«Кеден одағы аумағының шегінде Қазақстан Республикасының аумағынан тысқары жерлерге геологиялық ақпаратты шығаруға келісім беру» мемлекеттік көрсетілетін қызмет регламенті (Қазақстан Республикасы Инвестициялар және даму министрінің м. а. 2015 жылғы 28 мамырдағы № 657 бұйрығына 6-қосымша) (2016.22.08. берілген өзгерістермен) (күші жойылды)

Қазақстан Республикасы

Инвестициялар және даму министрінің

міндетін атқарушының

2015 жылғы 28 мамырдағы

№ 657 бұйрығына

6-қосымша

ҚР Экология, геология және табиғи ресурстар министрінің м.а. 2020 жылғы 22 мамырдағы № 117 бұйрығымен күші жойылды

ҚР Инвестициялар және даму министрінің м.а. 2016.22.08. № 625 бұйрығымен тақырыбы жаңа редакцияда (бұр.ред.қара)

 «Кеден одағы аумағының шегінде Қазақстан Республикасының аумағынан тысқары

 жерлерге геологиялық ақпаратты шығаруға келісім беру»

мемлекеттік көрсетілетін қызмет регламенті

(2016.22.08. берілген өзгерістермен)

1. Жалпы ережелер

ҚР Инвестициялар және даму министрінің м.а. 2016.22.08. № 625 бұйрығымен 1-тармақ өзгертілді (бұр.ред.қара)

1. «Кеден одағы аумағының шегіңде Қазақстан Республикасының аумағынан тысқары жерлерге геологиялық ақпаратты шығаруға келісім беру» мемлекеттік көрсетілетін қызметті (бұдан әрі - мемлекеттік көрсетілетін қызмет) Қазақстан Республикасы Инвестициялар және даму министрлігінің Геология және жер қойнауын пайдалану комитеті (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызмет нәтижелерін беру:

1) көрсетілетін қызметті берушінің кеңсесі;

2) «электрондық үкіметтің» www.egov.kz, www.elicense.kz веб-порталы (бұдан әрі - портал) арқылы жүзеге асырылады.

2. Мемлекеттік көрсетілетін қызметтің нысаны: электрондық және (немесе) қағаз түрінде.

ҚР Инвестициялар және даму министрінің м.а. 2016.22.08. № 625 бұйрығымен 3-тармақ өзгертілді (бұр.ред.қара)

3. Мемлекеттік көрсетілетін қызметтің нәтижесі - Кеден одағы аумағының шегінде Қазақстан Республикасының аумағынан тысқары жерлерге геологиялық ақпаратты шығаруға келісім беру (бұдан әрі - келісім-хат).

Мемлекеттік қызметті көрсетудің нәтижесін беру нысаны: электрондық және (немесе) қағаз түрінде.

2. Мемлекеттік қызметті көрсету рәсімдей көрсетілетін қызметті берушінің құрылымдық

бөлімшелерінің (қызметкерлерінің) іс-қимыл тәртібінің сипаттамасы