(БҰРЫНҒЫ РЕДАКЦИЯ) «НАРКОЛОГИЯЛЫҚ ҰЙЫМНАН АНЫҚТАМА БЕРУ» МЕМЛЕКЕТТІК КӨ...

Осы редакция 2019 жылғы 9 шілдеде енгізілген өзгерістеріне дейін қолданылды

Маңғыстау облысы әкімдігінің

2015 жылғы 13 қазандағы

№ 302 қаулысымен бекітілген

 «Наркологиялық ұйымнан анықтама беру»
мемлекеттік көрсетілетін қызмет регламенті

1. Жалпы ережелер

1. «Наркологиялық ұйымнан анықтама беру» мемлекеттік қызметті (бұдан әрі - мемлекеттік қызмет) денсаулық сақтау ұйымдары (Маңғыстау облысының денсаулық сақтау басқармасының «Маңғыстау облыстық наркологиялық диспансері» шаруашылық жүргізу құқығындағы мемлекеттік коммуналдық кәсіпорны) (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызметті көрсету нәтижесін беру:

1) Қазақстан Республикасы Инвестициялар және даму министрлігінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚКО).

2) көрсетілетін қызметті беруші арқылы жүзеге асырылады.

2. Көрсетілетін мемлекеттік қызметтің нысаны - қағаз түрінде.

3. Мемлекеттік қызмет көрсетудің нәтижесі:

ХҚО-да - диспансерлік есепте тұрғаны/тұрмағаны туралы анықтаманы беру;

денсаулық сақтау ұйымдарда - диспансерлік есепте тұрғаны/тұрмағаны туралы анықтаманы беру;

 «Денсаулық сақтау саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен (Нормативтік құқықтық актілерді мемлекеттік тіркеу тізілімінде №11304 болып тіпкелген) бекітілген «Наркологиялық ұйымнан анықтама беру» мемлекеттік көрсетілетін қызмет стандартының(бұдан әрі - Стандарт) 1-қосымшасына сәйкес нарколог-дәрігер мен медициналық тіркеуші қол қойған және анықтаманы берген, 2-қосымшасына сәйкес дәрігердің және көрсетілетін қызметті берушінің мөрімен расталған, мемлекеттік қызмет көрсетуді тіркеу журналында анықтаманы тіркей отырып,нысандары бойынша анықтама беріледі.

Мемлекеттік көрсетілетін қызмет ақылы негізде көрсетіледі.