«Мемлекеттік саяси және әкімшілік қызметшілердің кадр құрамының жай-күйінің, сондай-ақ мемлекеттік қызметтің мемлекеттік саяси және әкімшілік лауазымдарының мониторингі бойынша әкімшілік деректерді жинауға арналған нысандарды бекіту туралы» Қазақстан Республикасының Мемлекеттік қызмет істері агенттігі төрағасының 2019 жылғы 4 желтоқсандағы № 205 бұйрығы

Мемлекеттік саяси және әкімшілік қызметшілердің кадр құрамының жай-күйінің, сондай-ақ мемлекеттік қызметтің мемлекеттік саяси және әкімшілік лауазымдарының мониторингі бойынша әкімшілік деректерді жинауға арналған нысандарды бекіту туралы
Қазақстан Республикасының Мемлекеттік қызмет істері агенттігі төрағасының 2019 жылғы 4 желтоқсандағы № 205 бұйрығы

«Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына және «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасы Заңының 5-бабы 2-тармағының 3) тармақшасына сәйкес, БҰЙЫРАМЫН:

1. Қоса берілген:

1) осы бұйрыққа 1-қосымшаға сәйкес «Мемлекеттік саяси және әкімшілік қызметшілердің кадр құрамының жай-күйінің, сондай-ақ мемлекеттік қызметтің мемлекеттік саяси және әкімшілік лауазымдарының мониторингі бойынша есеп» әкімшілік деректерді жинауға арналған нысаны;

2) осы бұйрыққа 2-қосымшаға сәйкес «Теріс себептермен мемлекеттік қызметтен шығарылған мемлекеттік қызметшілер туралы есеп» әкімшілік деректерді жинауға арналған нысаны;

3) осы бұйрыққа 3-қосымшаға сәйкес «Қазақстан Республикасы Президентінің жанындағы Мемлекеттік басқару академиясының түлектері туралы есеп» әкімшілік деректерді жинауға арналған нысаны;

4) осы бұйрыққа 4-қосымшаға сәйкес әкімшілік деректерді жинауға арналған ««Болашақ» халықаралық стипендиясы бағдарламасының түлектері туралы есеп» нысаны бекітілсін.

2. «Қазақстан Республикасындағы мемлекеттік қызмет кадрлары жай-күйінің мониторингі бойынша әкімшілік деректерді жинақтауға арналған нысандарды бекіту туралы» Қазақстан Республикасы Мемлекеттік қызмет істері агенттігі Төрағасының 2018 жылғы 12 желтоқсандағы № 276 бұйрығының күші жойылды деп танылсын (Нормативтік құқықтық актілерді мемлекеттік тіркеу тізілімінде № 17987 болып тіркелген. 2018 жылғы 26 желтоқсанда Эталондық бақылау банкінде жарияланған).