«Бизнестiң жол картасы 2020» бизнесті қолдау мен дамытудың бірыңғай бағдарламасы шеңберiнде кредиттер бойынша сыйақы мөлшерлемесінің бір бөлігіне субсидия беру» (Шығыс Қазақстан облысы әкімдігінің 2015 жылғы 21 қазандағы № 280 Қаулысымен бекітілген) (2017.31.10. берілген өзгерістермен) (күші жойылды)

Шығыс Қазақстан облысы әкімдігінің 2019.01.08. № 248 Қаулысымен мемлекеттік көрсетілетін қызмет регламенті алып тасталды

Шығыс Қазақстан облысы әкімдігінің 2017.12.06. № 148 Қаулысымен (бұр.ред.қара); 2017.31.10. № 291 Қаулысымен (бұр.ред.қара) мемлекеттік көрсетілетін қызмет регламенті жаңа редакцияда

Шығыс Қазақстан облысы әкімдігінің

2015 жылғы 21 қазандағы

№ 280 қаулысымен

бекітілген

«Бизнестiң жол картасы 2020» бизнесті қолдау мен дамытудың бірыңғай бағдарламасы

шеңберiнде кредиттер бойынша сыйақы мөлшерлемесінің бір бөлігіне субсидия беру»

мемлекеттік көрсетілетін қызмет регламенті

(2017.31.10. берілген өзгерістермен)

1. Жалпы ережелер

1. «Бизнестiң жол картасы 2020» бизнесті қолдау мен дамытудың бірыңғай бағдарламасы шеңберiнде кредиттер бойынша сыйақы мөлшерлемесінің бір бөлігіне субсидия беру» мемлекеттік көрсетілетін қызметін (бұдан әрі - мемлекеттік көрсетілетін қызмет) облыстың жергілікті атқарушы органы (бұдан әрі - көрсетілетін қызметті беруші) көрсетеді.

Өтініштерді қабылдау мен мемлекеттік қызметті көрсету нәтижелерін беру көрсетілетін қызметті берушінің, облыстық және аудандық маңызы бар қалалардың жергілікті атқарушы органдарының кеңсесі арқылы жүзеге асырылады.

2. Мемлекеттік қызмет көрсету нысаны: қағаз түрінде.

3. Мемлекеттік қызмет көрсету нәтижесі: Өңірлік үйлестіру кеңесі (бұдан әрі - ӨҮК) отырысы хаттамасының көшірмесі не Қазақстан Республикасы Ұлттық экономика министрінің 2015 жылғы 24 сәуірдегі № 352 (Нормативтік құқықтық актілерді мемлекеттік тіркеу тізілімінде тіркелген нөмірі 11181) бұйрығымен бекітілген «Бизнестiң жол картасы 2020» бизнесті қолдау мен дамытудың бірыңғай бағдарламасы шеңберiнде кредиттер бойынша сыйақы мөлшерлемесінің бір бөлігіне субсидия беру» мемлекеттік көрсетілетін қызмет стандартының (бұдан әрі - Стандарт) 9-1-тармағында көзделген жағдайларда және негіздер бойынша мемлекеттік қызметті көрсетуден бас тарту туралы дәлелді жауап.

Мемлекеттік қызмет көрсету нәтижесін ұсыну нысаны: қағаз түрінде.