«Бизнестің жол картасы 2020» бағдарламасы шеңберінде кредиттер бойынша кепілдіктер беру» мемлекеттік көрсетілетін қызмет регламенті (Ақтөбе облысы әкімдігінің 2015 жылғы 22 мамырдағы № 168 қаулысымен бекітілді) (2017.03.10. берілген өзгерістермен) (күші жойылды)

Ақтөбе облысы әкімдігінің 2019 жылғы 20 қарашадағы № 463 Қаулысымен күші жойылды

Ақтөбе облысының әкімдігінің 2016.29.04. № 172 Қаулысымен (бұр.ред.қара); 2016.23.08. № 368 Қаулысымен (бұр.ред.қара) мемлекеттік көрсетілетін қызмет регламенті жаңа редакцияда

Ақтөбе облысы әкімдігінің

2015 жылғы 22 мамырдағы

№ 168 қаулысымен бекітілді

«Бизнестің жол картасы - 2020» бизнесті қолдау мен дамытудың бірыңғай бағдарламасы шеңберінде

жеке кәсіпкерлік субъектілерінің кредиттері бойынша кепілдіктер беру»

мемлекеттік көрсетілетін қызмет регламенті

(2017.03.10. берілген өзгерістермен)

1. Жалпы ережелер

Ақтөбе облысы әкімдігінің 2017.03.10. № 349 Қаулысымен 1-тармақ жаңа редакцияда (бұр.ред.қара)

1. «Бизнестің жол картасы - 2020» бизнесті қолдау мен дамытудың бірыңғай бағдарламасы шеңберінде жеке кәсіпкерлік субъектілерінің кредиттері бойынша кепілдіктер беру» мемлекеттік көрсетілетін қызметі (бұдан әрі - мемлекеттік қызмет) «Ақтөбе облысының кәсіпкерлік басқармасы» мемлекеттік мекемесімен (бұдан әрі - көрсетілетін қызметті беруші) көрсетіледі.

180 миллион теңгеден астам кредиттер бойынша өтініштерді қабылдау мен мемлекеттік қызмет көрсету нәтижелерін беру регламенттің 1-қосымшасында көрсетілген көрсетілетін қызметті берушімен, облыстық және аудандық маңызы бар кәсіпкерлік бөлімдерімен (бұдан әрі - Бағдарламаның жергілікті үйлестірушілері) жүзеге асырылады.

2. Мемлекеттік қызмет көрсету нысаны - қағаз түрінде.

Ақтөбе облысы әкімдігінің 2017.03.10. № 349 Қаулысымен 3-тармақ жаңа редакцияда (бұр.ред.қара)