(БҰРЫНҒЫ РЕДАКЦИЯ) «МҮГЕДЕКТЕРГЕ БЕРІЛЕТІН ТЕХНИКАЛЫҚ КӨМЕКШІ (ОРНЫН ТО...

Мүгедектерге берілетін техникалық көмекші (орнын толтырушы) құралдар мен арнаулы жүріп-тұру құралдарының тізбесін бекіту туралы
Қазақстан Республикасы Үкіметінің 2005 жылғы 20 шілдедегі № 754 Қаулысы

(2015.25.04. берілген өзгерістер мен толықтыруларымен)

Осы редакция 2016 жылғы 23 желтоқсанда енгізілген өзгерістеріне дейін қолданылды

ҚР Үкіметінің 2015.25.04. № 297 Қаулысымен тақырыбы жаңа редакцияда (бұр.ред.қара)

«Қазақстан Республикасында мүгедектердi әлеуметтiк қорғау туралы» Қазақстан Республикасының 2005 жылғы 13 сәуірдегі Заңына сәйкес Қазақстан Республикасының Үкiметі ҚАУЛЫ ЕТЕДI:

1. Қоса беріліп отырған:

1) - 3) ҚР Үкіметінің 2015.25.04. № 297 Қаулысымен алып тасталды (бұр.ред.қара)

4) Мүгедектерге берілетін техникалық көмекшi (орнын толтырушы) құралдар мен арнаулы жүрiп-тұру құралдарының тiзбесi бекiтілсiн.

2. Осы қаулы ресми жарияланған күнiнен бастап қолданысқа енгiзіледi.

Мүгедектердi протездік-ортопедиялық көмекпен және техникалық көмекшi (орнын толтырушы) құралдармен қамтамасыз ету ережесi. ҚР Үкіметінің 2015.25.04. № 297 Қаулысымен күші жойылды (бұр.ред.қара)

ҚР Үкіметінің 2015.25.04. № 297 Қаулысымен тізбе өзгертілді (бұр.ред.қара)

Қазақстан Республикасы

Үкіметiнiң

2005 жылғы 20 шiлдедегі

№ 754 қаулысымен

бекiтілген

Мүгедектерге берiлетiн техникалық көмекшi (орнын толтырушы) құралдар мен арнаулы

жүрiп-тұру құралдарының

тiзбесi

1. Протездiк-ортопедиялық құралдар:

1) қол протездерi (иық протездерi, білек протездерi, қол-саусақ протездерi);

2) жілiншiк протездерi;

3) жамбас протездерi;

4) кеуде бездерінiң протездерi;

5) аппараттар, туторлар, ортездер;

6) балдақтар, таяқтар, жетек арбалар;

7) корсеттер, реклинаторлар, басұстағыштар;

8) бандаждар, емдiк белбеулер, балалардың алдын алу шалбаршалары;

9) ортопедиялық аяқ-киім және қосымша тетiктер (кебiстер, супинаторлар);

10) аппараттарға арналған аяқ-киім.

2. Сурдотехникалық құралдар:

1) есту аппараттары;

2) бейнекомпьютерлер;

3) көп функционалды дабылды жүйелер;

4) телефакстер;

5) мәтiндiк хабарламасы және хабарды қабылдау қызметi бар ұялы телефондар;

6) саңырау және нашар еститiн адамдарға арналған сағаттар;

7) кохлеарлық импланттарға сөйлеу процессорлары.

3. Тифлотехникалық құралдар:

1) таяқтар;

2) тифломагнитолалар;

3) оқу машиналары;

4) компьютерлiк тифлокешендер;

5) Брайл жүйесi бойынша жазу құралы;

6) Брайл жүйесi бойынша жазу грифелi;

7) рельефтi-ноқатты қарiппен жазуға арналған қағаз;

8) диктофондар;

9) дыбыс жазбасын шығаруға арналған плейерлер;

10) нашар көретiн адамдарға арналған сағаттар.

4. Арнаулы жүрiп-тұру құралдары:

1) бөлмелiк кресло-арбалар;

2) серуен кресло-арбалары.

5. Міндетті гигиеналық құралдар:

1) несеп қабылдағыштар;

2) нәжіс қабылдағыштар;

ҚР Үкіметінің 2008.19.02. № 160 қаулысымен 3) тармақша жаңа редакцияда (2008 жылғы 1 қаңтардан бастап қолданысқа енгізілді) (бұр.ред.қара)

3) жөргектер.