(БҰРЫНҒЫ РЕДАКЦИЯ) ЕМТИХАНДАР ҚАБЫЛДАУ ЖӘНЕ ЖҮРГІЗУШІ КУӘЛІКТЕРІН БЕРУ ...

Осы редакция 2019 жылғы 7 қазанда енгізілген өзгерістеріне дейін қолданылды

Қазақстан Республикасы

Ішкі істер министрінің

2014 жылғы 2 желтоқсандағы

№ 862 бұйрығына 3-қосымша

Емтихандар қабылдау және жүргізуші куәліктерін беру

қағидалары

(2018.20.06. берілген өзгерістер мен толықтырулармен)

ҚР Ішкі істер министрінің 2018.20.04. № 310 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

1. Осы Емтихандар қабылдау және жүргізуші куәліктерін беру қағидалары (бұдан әрі - Қағидалар) емтихандар қабылдау, Қазақстан Республикасының азаматтарына, шетел азаматтарына және азаматтығы жоқ адамдарға әртүрлі санаттағы көлік құралдарын басқару құқығына жүргізуші куәліктерін (бұдан әрі - жүргізуші куәлігі) беру тәртібін белгілейді.

ҚР Ішкі істер министрінің 2016.26.01. № 73 бұйрығымен 2-тармақ жаңа редакцияда (бұр.ред.қара)

2. Емтихандар қабылдауды, азаматтарға «А», «В», «С», «D», «ВЕ», «СЕ», «DЕ», «Tm», «Tb» санаттарындағы, «A1, B1, C1, D1, С1Е және D1E» кіші санаттарындағы жүргізуші куәліктерін беруді ішкі істер органдарының, оның ішінде «Азаматтарға арналған үкімет» мемлекеттік корпорациясы» коммерциялық емес акционерлік қоғамының (бұдан әрі - Мемлекеттік корпорация) ғимараттары мен үй-жайларында орналастырылған тіркеу-емтихан бөліністері (бұдан әрі - ТЕБ) жүзеге асырады.

3. Ұлттық жүргізуші куәлігі он жыл мерзімге беріледі, ол өткеннен кейін жүргізуші куәлігі жарамсыз деп танылады.

4. Қазақстан Республикасының аумағында Қазақстан Республикасының тек қана бір ұлттық жүргізуші куәлігін алуға рұқсат етіледі.

5. ҚР Ішкі істер министрінің 2016.12.04. № 383 бұйрығымен алып тасталды (бұр.ред.қара)

ҚР Ішкі істер министрінің 2018.20.04. № 310 бұйрығымен (бұр.ред.қара); 2018.20.06. № 459 бұйрығымен (бұр.ред.қара) 2-тараудың тақырыбы жаңа редакцияда

2-тарау. Емтихандар қабылдау

ҚР Ішкі істер министрінің 2016.12.04. № 383 бұйрығымен 6-тармақ жаңа редакцияда (бұр.ред.қара); ҚР Ішкі істер министрінің м.а. 2017.26.09. № 646 бұйрығымен 6-тармақ өзгертілді (бұр.ред.қара)