(БҰРЫНҒЫ РЕДАКЦИЯ) ҚАЗАҚСТАН РЕСПУБЛИКАСЫ ҚЫЛМЫСТЫҚ КОДЕКСІНІҢ 67-БАБЫН...

Қазақстан Республикасы Қылмыстық кодексінің 67-бабын қолдану жөніндегі сот практикасы туралы
Қазақстан Республикасы Жоғарғы Сотының 2001 ж. 21 маусымдағы № 4 нормативтік қаулысы

(2011.21.04. берілген өзгерістер мен толықтырулармен)

Осы редакция 2017 жылғы 31 наурызда енгізілген өзгерістеріне дейін қолданылды

ҚР Жоғарғы Сотының 11.07.03 ж. № 6 нормативтік қаулысымен тақырыбы өзгертілді (бұрынғы ред. қара)

ҚР Жоғарғы Сотының 11.07.03 ж. № 6 нормативтік қаулысымен кіріспе өзгертілді (бұрынғы ред. қара)

Қазақстан Республикасының Жоғарғы Соты қылмыс жасаған адамның жәбiрленушімен татуласуына байланысты ҚК-нiң 67-бабының негізiнде қылмыстық жауапкершiлiктен босату жөніндегi сот тәжiрибесiнiң қорытындыларын талқылап, соттардың аталған заңның нормаларын бiрыңғай қолдануы мақсатында төмендегiдей түсiндiрме беру жөнiнде қаулы етеді:

ҚР Жоғарғы Сотының 11.07.03 ж. № 6 нормативтік қаулысымен (бұрынғы ред. қара); 2011.21.04. № 1 Нормативтік қаулысымен (бұр.ред.қара) 1-тармақ өзгертілді

1. Тараптарды татуластыру институтын дұрыс қолдану жәбірленушiнiң қылмыстық процестегі рөлi мен белсенділігін арттыруға, оның бұзылған құқықтары мен бостандықтарын тез қалпына келтiруге жәрдемдеседi, сонымен бiрге қылмысты жасаған, соңынан жәбiрленушiмен татуласу және зиянның есесiн толтыру түрiнде байқалатын оң тәртібімен танылған адамдарға адамгершiлiкпен қарауға бағытталған.

Қылмыстық процесті жүргізуші орган қылмыс жасаған адамға және жәбірленушіге Қазақстан Республикасы Қылмыстық кодексінің (бұдан әрі - ҚК-нің) 67-бабына сәйкес татуласу құқығын, негіздері мен тәртібін түсіндіруге міндетті.

ҚР Жоғарғы Сотының 11.07.03 ж. № 6 нормативтік қаулысымен 2-тармақ жаңа редакцияда (бұр. ред. қара)

2. ҚР Жоғарғы сотының 2011.21.04. № 1 Нормативтік қаулысымен алып тасталды (бұр.ред.қара)

ҚР Жоғарғы Сотының 11.07.03 ж. № 6 нормативтік қаулысымен 3-тармақ жаңа редакцияда (бұр. ред. қара)