«Туристік маршруттар мен соқпақтардың мемлекеттік тізілімінен үзінді» мемлекеттік көрсетілетін қызмет регламентін бекіту туралы» Қостанай облысы әкімдігінің 2016 жылғы 3 мамырдағы № 209 Қаулысы (2019.04.10. берілген өзгерістермен) (күші жойылды)

«Туристік маршруттар мен соқпақтардың мемлекеттік тізілімінен үзінді» мемлекеттік көрсетілетін қызмет регламентін бекіту туралы
Қостанай облысы әкімдігінің 2016 жылғы 3 мамырдағы № 209 Қаулысы

(2019.04.10. берілген өзгерістермен)

Қостанай облысы әкімдігінің 2020 жылғы 11 ақпандағы № 59 Қаулысымен күші жойылды

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 16-бабына сәйкес Қостанай облысының әкімдігі ҚАУЛЫ ЕТЕДІ:

1. Қоса беріліп отырған «Туристік маршруттар мен соқпақтардың мемлекеттік тізілімінен үзінді» мемлекеттік көрсетілетін қызмет регламенті бекітілсін.

2. Осы қаулының орындалуын бақылау Қостанай облысы әкімінің жетекшілік ететін орынбасарына жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қостанай облысы әкімдігінің

2016 жылғы 3 мамырдағы

№ 209 қаулысымен бекітілген

«Туристік маршруттар мен соқпақтардың мемлекеттік тізілімінен үзінді»

мемлекеттік көрсетілетін қызмет регламенті

1. Жалпы ережелер

Қостанай облысы әкімдігінің 2018.31.05. № 253 Қаулысымен (бұр.ред.қара); 2019.04.10. № 420 Қаулысымен (бұр.ред.қара) 1-тармақ өзгертілді

1. «Туристік маршруттар мен соқпақтардың мемлекеттік тізілімінен үзінді» мемлекеттік көрсетілетін қызметін (бұдан әрі - мемлекеттік көрсетілетін қызмет) облыстың жергілікті атқарушы органы («Қостанай облысы әкімдігінің кәсіпкерлік және индустриалдық-инновациялық даму басқармасы» мемлекеттік мекемесі») (бұдан әрі - көрсетілетін қызметті беруші) көрсетеді.

Өтінішті қабылдау және мемлекеттік қызметті көрсетудің нәтижесін беру:

1) көрсетілетін қызметті берушінің кеңсесі;

2) «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қостанай облысы бойынша филиалы (бұдан әрі - Мемлекеттік корпорация).

2. Мемлекеттiк қызмет көрсету нысаны: қағаз жүзінде.

3. Мемлекеттік қызмет көрсету нәтижесі - туристік маршруттар мен соқпақтардың мемлекеттік тізілімінен үзінді.