«Эпидемиялық маңыздылығы жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге және гигиеналық нормативтерге сәйкестігі (сәйкес еместігі) туралы санитариялық-эпидемиологиялық қорытынды беру» мемлекеттік көрсетілетін қызмет стандарты (Қазақстан Республикасы Денсаулық сақтау министрінің міндетін атқарушының 2017 жылғы 28 сәуірдегі № 217 бұйрығына 2-қосымша) (2018.23.10. берілген өзгерістер мен толықтырулармен) (күші жойылды)

Қазақстан Республикасы

Денсаулық сақтау министрінің

міндетін атқарушының

2017 жылғы 28 сәуірдегі

№ 217 бұйрығына

2-қосымша

ҚР Денсаулық сақтау министрінің 2020 жылғы 17 сәуірдегі № ҚР ДСМ-39/2020 бұйрығымен күші жойылды

«Эпидемиялық маңыздылығы жоғары объектінің халықтың санитариялық-эпидемиологиялық

саламаттылығы саласындағы нормативтік құқықтық актілерге және гигиеналық нормативтерге

сәйкестігі (сәйкес еместігі) туралы санитариялық-эпидемиологиялық қорытынды беру»

мемлекеттік көрсетілетін қызмет стандарты

(2018.23.10. берілген өзгерістер мен толықтырулармен)

1-тарау. Жалпы ережелер

1. «Эпидемиялық маңыздылығы жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге және гигиеналық нормативтерге сәйкестігі (сәйкес еместігі) туралы санитариялық-эпидемиологиялық қорытынды беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Денсаулық сақтау министрлігі (бұдан әрі - Министрлік) әзірледі.

ҚР Денсаулық сақтау министрінің 2018.23.10. № ҚР ДСМ-28 бұйрығымен 3-тармақ жаңа редакцияда (бұр.ред.қара)

3. Мемлекеттік қызметті Министрліктің Қоғамдық денсаулық сақтау комитеті және оның аумақтық бөлімшелері (бұдан әрі - көрсетілетін қызметті беруші) көрсетеді.

Құжаттарды қабылдау және мемлекеттік қызмет көрсету нәтижесін беру «электрондық үкімет» www.egov.kz веб-порталы (бұдан әрі - портал) арқылы жүзеге асырылады.

2-тарау. Мемлекеттік қызметті көрсету тәртібі

ҚР Денсаулық сақтау министрінің 2018.23.10. № ҚР ДСМ-28 бұйрығымен 4-тармақ жаңа редакцияда (бұр.ред.қара)

4. Мемлекеттік қызметті көрсету мерзімі құжаттар топтамасын портал арқылы тапсырған сәттен бастап - 10 (он) жұмыс күні.

ҚР Денсаулық сақтау министрінің 2018.23.10. № ҚР ДСМ-28 бұйрығымен 5-тармақ жаңа редакцияда (бұр.ред.қара)

5. Мемлекеттік қызметті көрсету нысаны: электрондық (ішінара автоматтандырылған).