(БҰРЫНҒЫ РЕДАКЦИЯ) «АВТОМОБИЛЬ ЖОЛДАРЫН БАСҚАРУ ЖӨНІНДЕГІ ҰЛТТЫҚ ОПЕРАТ...

Автомобиль жолдарын басқару жөніндегі ұлттық оператор мен астананың көлік инфрақұрылымы объектілерін басқару функцияларын жүзеге асыратын компанияның мемлекеттік емес қарыз бойынша мемлекеттік кепілдік берілгені үшін қарыз алушыдан алдын ала біржолғы төлем (алым) алынбайтын, екінші деңгейдегі банк кепілдігі не сақтандыру шарты ұсынылмайтын, меншікті капиталының болуы талап етілмейтін, мемлекеттік кепілдік берілетін мемлекеттік емес қарыз есебінен қаржыландыруға ұсынылатын инвестициялық жобаларының тізбесін бекіту туралы
Қазақстан Республикасы Ұлттық экономика министрінің 2016 жылғы 2 қыркүйектегі № 393 және Қазақстан Республикасы Қаржы министрінің 2016 жылғы 5 қыркүйектегі № 481 бірлескен бұйрығы

Осы редакция 2017 жылғы 3 сәуірде енгізілген өзгерістеріне дейін қолданылды

2008 жылғы 4 желтоқсандағы Қазақстан Республикасы Бюджет кодексінің 215-бабы 3-тармағына және 216-бабы 3) және 9) тармақшаларына сәйкес БҰЙЫРАМЫЗ:

1. Қоса беріліп отырған автомобиль жолдарын басқару жөніндегі ұлттық оператор мен астананың көлік инфрақұрылымы объектілерін басқару функцияларын жүзеге асыратын компанияның мемлекеттік емес қарыз бойынша мемлекеттік кепілдік берілгені үшін қарыз алушыдан алдын ала біржолғы толем (алым) алынбайтын, екінші деңгейдегі банк кепілдігі не сақтандыру шарты ұсынылмайтын, меншікті капиталының болуы талап етілмейтін, мемлекеттік кепілдік берілетін мемлекеттік емес қарыз есебінен қаржыландыруға ұсынылатын инвестициялық жобаларының тізбесі бекітілсін.