«Көші-қон қызметтерінің әкімшілік деректерін жинауға арналған нысандарды бекіту туралы» Қазақстан Республикасы Ішкі істер министрінің 2019 жылғы 6 желтоқсандағы № 1040 бұйрығы

Көші-қон қызметтерінің әкімшілік деректерін жинауға арналған нысандарды бекіту туралы
Қазақстан Республикасы Ішкі істер министрінің 2019 жылғы 6 желтоқсандағы № 1040 бұйрығы

«Қазақстан Республикасы ішкі істер органдары туралы» 2014 жылғы 23 сәуірдегі Қазақстан Республикасы Заңының 9-бабы 10) тармақшасына және «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабының 3-тармағының 2) тармақшасына сәйкес БҰЙЫРАМЫН:

1. Әкімшілік деректерді жинауға арналған нысандар:

1) «Қазақстан Республикасы азаматтарының шетелге тұрақты тұруға шығуы туралы» осы бұйрыққа 1-қосымшаға сәйкес;

2) «Шетелдіктер мен азаматтығы жоқ адамдарды тіркеу және Қазақстан Республикасында тұрақты тұруға рұқсат беру туралы» 2-қосымшаға сәйкес;

3) «Шетелдіктердің Қазақстан Республикасында уақытша болуы және оларды әкімшілік және қылмыстық жауапкершілікке тарту туралы» 3-қосымшаға сәйкес;

4) «Қазақстан Республикасының азаматтығына қабылдау және одан шығу туралы» 4-қосымшаға сәйкес;

5) «Қазақстан Республикасының азаматтығынан айрылуды тіркеу және әкімшілік практика туралы» 4.1-қосымшаға сәйкес;

6) «Қазақстан Республикасының азаматтарын құжаттандыру туралы» 5-қосымшаға сәйкес;

7) «Шетелдіктердің Қазақстан Республикасына келуіне шақырулар ресімдеу туралы» 6-қосымшаға сәйкес;

8) «Қазақстан Республикасынан шығу және Қазақстан Республикасына келу құқығына визаларды беру және ұзарту туралы» 7-қосымшаға сәйкес;

9) «Іздестіру туралы» 8-қосымшаға сәйкес;

10) «Еңбекші көшіп келушілерге рұқсаттарды беру және ұзарту туралы» 9-қосымшаға сәйкес бекітілсін.

2. Облыстардың, республикалық маңызы бар қалалардың, астананың және Көліктегі полиция департаменттерінің бастықтары:

1) Қазақстан Республикасы Ішкі істер министрлігінің Көші-қон полициясына арналған ақпараттық жүйенің «Есептер» модуліне 1, 2, 3, 4, 4.1, 6,7, 8, 9-қосымшалар бойынша әкімшілік деректерді ай сайын есеп беру айынан кейінгі айдың 1 күніне дейін енгізуді;