(БҰРЫНҒЫ РЕДАКЦИЯ) МҮМКІНДІКТЕРІ ШЕКТЕУЛІ ЖЕТІМ ЖӘНЕ АТА-АНАСЫНЫҢ ҚАМҚО...

Осы редакция 2018 жылғы 11 қаңтарда енгізілген өзгерістеріне дейін қолданылды

Қазақстан Республикасы

Білім және ғылым министрінің

2013 жылғы 18 маусымдағы

№ 229 бұйрығына

2-қосымша

Мүмкіндіктері шектеулі жетім және ата-анасының қамқорлығынсыз қалған балаларға арналған балалар үйлерінің
үлгілік қағидалары


1. Негізгі ережелер

1. Осы Мүмкіндіктері шектеулі жетім және ата-анасының қамқорлығынсыз қалған балаларға арналған балалар үйлерінің үлгілік қағидалары (бұдан әрі - Қағида) Қазақстан Республикасының Конституциясына, «Неке (ерлі-зайыптылық) және отбасы туралы» Қазақстан Республикасының Кодексіне, «Білім туралы», «Қазақстан Республикасындағы баланың құқықтары туралы», «Арнайы әлеуметтік қызмет көрсету туралы», «Кемтар балаларды әлеуметтік және медициналық-педагогикалық түзеу арқылы қолдау туралы» Қазақстан Республикасының Заңдарына, «Тиісті үлгідегі білім беру ұйымдары қызметінің үлгілік қағидаларын, оның ішінде балаларға арналған қосымша білім беру бағдарламаларын іске асыратын білім беру ұйымдары қызметінің үлгілік қағидаларын бекіту туралы» Қазақстан Республикасы Үкіметінің 2013 жылғы 17 мамырдағы № 499 қаулысына (бұдан әрі - Үлгілік қағида) сәйкес әзірленді және мүмкіндіктері шектеулі жетім және ата-анасының қамқорлығынсыз қалған балаларға арналған балалар үйлері қызметінің (бұдан әрі - балалар үйі) тәртібін белгілейді.

2. Балалар үйі заңды тұлға болып табылады, оның оқшауланған мүлкі, өз атауы жазылған мөрі мен мөртаңбалары, белгіленген үлгідегі бланкілері, сондай-ақ банкте шоты болады және тәрбие бағдарламасын тәрбиеленушілердің психикалық-физиологиялық ерекшеліктеріне, жетім балалар мен ата-анасының қамқорлығынсыз қалған балалардың денсаулығын сақтау, құқықтары мен мүдделерін қорғау талаптарына сәйкес дербес әзірлейді.