«Сауран ауданының елді мекендеріндегі салық салу объектілерінің орналасқан жерін ескеретін аймаққа бөлу коэффициентін бекіту туралы» Түркістан облысы Сауран ауданы әкiмдiгiнiң 2024 жылғы 29 қарашадағы № 261 Қаулысы (қолданысқа енген жоқ)

Сауран ауданының елді мекендеріндегі салық салу объектілерінің орналасқан жерін ескеретін аймаққа бөлу коэффициентін бекіту туралы
Түркістан облысы Сауран ауданы әкiмдiгiнiң 2024 жылғы 29 қарашадағы № 261 Қаулысы

«Салық және бюджетке төленетін басқа да міндетті төлемдер туралы (Салық Кодексі)» Қазақстан Республикасы Кодексінің 529-бабының 6-тармағына, Қазақстан Республикасы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына және Қазақстан Республикасы Ақпарат және коммуникациялар министрінің «Аймаққа бөлу коэффициентін есептеу әдістемесін бекіту туралы» 2018 жылғы 12 қарашадағы № 475 бұйрығына (Нормативтік құқықтық актілерді мемлекеттік тіркеу тізілімінде № 17847 болып тіркелген) сәйкес, Сауран ауданының әкімдігі ҚАУЛЫ ЕТЕДІ:

1. Сауран ауданының елді мекендеріндегі салық салу объектілерінің орналасқан жерін ескеретін аймаққа бөлу коэффициенті осы қаулының қосымшасына сәйкес бекітілсін.

2. Сауран ауданы әкімдігінің 2023 жылы 1 желтоқсандағы № 361 «Сауран ауданында салық салу объектісінің елдi мекенде орналасуын ескеретін аймаққа бөлу коэффициентiн бекіту туралы» қаулысының (Нормативтік құқықтық актілерді мемлекеттік тіркеу тізілімінде № 6416-13 болып тіркелген) күші жойылды деп танылсын.