|
Қазақстан Республикасының патент заңы Қазақстан Республикасының 1999 ж. 16 шілдедегі № 427-I Заңы (2019.21.01. берілген өзгерістер мен толықтырулармен)
Осы редакция 2019 жылғы 28 қазанда енгізілген өзгерістеріне дейін қолданылды
1-бап. Осы Заңда пайдаланылатын негізгі ұғымдар 2-бап. Патент заңы реттейтiн қатынастар 3-бап. Осы Заңның қолданылу аясы 5-бап. Өнеркәсіптік меншік объектілерін құқықтық қорғау 2-тарау. Өнеркәсіптік меншік объектілерінің патентке қабілеттілігінің талаптары 6-бап. Өнертабыстың патентке қабiлеттiлiгiнiң талаптары 7-бап. Пайдалы модельдiң патентке қабiлеттiлiк талаптары 8-бап. Өнеркәсiптiк үлгiнiң патентке қабiлеттілiк талаптары 3-тарау. Авторлар мен патент иеленушілер 9-бап. Өнеркәсiптiк меншiк объектiсiнiң авторы 4-тарау. Өнеркәсіптік меншік объектісін пайдалануға ерекше құқық 11-1-бап. Өнеркәсіптік меншік объектісіне айрықша құқық беру 12-бап. Патент иеленушiнiң ерекше құқығын бұзушылық болып танылмайтын әрекеттер 13-бап. Бұрын пайдалану құқығы және уақытша құқықтық қорғау 14-бап. Өнеркәсiптiк меншік объектiсiн пайдалануға құқықты табыстау 15-бап. Патент иеленушiнiң ерекше құқығын бұзу 5-тарау. Қорғау құжатын алу тәртібі 16-бап. Қорғау құжатын беруге өтiнiм жасау 17-бап. Өнертабысқа қорғау құжатын беруге өтінiм 18-бап. Пайдалы модельге патент беруге өтiнiм 19-бап. Өнеркәсiптік үлгiге патент беруге өтiнiм 20-бап. Өнеркәсiптiк меншiк объектiсiнiң басымдығы 21-бап. Өтiнiм берушiнiң бастамасы бойынша өтiнiм құжаттарын түзету 22-бап. Өнертабысқа патент беруге өтінімге жасалатын сараптама 23-бап. Пайдалы модельге патент беруге арналған өтiнiмге сараптама 24-бап. Өнеркәсiптiк үлгiге берiлетiн өтiнiмге сараптама 25-бап. Өнеркәсiптiк меншiк объектiсiн тiркеу және қорғау құжатын беру 26-бап. Қорғау құжаттарын беру туралы мәлiметтердi жариялау 28-бап. Өтiнiмдердi қайта өзгерту 6-тарау. Қорғау құжатының қолданылуын тоқтату және қалпына келтіру 29-бап. Қорғау құжатына дау айту 30-бап. Қорғау құжатының күшi жоқ деп танылуы және оның қолданылуын мерзiмiнен бұрын тоқтату 31-бап. Патенттің қолданылуын қалпына келтіру. Соңынан пайдалану құқығы 7-тарау. Авторлардың, өтініш берушілердің және патент иеленушілердің құқықтарын қорғау 32-1-бап. Қарсылықты апелляциялық кеңесте қараудан бас тарту негіздері 32-3-бап. Апелляциялық кеңестiң шешiмiндегі қате жазуларды және айқын техникалық қателерді түзету 32-4-бап. Қарсылықты қараусыз қалдыру 33-бап. Дауларды сот тәртiбiмен қарау 36-бап. Патенттiк сенiм бiлдiрiлген өкiлдер 36-1-бап. Патенттік сенiм білдірілген өкілдің құқықтары мен міндеттері 37-бап. Өнеркәсiптiк меншiк объектiлерiн халықаралық тіркеу 38-бап. Шет елдік жеке және заңды тұлғалар мен азаматтығы жоқ адамдардың құқықтары
2007.02.03. № 237-III ҚР Заңымен 1-бап жаңа редакцияда (бұр. ред. қара) 1-бап. Осы Заңда пайдаланылатын негізгі ұғымдар Осы Заңда мынадай негізгі ұғымдар пайдаланылады: 1) айрықша құқық - өнеркәсіптік меншік объектісін өз қалауы бойынша кез келген әдіспен пайдалануға патент иеленушінің мүліктік құқығы; 2) бюллетень - өнеркәсіптік меншік объектілерін қорғау мәселелері жөніндегі ресми мерзімдік басылым; 2012.10.07. № 34-V ҚР Заңымен 2-1) тармақшамен толықтырылды 2-1) еуразиялық өтінім - 1994 жылғы 9 қыркүйектегі Еуразиялық патент конвенциясына сәйкес берілген өтінім; 2015.07.04. № 300-V ҚР Заңымен 2-2) тармақшамен толықтырылды 2-2) еуразиялық патент - 1994 жылғы 9 қыркүйектегі Еуразиялық патент конвенциясына сәйкес берілген патент; 3) зияткерлік меншік объектілері - зияткерлік қызмет нәтижелері және азаматтық айналымға қатысушыларды, тауарларды, жұмыстарды және қызмет көрсетулерді дараландыру құралдары; 2015.07.04. № 300-V ҚР Заңымен 4) тармақша жаңа редакцияда (бұр.ред.қара) 4) қорғау құжаттары - өнертабыстарға, өнеркәсiптiк үлгiлерге және пайдалы модельдерге осы Заңға сәйкес берiлген патенттер; 5) 2015.07.04. № 300-V ҚР Заңымен алып тасталды (бұр.ред.қара) 6) лицензиялық шарт - патент иеленуші (лицензиар) басқа тарапқа (лицензиатқа) өнеркәсіптік меншік объектісін белгілі бір түрде уақытша пайдалану құқығын беру шарты; 7) өнеркәсіптік меншік объектілері - өнертабыстар, пайдалы модельдер және өнеркәсіптік үлгілер; 2015.07.04. № 300-V ҚР Заңымен 7-1) тармақшамен толықтырылды 7-1) өнеркәсіптік меншіктің қызметтік объектілері - қызметкер өзінің қызметтiк мiндеттерiн немесе жұмыс берушiнiң нақты тапсырмасын орындау кезiнде жасаған өнертабыстар, пайдалы модельдер, өнеркәсіптік үлгілер; 8) Париж конвенциясы - кейінгі өзгерістерімен және толықтыруларымен бірге 1883 жылғы 20 наурыздағы өнеркәсіптік меншікті қорғау жөніндегі Париж конвенциясы; 9) патент иеленуші - қорғау құжатының иесі; 10) патентке қабілеттілік шарттары - өнеркәсіптік меншік объектілеріне құқықтық қорғауды берудің осы Заңда көзделген шарттары; 11) патенттелген өнеркәсіптік меншік объектілері - қорғау құжаттары берілген өнеркәсіптік меншік объектілері; 12) патенттік сенім білдірілген өкілдер - жеке және заңды тұлғалардың уәкілетті орган мен сараптама жасау ұйымы алдындағы өкілдігіне Қазақстан Республикасының заңнамасына сәйкес құқық берілген Қазақстан Республикасының азаматтары; 2012.10.07. № 34-V ҚР Заңымен 13) тармақшамен толықтырылды 13) халықаралық өтінім - 1970 жылғы 19 маусымдағы Патенттік кооперация туралы шартқа сәйкес берілген өтінім.
2-бап. Патент заңы реттейтiн қатынастар 1. Осы Заңмен өнеркәсiптiк меншiк объектiлерiн жасауға, құқықтық қорғау мен пайдалануға байланысты мүлiктiк, сондай-ақ оларға байланысты жеке мүлiктiк емес қатынастар реттеледi. 2. Интеллектуалдық меншiктiң өзге объектiлерiн (селекциялық жетiстiктер, интегралдық микротәсiм топологиялары, тауар таңбалары, қызмет көрсету таңбалары, тауар шығарылатын жерлердiң атаулары және басқалар) қорғау өзге заң актілерімен реттеледi. 3-бап. Осы Заңның қолданылу аясы 09.07.04 ж. № 586-II ҚР Заңымен 1-тармақ өзгертілді (бұр. ред. қара) 1. Осы Заңның ережелерi қорғау құжаттарын уәкiлеттi орган берген өнеркәсiптiк меншiк объектiлерiне, сондай-ақ Қазақстан Республикасы қатысатын халықаралық шарттар негiзiнде патенттер берiлген өнеркәсiптiк меншiк объектiлерiне қолданылады. 2. Егер Қазақстан Республикасы бекiткен халықаралық шартта осы Заңдағыдан өзгеше ережелер белгіленсе, халықаралық шарттың ережелерi қолданылады. 09.07.04 ж. № 586-II ҚР Заңымен 4-бап жаңа редакцияда (бұр. ред. қара); 2011.05.07. № 452-IV ҚР Заңымен 4-бап өзгертілді (алғашқы ресми жарияланғанынан кейін үш ай өткен соң қолданысқа енгізілді) (бұр.ред.қара) 4-бап. Өнертабыстарды, пайдалы модельдердi және өнеркәсiптiк үлгiлердi қорғау саласындағы уәкiлеттi мемлекеттік орган 1. Өнертабыстарды, пайдалы модельдердi және өнеркәсiптiк үлгiлердi қорғау саласындағы уәкiлеттi мемлекеттік орган (бұдан әрi уәкiлеттi орган) - Қазақстан Республикасының Үкіметi айқындайтын және өнертабыстарды, пайдалы модельдердi, өнеркәсiптiк үлгілердi қopғay саласындағы мемлекеттік реттеудi жүзеге асыратын мемлекеттік орган. 2018.20.06. № 161-VI ҚР Заңымен 2-тармақ жаңа редакцияда (бұр. ред. қара) 2. Уәкілетті органның құзыретіне мыналар жатады: 1) өнеркәсіптік меншік объектілерін құқықтық қорғау саласындағы мемлекеттік саясатты іске асыруға қатысу; өнеркәсіптік меншік объектілеріне арналған өтінімдерге сараптама жүргізу қағидаларын; өнеркәсіптік меншік объектілерін Өнертабыстардың мемлекеттік тізілімінде, Пайдалы модельдердің мемлекеттік тізілімінде, Өнеркәсіптік үлгілердің мемлекеттік тізілімінде тіркеу және қорғау құжаттары мен олардың телнұсқаларын беру, патенттерді жарамсыз деп тану және олардың қолданысын мерзімінен бұрын тоқтату қағидаларын; өнеркәсіптік меншік объектісіне айрықша құқық беруді, оны пайдалануға, ашық немесе мәжбүрлі лицензияға құқықты табыстауды тиісті мемлекеттік тізілімдерде тіркеу қағидаларын; тиісті мемлекеттік тізілімдерден үзінді көшірмелер беру қағидаларын; апелляциялық кеңестің қарсылықтарды қарау қағидаларын; Қазақстан Республикасы ратификациялаған халықаралық шарттарға сәйкес өнеркәсіптік меншік объектілеріне арналған өтінімдерді қарау қағидаларын; аттестаттау комиссиясы туралы ережені; апелляциялық кеңес туралы ережені; апелляциялық комиссия туралы ережені әзірлеу және бекіту; 3) өнеркәсіптік меншік объектілерін тіркеуге жататын мәліметтерді бюллетеньде жариялау тәртібін айқындау; 4) патенттік сенім білдірілген өкілдерге кандидаттарды аттестаттаудан өткізу және оларды патенттік сенім білдірілген өкілдердің тізілімінде тіркеу; 5) аттестаттау комиссиясының, апелляциялық кеңестің және апелляциялық комиссияның қызметін ұйымдастыру; 6) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асыру.
09.07.04 ж. № 586-II ҚР Заңымен 4-1-баппен толықтырылды; 2012.12.01. № 537-ІV ҚР Заңымен 4-1-бап өзгертілді (бұр.ред.қара); 2012.10.07. № 34-V ҚР Заңымен 4-1-бап жаңа редакцияда (бұр. ред. қара); 2014.29.09. № 239-V ҚР Заңымен 4-1-бап өзгертілді (бұр.ред.қара); 2018.20.06. № 161-VI ҚР Заңымен 4-1-бап жаңа редакцияда (бұр. ред. қара) 4-1-бап. Сараптама ұйымы 1. Қазақстан Республикасы Үкіметінің шешімі бойынша шаруашылық жүргізу құқығындағы республикалық мемлекеттік кәсіпорынның ұйымдық-құқықтық нысанында құрылған, өз қызметінде уәкілетті органға ведомстволық бағынысты сараптама ұйымы: 1) өнеркәсіптік меншік объектілеріне арналған өтінімдерге сараптама жүргізеді; 2) өнеркәсіптік меншік объектілерін тиісті мемлекеттiк тiзiлiмдерде тіркейді және қорғау құжаттары мен олардың телнұсқаларын береді, патенттерді жарамсыз деп таниды және олардың қолданысын мерзімінен бұрын тоқтатады; 3) өнеркәсіптік меншік объектісіне айрықша құқық беруді, оны пайдалануға, ашық немесе мәжбүрлі лицензияға құқықты табыстауды тиісті мемлекеттiк тiзiлiмдерде тіркейді; 4) тиісті мемлекеттiк тiзiлiмдердi, бюллетеньді жүргізеді және оларды өзінің интернет-ресурсына орналастырады; 5) тиісті мемлекеттiк тiзiлiмдерден үзінді көшірмелер береді; 6) өнеркәсіптік меншік объектілерін тіркеуге жататын мәліметті бюллетеньде жариялайды; 7) тіркелген өнеркәсіптік меншік объектілері туралы мәліметтерді мүдделі тұлғалардың өтініштері негізінде іздеуді жүзеге асырады; 8) Қазақстан Республикасы ратификациялаған халықаралық шарттарға сәйкес өнеркәсіптік меншік объектілеріне арналған өтінімдерді қарайды; 9) Қазақстан Республикасының заңнамасында тыйым салынбаған өзге де қызмет түрлерін жүзеге асырады. 2. Уәкілетті органмен келісу бойынша сараптама ұйымы өнеркәсіптік меншік объектілерін қорғау саласында қызметтер көрсеткені үшін осы ұйым шеккен шығындарды толық өтеу, оның қызметінің шығынсыздығы және өз кірістері есебінен қаржыландыру қамтамасыз етілген жағдайда, көрсетілетін қызметтердің бағаларын бекітеді.
5-бап. Өнеркәсіптік меншік объектілерін құқықтық қорғау 2007.02.03. № 237-III ҚР Заңымен (бұр. ред. қара); 2015.07.04. № 300-V ҚР Заңымен (бұр.ред.қара) 1-тармақ жаңа редакцияда 1. Өнертабысқа, пайдалы модельге және өнеркәсiптiк үлгiге құқықтар патентпен қорғалады. 2007.02.03. № 237-III ҚР Заңымен 2-тармақ жаңа редакцияда (бұр. ред. қара); 2015.07.04. № 300-V ҚР Заңымен 2-тармақ өзгертілді (бұр.ред.қара) 2. Пайдалы модельге патент пайдалы модельге патент беруге өтінімге жүргізілген сараптаманың нәтижесі бойынша беріледі. Өнертабысқа және өнеркәсіптік үлгіге патент өтінімге ресми сараптама және мәні бойынша сараптама жүргізілгеннен кейін беріледі. Патент өнеркәсіптік меншік объектісіне басымдықты, авторлықты және айрықша құқықты куәландырады. 09.07.04 ж. № 586-II ҚР Заңымен (бұр. ред. қара); 2007.02.03. № 237-III ҚР Заңымен (бұр. ред. қара); 2012.12.01. № 537-ІV ҚР Заңымен (бұр.ред.қара) 3-тармақ өзгертілді; 2015.07.04. № 300-V ҚР Заңымен 3-тармақ жаңа редакцияда (бұр.ред.қара); 2018.20.06. № 161-VI ҚР Заңымен 3-тармақ өзгертілді (бұр. ред. қара) 3. Өнертабысқа патент өтiнiм берiлген күннен бастап жиырма жыл бойы қолданылады. Қолданылуы үшін Қазақстан Республикасының рұқсаттар және хабарламалар туралы заңнамасында белгіленген тәртіппен рұқсаттар алу талап етілетін дәрілік затқа, пестицидке (улы химикатқа) жататын өнертабысқа қатысты айрықша құқықтың және осы құқықты куәландыратын патенттің қолданылу мерзімі патент иеленушiнiң өтiнiшхаты бойынша, бiрақ бес жылдан аспайтындай етіп ұзартылуы мүмкiн. Көрсетілген мерзім бес жыл шегеріле отырып, өнертабысқа патент беруге өтінім берілген күннен бастап өнертабысты қолдануға алғаш рұқсат алынған күнге дейінгі өткен уақытқа ұзартылады. Пайдалы модельге патент өтінiм берiлген күннен бастап бес жыл бойы қолданылады. Оның қолданылу мерзiмi патент иеленушiнiң өтiнiшхаты бойынша, бірақ үш жылдан аспайтындай етіп ұзартылуы мүмкiн. Өнеркәсiптiк үлгiге патент өтiнiм берiлген күннен бастап он бес жыл бойы қолданылады. Оның қолданылу мерзiмi патент иеленушiнiң өтiнiшхаты бойынша, бірақ бес жылдан аспайтындай етіп ұзартылуы мүмкiн. 09.07.04 ж. № 586-II ҚР Заңымен (бұр. ред. қара); 2007.02.03. № 237-III ҚР Заңымен (бұр. ред. қара); 2018.20.06. № 161-VI ҚР Заңымен (бұр. ред. қара) 4-тармақ өзгертілді 4. Өнертабыс пен пайдалы модельге патентпен берiлетiн құқықтық қорғау көлемi - олардың формуласымен, ал өнеркәсiптiк үлгiге патентпен берiлетiн құқықтық қорғау көлемi бұйымның сыртқы түрінің кескiндерiнде көрсетілген оның елеулi белгiлерiнiң жиынтығымен айқындалады. Өнертабыстың, пайдалы модельдің формуласына түсiнiк беру үшiн сипаттама мен сызбалар пайдаланылуы мүмкiн. Өнiмдер алу әдiсiне берiлген қорғау құжатының күшi тiкелей осы әдiспен алынған өнiмге де қолданылады. Егер өзгеше дәлелденбесе, бұл орайда жаңа өнiм қорғау әдiсiмен алынған болып есептеледi. 5. Қорғау құжатын алу құқығы, өтiнiмдi тiркеуден туындайтын құқықтар, қорғау құжатын иелену құқығы және қорғау құжатынан туындайтын құқықтар тұтас немесе iшiнара басқа адамға берiлуi мүмкiн. 2012.12.01. № 537-ІV ҚР Заңымен 6-тармақ өзгертілді (бұр.ред.қара); 2014.29.09. № 239-V ҚР Заңымен 6-тармақ жаңа редакцияда (бұр.ред.қара) 6. Мемлекет құпия деп таныған өнеркәсiптiк меншiк объектiлерiне осы Заңға сәйкес құқықтық қорғау берiлмейдi. Өнеркәсiптiк меншiктiң құпия объектiлерiн пайдалану тәртiбiн уәкілетті орган айқындайды.
2-тарау. Өнеркәсіптік меншік объектілерінің патентке қабілеттілігінің талаптары
6-бап. Өнертабыстың патентке қабiлеттілігiнiң талаптары 2012.12.01. № 537-ІV ҚР Заңымен 1-тармақ өзгертілді (бұр.ред.қара) 1. Егер жаңа, өнертабыстық деңгейге жеткен әрi өнеркәсiпте қолдануға жарамды болса, өнертабысқа құқықтық қорғау берiлудi. Егер ол техника деңгейi туралы мәлiметтерде белгiсiз болса, өнертабыс жаңа болып табылады. Егер маман үшiн ол техника деңгейi туралы мәлiметтерден айқын кездеспейтiн болса, өнертабыс өнертабыстық деңгейде болады. Техника деңгейi туралы мәлiметтер өнертабыс басымдық алған күнге дейiн дүние жүзiнде жалпы жұртқа мәлiм болған кез келген мәлiметтердi қамтиды. Өнертабыстың жаңалығын анықтаған кезде техникалық деңгейi туралы мәлiметтерге бұрынырақтағы басымдықтары болған жағдайларда өнертабыстар мен пайдалы модельдерге (қайтып алынғандардан басқасы) Қазақстан Республикасында берiлген өтiнiмдер және Қазақстан Республикасында патенттелген өнертабыстар мен пайдалы модельдер кiредi. Егер өнеркәсiпте, ауыл шаруашылығында, денсаулық сақтауда және қызметтiң басқа да салаларында пайдалануға болса, өнертабыс өнеркәсiпте қолдануға жарамды деп табылады. 2007.02.03. № 237-III ҚР Заңымен 2-тармақ жаңа редакцияда (бұр. ред. қара) 2. Өнімге (құрылғыға, затқа, микроорганизмнің штаммына, өсімдіктер немесе хайуанаттар клеткаларының көбеюіне), әдіске (материалдық объектімен іс-әрекетті материалдық құралдардың көмегімен жүзеге асыру процесіне), сондай-ақ белгілі өнімді немесе әдісті жаңа мақсатта немесе жаңа өнімді белгілі бір мақсатта қолдануға жататын кез келген саладағы техникалық шешімдер өнертабыс ретінде қорғалады. 1) жаңалықтар, ғылыми теориялар және математикалық әдiстер; 2) шаруашылықты ұйымдастыру және басқару әдiстерi; 3) шартты белгiлер, кестелер, ережелер; 2007.02.03. № 237-III ҚР Заңымен 4) тармақша өзгертілді (бұр. ред. қара) 4) ақыл-ой операцияларын орындау, ойындарды жүргізу ережелерi мен әдiстерi; 5) есептегiш машиналарға арналған бағдарламалар мен алгоритмдердiң өзi; 6) ғимараттар, үйлер, аумақтар жоспарларының жобалары мен тәсiлдерi; 7) бұйымдардың тек сыртқы түрiне қатысты ұсыныстар; 2012.12.01. № 537-ІV ҚР Заңымен 8) тармақ жаңа редакцияда (бұр.ред.қара) 8) қоғамдық тәртіпке, iзгiлiк пен мораль қағидаттарына қайшы келетiн ұсыныстар өнертабыстар деп танылмайды. 4. Париж конвенциясына қатысушы мемлекет аумағында ұйымдастырылған, ресми немесе ресми деп танылған халықаралық көрмеде өнертабыстың экспонат ретiнде көрсетiлуiн қоса алғанда, өнертабысқа қатысты ақпаратты арыз берушiнiң (автордың) немесе одан бұл ақпаратты тікелей немесе жанама түрде алған кез келген адамның көпшiлiкке жария етуi, өнертабысқа өтiнiм ол ашылған немесе көрмеге қойылған күннен бастап алты айдан кешiктiрмей берiлген болса өнертабыстың патентке қабiлеттілігiне әсер ететiн мән-жай деп танылмайды. Бұл орайда осы фактiнi дәлелдеу мiндетi арыз берушiге жүктеледi. 7-бап. Пайдалы модельдiң патентке қабiлеттілік талаптары 2015.07.04. № 300-V ҚР Заңымен 1-тармақ өзгертілді (бұр.ред.қара) 1. Адамдарды немесе жануарларды емдеудің диагностикалық, терапиялық және хирургиялық тәсілдерін қоспағанда, өнімге (құрылғыға, затқа, микроорганизмнің штаммына, өсімдіктер немесе жануарлар жасушаларының көбеюіне), тәсілге (материалдық объектіге қатысты әрекеттерді материалдық құралдардың көмегімен жүзеге асыру процесіне), сондай-ақ белгілі өнімді немесе тәсілді жаңа мақсат бойынша не жаңа өнімді белгілі бір мақсат бойынша қолдануға жататын, кез келген саладағы техникалық шешімдер пайдалы модельге жатады. Егер жаңа және өнеркәсiпте қолдануға болса, пайдалы модельге құқықтық қорғау берiледi. Егер елеулi белгiлерiнiң жиынтығы техника деңгейi туралы мәлiметтерден белгiсiз болса, пайдалы модель жаңа болып табылады. Техника деңгейi туралы мәлiметтер пайдалы модельге басымдық берiлген күнге дейiн жұртқа мәлiм болған, арыз берiлiп отырған пайдалы модель мақсаттас құралдар туралы дүние жүзiнде жарияланған мәлiметтердi, олардың Қазақстан Республикасында қолданылуы, сондай-ақ олардың неғұрлым бұрынырақта басымдығы болған жағдайларда Қазақстан Республикасында пайдалы модельдерге және өнертабыстарға (қайтарып алынғаннан басқа) берілген өтiнiмдер және Қазақстан Республикасында патенттелген пайдалы модельдер мен осы бағыттағы өнертабыстар туралы мәлiметтердi қамтиды. Егер iс жүзiнде пайдалануға жарайтын болса, пайдалы модель өнеркәсiпте қолдануға жарамды болып табылады. 2. Париж конвенциясына қатысушы мемлекет аумағында ұйымдастырылған, ресми немесе ресми деп танылған халықаралық көрмеде пайдалы модельдiң экспонат ретiнде көрсетiлуiн қоса алғанда, пайдалы модельге қатысты ақпаратты арыз берушiнiң (автордың) немесе одан бұл ақпаратты тiкелей немесе жанама түрде алған кез келген адамның көпшiлiкке жария етуi пайдалы модельге өтiнiм ақпарат жария болған күннен бастап алты айдан кешiктiрмей берiлген болса пайдалы модельдiң жаңалығына әсер ететiн мән-жай деп танылмайды. Бұл орайда осы фактінi дәлелдеу мiндетi арыз берушiге жүктеледi. 3. Осы Заңның 6-бабының 3-тармағында аталған объектiлерге қатысты шешiмдер пайдалы модельдер ретiнде қорғалмайды. 8-бап. Өнеркәсiптiк үлгiнiң патентке қабiлеттілiк талаптары 2012.12.01. № 537-ІV ҚР Заңымен (бұр.ред.қара); 2015.07.04. № 300-V ҚР Заңымен (бұр.ред.қара) 1-тармақ жаңа редакцияда; 2018.20.06. № 161-VI ҚР Заңымен 1-тармақ өзгертілді (бұр. ред. қара) 1. Бұйымның сыртқы түрiн айқындайтын өнеркәсіптік немесе қолөнер кәсібі өндірісі бұйымының көркем-конструкторлық шешiмі өнеркәсiптiк үлгiге жатады. Өнеркәсiптiк үлгiге, егер ол жаңа, бiрегей болып табылса, құқықтық қорғау берiледi. Өнеркәсiптiк үлгi, егер бұйымның бейнелерінде көрініс тапқан оның маңызды белгілерінің жиынтығы өнеркәсіптік үлгіге басымдық берілген күнге дейін әлемде жалпы жұртқа қолжетімді болған мәліметтерден белгілі болмаса, жаңа болып табылады. Өнеркәсіптік үлгінің жаңалығын белгілеу кезінде Қазақстан Республикасында басқа тұлғалар бірдей өнеркәсіптік үлгілерге бұрын берген, кері қайтарып алынбаған өтінімдер, сондай-ақ Қазақстан Республикасында патенттелген өнеркәсіптік үлгілер (оларға басымдық берілген күннен бастап) ескеріледі. Өнеркәсіптік үлгі, егер оның маңызды белгілері бұйым ерекшеліктерінің шығармашылық сипатын айқындаса, бірегей деп танылады. 1) бұйымдардың тек қана техникалық мiндеттерiне негiзделсе; 2) сәулет объектiлерiнiң (шағын сәулет нысандарын қоспағанда), өнеркәсiптiк, гидротехникалық және басқа да тұрақты ғимараттардың; 3) 2012.12.01. № 537-ІV ҚР Заңымен алып тасталды (бұр.ред.қара) 4) сұйық, газ түріндегі, сусыма немесе сол сияқты заттардан тұратын тұрақсыз нысандағы объектілердiң; 5) қоғамдық мүдделерге, адамгершiлiк пен мораль принциптерiне қайшы келетiн бұйымдардың шешiмдерi өнеркәсiптiк үлгiлер болып танылмайды. Париж конвенциясына қатысушы мемлекеттер аумағында ұйымдастырылған, ресми немесе ресми деп танылған халықаралық көрмеде өнеркәсiптiк үлгiнiң экспонат ретiнде көрсетiлуiн қоса алғанда, өнеркәсiптiк үлгiге қатысты ақпаратты арыз берушiнiң (автордың) немесе осы ақпаратты алған кез келген адамның көпшiлiкке жария етуi өнеркәсiптiк үлгiге өтiнiм ол ашылған немесе көрмеге қойылған күннен бастап алты айдан кешiктiрмей берiлген болса, өнеркәсiптiк үлгiнiң патентке қабiлеттілігiне әсер ететiн мән-жай деп танылмайды. Бұл орайда осы фактiнi дәлелдеу мiндетi арыз берушiге жүктеледi.
3-тарау. Авторлар мен патент иеленушілер 9-бап. Өнеркәсiптiк меншiк объектiсiнiң авторы 1. Өнеркәсiптiк меншiк объектiсiн шығармашылық еңбегiмен жасаған жеке адам оның авторы деп танылады. 2. Егер өнеркәсiптiк меншiк объектiсiн жасауға бiрнеше жеке адам қатысса, олардың бәрi оның авторы (қосалқы авторы) болып есептеледi. Қосалқы авторлардың тиесiлi құқықтарды пайдалану тәртібі олардың арасындағы келісіммен белгiленедi. Өнеркәсiптiк меншiк объектiсiн жасауға өзінің шығармашылық үлесін қоспаған, авторға тек техникалық, ұйымдық немесе материалдық көмек көрсеткен, не оған құқықты ресiмдеуге және оны пайдалануға ғана жәрдемдескен жеке адам автор деп танылмайды. 3. Авторлық құқық айыруға болмайтын жеке құқық болып табылады және мерзiмсiз қорғалады. 4. 2015.07.04. № 300-V ҚР Заңымен алып тасталды (бұр.ред.қара) 2012.12.01. № 537-ІV ҚР Заңымен 5-тармақпен толықтырылды; 2014.29.09. № 239-V ҚР Заңымен (бұр.ред.қара); 2018.20.06. № 161-VI ҚР Заңымен (бұр. ред. қара) 5-тармақ жаңа редакцияда 5. Қазақстан Республикасындағы өнертапқыштық қызметті насихаттау және ол туралы хабардар болуды арттыруды қолдау мақсатында уәкілетті орган ғылым, индустриялық-инновациялық қызметті мемлекеттік қолдау саласындағы уәкілетті органдармен және басқа да мүдделі органдармен бірлесіп, әлеуметтік және экономикалық маңызы бар, бәсекеге қабілетті, экологиялық қауіпсіз өнертабыстарды іріктеу бойынша жыл сайынғы «Шапағат» конкурсын өткізу, сондай-ақ неғұрлым маңызды және кеңінен пайдаланылатын өнертабыстардың авторлары үшін «Еңбек сіңірген өнертапқыш» атағын беру тәртібін әзірлейді және айқындайды. |
Содержание 1-тарау. Жалпы ережелер 1-бап. Осы Заңда пайдаланылатын негізгі ұғымдар2-бап. Патент заңы реттейтiн қатынастар3-бап. Осы Заңның қолданылу аясы4-бап. Өнертабыстарды, пайдалы модельдердi және өнеркәсiптiк үлгiлердi қорғау саласындағы уәкiлеттi мемлекеттiк орган4-1-бап. Өнертабыстарды, пайдалы модельдердi, өнеркәсiптiк үлгiлердi қорғау саласындағы мемлекеттiк монополия5-бап. Өнеркәсіптік меншік объектілерін құқықтық қорғау 2-тарау. Өнеркәсіптік меншік объектілерінің патентке қабілеттілігінің талаптары6-бап. Өнертабыстың патентке қабiлеттiлiгiнiң талаптары7-бап. Пайдалы модельдiң патентке қабiлеттiлiк талаптары8-бап. Өнеркәсiптiк үлгiнiң патентке қабiлеттілiк талаптары 3-тарау. Авторлар мен патент иеленушілер4-тарау. Өнеркәсіптік меншік объектісін пайдалануға ерекше құқық11-бап. Өнеркәсіптік меншік объектісін пайдалануға айрықша құқық және мәжбүрлі ерекше емес лицензияны беру шарттары11-1-бап. Өнеркәсіптік меншік объектісіне айрықша құқық беру12-бап. Патент иеленушiнiң ерекше құқығын бұзушылық болып танылмайтын әрекеттер13-бап. Бұрын пайдалану құқығы және уақытша құқықтық қорғау14-бап. Өнеркәсiптiк меншік объектiсiн пайдалануға құқықты табыстау14-1-бап. Өнеркәсіптік меншік объектісіне айрықша құқық беруді және оны пайдалануға құқықты табыстауды тіркеу шарттары14-2-бап. Ашық лицензия15-бап. Патент иеленушiнiң ерекше құқығын бұзу 5-тарау. Қорғау құжатын алу тәртібі16-бап. Қорғау құжатын беруге өтiнiм жасау17-бап. Өнертабысқа қорғау құжатын беруге өтінiм18-бап. Пайдалы модельге патент беруге өтiнiм19-бап. Өнеркәсiптік үлгiге патент беруге өтiнiм20-бап. Өнеркәсiптiк меншiк объектiсiнiң басымдығы21-бап. Өтiнiм берушiнiң бастамасы бойынша өтiнiм құжаттарын түзету22-бап. Өнертабысқа патент беруге өтінімге жасалатын сараптама22-1-бап. Алып тасталды23-бап. Пайдалы модельге патент беруге арналған өтiнiмге сараптама24-бап. Өнеркәсiптiк үлгiге берiлетiн өтiнiмге сараптама25-бап. Өнеркәсiптiк меншiк объектiсiн тiркеу және қорғау құжатын беру26-бап. Қорғау құжаттарын беру туралы мәлiметтердi жариялау27-бап. Өтiнiмдi қайтарып алу28-бап. Өтiнiмдердi қайта өзгерту 6-тарау. Қорғау құжатының қолданылуын тоқтату және қалпына келтіру29-бап. Қорғау құжатына дау айту30-бап. Қорғау құжатының күшi жоқ деп танылуы және оның қолданылуын мерзiмiнен бұрын тоқтату31-бап. Патенттің қолданылуын қалпына келтіру. Соңынан пайдалану құқығы 7-тарау. Авторлардың, өтініш берушілердің және патент иеленушілердің құқықтарын қорғау32-бап. Апелляциялық кеңес32-1-бап. Қарсылықты апелляциялық кеңесте қараудан бас тарту негіздері32-2-бап. Қарсылықты қарау32-3-бап. Апелляциялық кеңестiң шешiмiндегі қате жазуларды және айқын техникалық қателерді түзету32-4-бап. Қарсылықты қараусыз қалдыру33-бап. Дауларды сот тәртiбiмен қарау34-бап. Авторлардың, өтiнiш берушiлердiң және патент иеленушiлердiң құқықтарын бұзғандық үшiн жауапкершiлiк 8-тарау. Қорытынды ережелер35-бап. Мемлекеттiк баж36-бап. Патенттiк сенiм бiлдiрiлген өкiлдер36-1-бап. Патенттік сенiм білдірілген өкілдің құқықтары мен міндеттері36-2-бап. Патенттік сенiм білдірілген өкілдің куәлігін жарамсыз деп тану және патенттiк сенiм білдірілген өкілдердің тізіліміндегі мәліметтердің күшін жою37-бап. Өнеркәсiптiк меншiк объектiлерiн халықаралық тіркеу38-бап. Шет елдік жеке және заңды тұлғалар мен азаматтығы жоқ адамдардың құқықтары |