру санитариялық-эпидемиологиялық жағдайға байланысты анықталады:

1) Қашық форматта;

2) Білім беру платформалары мен электрондық ресурстарға қойылатын талаптар;

3) Карантин кезеңінде кезекші топтарда тәрбиелеу - білім беру процесін ұйымдастыру;

4) Санитариялық-эпидемиологиялық шараларды сақтай отырып, толық штаттық форматта мектепке дейінгі ұйымдардың жұмысын қайта бастау.

2-тарау. Оқу процесін қашық форматта ұйымдастыру тәртібі

3. Қашықтан оқыту режимінде тәрбиелеу - білім беру процесі кіріктірілген нысанда өтеді, мектепалды топтары мен сыныптарда негізгі бөлімдер бойынша ұйымдастырылған оқу қызметтері өткізіледі (математика және сауат ашу негіздері).