(БҰРЫНҒЫ РЕДАКЦИЯ) БИЯЗЫЛАУ ЖҮНДІ ҚОЙЛАРДЫ АСЫЛ ТҰҚЫМДЫҚ ҚҰНДЫЛЫҒЫН БОН...

Осы редакция 2023 жылғы 28 шілдеде енгізілген өзгерістеріне дейін қолданылды

ҚР Ауыл шаруашылығы министрінің 2016.27.05. № 239 бұйрығымен нұсқаулық жаңа редакцияда (бұр.ред.қара)

Қазақстан Республикасы

Ауыл шаруашылығы министрінің

2014 жылғы 10 қазандағы

№ 3-3/517 бұйрығына

4-қосымша

Биязылау жүнді қойларды асыл тұқымдық құндылығын бонитирлеу

(бағалау) және өсімін молайту жөніндегі

нұсқаулық

(2017.19.07. берілген өзгерістер мен толықтырулармен)

1. Жалпы ережелер

1. Биязылау жүнді қойларды асыл тұқымдық құндылығын бонитирлеу (бағалау) және өсімін молайту жөніндегі бойынша нұсқаулық (бұдан әрі - Нұсқаулық) 2014 жылғы 9 шіледегі Қазақстан Республикасының «Асыл тұқымды мал шаруашылығы туралы» заңының 13-бабының 4) тармақшасына сәйкес әзірленіп, биязылау жүнді қойларды бонитирлеуді (бағалауды) нақтылай түседі.

2. Биязылау жүнді қойлаарды бонитирлеу (бағалау) бонитермен (сыныптаушымен) жүргізіледі.

2. Биязылау жүнді қойларды бонитирлеуді (бағалауды) ұйымдастыру

3. Бонитирлеу (бағалау) түрлері: жекелей және класты болады.

1) жекелей бонитирлеу (бағалау) - асыл тұқымды малдардың маңызды селекциялық белгілері бағаланып, арнайы журналға жазылады да асыл тұқымды малдың жеке құжаты карточкасына толтырылады.

2) класты бонитирлеу (бағалау) - жеке қойлардың селекциялық белгілерін бағалау нәтижелері, олардың бітімі мен өнімділік қасиеттерін жан-жақты бағалау негізінде кластары анықталып, әр кластағы малдардың есебі алынады.

ҚР Премьер-Министрінің орынбасары - ҚР Ауыл шаруашылығы министрінің 2017.19.07. № 301 бұйрығымен 4-тармақ жаңа редакцияда (бұр.ред.қара)

4. Бонитирлеуді (бағалауды) бастамастан бір ай бұрын Асыл тұқымды мал өсіретін әрбір шаруашылық бойынша ветеринариялық-санитариялық жағдайларын ескеріп, бағалауды өткізудің күнтізбелік жоспары жасалады.

5. Қойларды бонитирлеу (бағалау) үшін келесі заттар дайындауы тиіс:

бонитирлеу (бағалау) нәтижелерін жазатын журналдар;

мал өлшейтін таразылар;

құлаққа ен салатын қысқыштар;

барлық сандары бар, татуировка салатын қысқыштар;