«Эксаумақтық қағидаты бойынша азаматтық хал актілерін тіркеу саласында мемлекеттік қызмет көрсетуді және Қазақстан Республикасынан тыс жерде туылған баланың тууын мемлекеттік тіркеуді пилоттық режимде іске қосу туралы» Қазақстан Республикасы Әділет министрінің 2019 жылғы 11 желтоқсандағы № 590, Қазақстан Республикасы Цифрлық даму, инновациялар және аэроғарыш өнеркәсібі министрінің 2019 жылғы 12 желтоқсандағы № 344, Қазақстан Республикасының Сыртқы істер министрінің 2019 жылғы 19 желтоқсандағы № 11-1-4/677 бірлескен бұйрығы

Эксаумақтық қағидаты бойынша азаматтық хал актілерін тіркеу саласында мемлекеттік қызмет көрсетуді және Қазақстан Республикасынан тыс жерде туылған баланың тууын мемлекеттік тіркеуді пилоттық режимде іске қосу туралы
Қазақстан Республикасы Әділет министрінің 2019 жылғы 11 желтоқсандағы № 590, Қазақстан Республикасы Цифрлық даму, инновациялар және аэроғарыш өнеркәсібі министрінің 2019 жылғы 12 желтоқсандағы № 344, Қазақстан Республикасының Сыртқы істер министрінің 2019 жылғы 19 желтоқсандағы № 11-1-4/677 бірлескен бұйрығы

Эксаумақтық қағидаты бойынша азаматтық хал актілерін мемлекеттік тіркеу саласында мемлекеттік қызметтер көрсетуді және Қазақстан Республикасынан тыс жерде туылған баланың тууын мемлекеттік тіркеуді жетілдіру мақсатында, БҰЙЫРАМЫЗ:

1. Тиісті нормативтік құқықтық актілер белгіленген тәртіп бойынша қабылданғанға дейін эксаумақтық қағидаты бойынша азаматтық хал актілерін мемлекеттік тіркеу саласында мемлекеттік қызмет көрсету және Қазақстан Республикасынан тыс жерде туылған баланың тууын мемлекеттік тіркеу пилоттық режимде іске қосылсын.

2. Азаматтық хал актілерін мемлекеттік тіркеу, акт жазбаларға өзгерістер, толықтырулар, түзетулер енгізу, оларды қалпына келтіру, күшін жою, сондай-ақ қайталама куәліктер мен анықтамалар беру, куәліктерде оның берілген және тіркелген орны көрсетіле отырып, өтініш берушілердің қалауы бойынша Қазақстан Республикасының аумағындағы кез келген тіркеуші органда жүргізілсін.